Hebreos 5:1 - Nuevo Testamento Toba Sur

¹ Cha'ayi ñi 'oonolec nam lataxala'pi na ntaxaÿaxanaxanecpi qaÿachigoxottoigui nam shiÿaxauapi, nachi qoÿideuo, da yaqto' ltaxaÿaxanaxanec qanqoÿin na shiÿaxauapi da detaxaÿapegue' ñi Dios, qataq da ÿaneuo ana nachitaqtaxanaqte, qataq da qaÿavigaxat na nachitaqtaxanaxat, da yaqto' qaÿapalaxat na nasouaxashit.

Nuevo Testamento Toba Sombrero Negro

¹ Yema ga'me netaĝayaĝanaĝanec jo'ne lajoĝola' ga'me tamenaĝaiqui lo'olpi mach'e liquiyac joñe'me Dios, qama'le qoyachiyoĝotauelo jogaa'me jiyaĝa'u laqaya' da'me dajoya'aguet joñe'me Dios, qaedi yadegue gaa'me lachitaqataĝanaqa'te ga'me jiyaĝadipi choqoga'me lajaqajecpi jo'ne qoyigouelo, qaedi qoyapalaĝa't gaa'me loeco jogaa'me.

La'aqtaqa Ñim Lo'onatac 'Enauacna 2013

¹ Ñim Lo'onatac 'Enauacna maiche lca'aguishec nam lataxala'pi na ntaxaỹaxanaxanecpi da qaitaxaỹapegue' Ñimaye, da yaqto' itauan nam lalamaxatpi Ñimaye qataq da yaqto' ỹaneuo ana nachetaqtaxanaqte maye saishet da qaỹavigaxat qataq ana qaỹavigaxatta da yaqto' Ñim Lo'onatac 'Enauacna ỹapalaxat na nasouaxashetpi.

Hebreos 5:1 Referans Kwoze

Hebreos 8:3

Qaq 'enauac nam lataxala'pi na ntaxaÿaxanaxanecpi, namayipi qoÿideuo, da yaqto' ÿaatapegueuo ana nachitaqtaxanaqte qataq nam qoÿaneuo da qaÿavigaxat. Qaq ÿoqo'oyi so Jesucristo, somayi nataq'en iuen da ÿauo'o aca ÿaneuo lachitaqtaxanaqte.

Hebreos 10:11

Qaq 'enauac nam ltaxaÿaxanaxanecpi na judiopi da qaitaxaÿapegue' ñi Dios, namayipi i'ot da l'onataxanaxac na na'axa'tesa'chi qataq queto'ot da ÿi'iguelaxattalec da ÿaatapegueuo nam nachitaqtaxanaxatpi, qaq nai'ctaxa da ne'ena nachitaqtaxanaxatpi sa ishit da nqat na nasouaxashitpi.

Hebreos 11:4

So Abel souaxat co'ollaxa da lpi'iÿaxac, nachi ÿanot ñi Dios aso lachitaqtaxanaqte, qaq asomayi ÿataqta napacalec som lachitaqtaxanaxat so Caín. Qaq ÿoqo'oyi ñi Dios ÿataqta ÿaÿamaxadeeta somayi da no'on da lataxac, nachi ÿaconguet aso lachitaqtaxanaqte. Qaq 'eda da 'eetec so Abel, da nai'ctaxa da mashi ileu, qalaxayi da lpi'iÿaxac ñaq queta da qomi' da'aqtaxaatapeguema.

Hebreos 9:9

Qaq 'enauac de'eda 'eeta'am da chochi naloqnaxanaxat nagui ne'enaua souaqtaiguilo na'axa'te. Cha'ayi ana nachitaqtaxanaqte qataq nam qoÿaneuo da qaÿavigaxat mayi huaigui somayi da qoÿanot ñi Dios, namayi sa ishit da ÿaÿamaxatchiguiñi da lavilÿaxac nam 'eetec de'eda da ÿi'oxoden ñi Dios.

Hebreos 7:27

Qaq sa ishit da 'eeta'am na laÿipi lataxala' na ntaxaÿaxanaxanecpi da namayipi iuen da i'auaxaañi da ÿavigaxat aca lachitaqtaxanaqte 'enauaque naua na'axa'te, da yaqto' qaÿapalaxat na maichi lasouaxashitpi, ime, qataq jec na lasouaxashitpi na shiÿaxauapi. Qaq so Jesús, qalaxayi 'oonolec da ÿi'iguelaxalec da ÿauo'o aso lachitaqtaxanaqte da ÿaneuo co'ollaq maichi ÿan da nachaalataxac.

Hebreos 2:17

Qaq nachida da huo'o mshi somayi iuen da ÿataqta 'eeta'am qanqoÿin da lataxac na lqaÿañicpi, da yaqto' ishit da ivida'a da npe'et qataq choxonnataxanaxaic lataxala' na ntaxaÿaxanaxanecpi da qaitaxaÿapegue' ñi Dios, qataq da yaqto' ÿapalaxat da lasouaxashit na shiÿaxauapi, ÿachigoxotchigui da nañanguet da nalaataguec.

Romanos 15:17

Cha'ayi aÿim sa'amaqteetac so Cristo Jesús, ÿoqo'oyi huo'o da ñi'amqajnaxac, souaxat da so'onataxaatacot ñi Dios.

1 Corintios 15:3

Da sa'auaxaachiguiñi qami' sapaxaguenque dam nataq'en aÿim qoÿanem, damayi 'eeta': So Cristo ileualec da qayi'itaxaloxo, qaq damayi ipacchigui da 'enapec naua ñiyigui'shi l'aqtaqa ñi Dios.

Hebreos 8:4

Qaq somayi da huo'otaq ñaq hueta'a ana 'alhua, nachi sa ishíttaxa da ntaxaÿaxanaxanec, cha'ayi ñaq huo'o nam ntaxaÿaxanaxanecpi mayi ÿaatapegueuo ana nachitaqtaxanaqte mayi damaxasoxoolec co'ollaxa so Moisés.

Hebreos 10:12

Qalaxayi so Jesucristo nañan da qaÿalauat souaxat na nasouaxashitpi, nachi sa lÿa da qaltaq nañan. Ime, nachi nso'ongue da aloic ñi Dios.