Hebreos 5:11 - Nuevo Testamento Toba Sur

¹¹ Qaq qomi' ÿataqta qalota na qad'aqtaxanaxac da sa'axataq de'eda, qalaxayi huo'o da lqalaic da qai'axategue ca llic damayi, cha'ayi qami' sa ishit da qauaÿajñi.

Nuevo Testamento Toba Sombrero Negro

¹¹ Da'me jayem jalcote da'me jo'ne jetaque ami ja'aĝatema da'me jo'ne mach'e yelo'teguet da'me dojo' napaĝaguenataĝanaĝac, qalaĝaja 'uo da'me laqalaic da'me ami japaĝagueneque, yajouaĝat da'me ja paja'a ta'le auayachiñe.

La'aqtaqa Ñim Lo'onatac 'Enauacna 2013

¹¹ Qalota na qara'aqtaxanaxac da sa'axataq de'era, qalaxaye huo'o da lqalaic da ỹataqta sa'axataqtegue ca llec da qami' sa'axataqtema, cha'aye huo'o qanqa'eñi da lqalaic damaye.

Hebreos 5:11 Referans Kwoze

Mateo 13:15

Cha'ayi da lquiyaqteÿaxac ne'ena shiÿaxauapi ÿi'iguelaxalec da ÿataqta qadamchigui, qataq sa ishit da ÿoqta hua'aqa, qataq naua l'ai'te ÿamaqta'a't; da yaqto' sa ishit da huo'o ca ila'a, qataq sa ishit da huo'o ca hua'axaÿa, qataq sa ishit da huo'o ca ÿaÿaten da lquiyaqteÿaxac, qataq sa ishit da aÿim ÿi'iguelaxa da yaqto' ñataden.

2 Pedro 3:16

Qaq 'enauac ana ledepi somayi qami' i'axattapeguema de'eda, qalaxayi huo'oi naua huañalo da ÿataqta huo'o da lqalaic da qai'axateguelo naua llico. Qaq ÿoqo'oyi nam qaica ca ÿaÿajnapec qataq sa ishit da da'añi da lpi'iÿaxac nachi ishit da ÿaqa'a naq'en ca ÿanaigui. Huaña, nachi 'eeta'am naq'en da 'eetec nam laÿipi nanettañi l'aqtacpi ñi Dios da ÿashaxaneec, nachi ishit da maichi que'emaxam.

Hechos 28:27

Cha'ayi da lquiyaqteÿaxac ne'ena shiÿaxauapi ÿi'iguelaxalec da ÿataqta qadamchigui, qataq sa ishit da ÿoqta hua'aqa, qataq naua l'ai'te ÿamaqta'a't; da yaqto' sa ishit da huo'o ca ila'a, qataq sa ishit da huo'o ca hua'axaÿa, qataq sa ishit da huo'o ca ÿaÿaten da lquiyaqteÿaxac, qataq sa ishit da aÿim ñi'iguelaxa da yaqto' ñataden.

Juan 16:12

Qaq aÿim qalota na i'aqtacpi da qami' sa'axatema, qalaxayi sa ishit da qauaÿajñi nagui.

Juan 6:6

Qalaxayi so Jesús 'enapec de'eda, cha'ayi nshitaique da ÿaÿaten ca l'aqtac so Felipe, cha'ayi somayi maichi ÿaÿateetac ca lataxac cam i'ot.

Lucas 24:25

Nachi so Jesús 'enapeco': –¡Ÿataqta qaico' ca qauaÿajñiÿapec qami', qataq qaÿaloqta da qau'amaqchiñi 'enauac nam l'aqtaxanaxacpi som l'aqtaxanaxanecpi ñi Dios!

Marcos 8:21

Nachi 'enapegalo soomayi, 'eeta': –¿Qalaq ñaq 'eetalco' da saxanaqca ca qauaÿajñi?

Hebreos 5:10

Nachi ñi Dios ÿanagui somayi da nachiso so lataxala' nam ntaxaÿaxanaxanecpi da qaitaxaÿapegue' ñimayi. Qaq nachi 'eeta'am da lataxac so Melquisedec.

Hebreos 5:12

Cha'ayi nagui da mashi qaÿoqteguelo naua vi'iyi, nachi qami' ishíttaxa da mashi qauapaxaguenataxañiitac. Qalaxayi nagui qami' ñaq 'eetalec da qaviñiitac da qami' qaÿapaxaguenque ca llic naua huesoteguelo lapaxaguenataxanaxaco ñi Dios. Cha'ayi qami' qavi'iguelaqÿa da qaica ca qad'añaxaqui, ÿoqo'oyi iuen da qami' qaiqui'axanque ca nchi', qaq sa ishit da nachica ca nallic mayi sa nsatta.