Hebreos 4:16 - Nuevo Testamento Toba Sur

¹⁶ Qaq ÿoqo'oyi ÿataqta qaica qome ca shi'oqtaique da ñoqochinaxau'a ca nso'onqa' ñim qadta'a Dios mayi soxodaic, yaqto' ñimayi ishit da qomi' ichoxode'n, qataq qomi' nqouagueque da qomi' itaua'n da huo'o ca souaqaigui qadhuenaxanaxa.

Nuevo Testamento Toba Sombrero Negro

¹⁶ Chane'eja da'me qo'mi, 'noota qom ena'te joqoleguetaq da'me jec'ataĝa'uo di'me lejaliaqa' joñe'me mach'e Qanedios jo'ne ñoqotaĝanaĝaic, qaedi joñe'me qo'mi lecochiyalo nataq'aen da'me qo'mi yichoĝode'n, gamachaqaega ga'me nolo' qom 'uo ga'me jouenaqataque.

La'aqtaqa Ñim Lo'onatac 'Enauacna 2013

¹⁶ Qaq ỹoqo'oye da huo'o ca qarhuenaxanaxa, nache no'on da maiche sauoqo'o da qanaquitaxac da ñequigaxaua'a ca hueta'a Ñim Lo'onatac 'Enauacna. Qaq Ñimaye qomi' itaua'n, cha'aye ỹataqta soxoraic, qataq qomi' lauotaqa'ate.

Hebreos 4:16 Referans Kwoze

Efesios 3:12

Qaq ÿoqo'oyi so Cristo nachiso so chigoqchigui da huo'o mshi selagaqtapiguiñi da senoxonaxau'a ñi Dios, cha'ayi huo'o da qadpi'iÿaxac somayi.

Hebreos 7:25

Qaq ÿoqo'oyi somayi ishit da chochaq tateec da nca'alaxateec cam chigoqchigui somayi da nañanot ñi Dios. Cha'ayi somayi nachi 'eetai' da nca'altauec, da yaqto' nqouagaxaueetacot ñi Dios souaxat namayipi.

Hebreos 13:6

Qaq ÿoqo'oyi sa ishit da shi'iÿaqlec da shinaqta': Ñi qadataxala' Dios, nachiñi ñi aÿim itauan, qaq ÿoqo'oyi sa ishit da shi'itega ca aÿim i'otec ca chochi shiÿaxaua.

1 Pedro 2:10

Qami' co'ollaxa sa ishit da qami' lalamqa'te ñi Dios, qalaxayi nagui qalaq ÿataqta qami' lalamqa'te. Co'ollaxa qaica da huo'o ca qami' ichoxodeeta'pe, qalaxayi nagui ñimayi ÿataqta qami' ichoxode'n.

Efesios 2:18

Qaq chigoqchigui so Cristo da 'enauac da shinaqta, nai'ctaxa ca judío l'ec huo'otaq ca sa ishit da judío l'ec, da qomi' ÿaueegueta ñi qadta'a da sachigoxosoqchigui naq'en so Espíritu Santo.

Hebreos 7:19

Cha'ayi nam lqataxacpi so Moisés sa ishit da ÿañoxot da naloqchiichiguiñi da lataxac na shiÿaxauapi. Qalaxayi nmenguet qanqoÿin dam qanaquitaxac mayi qaica ca 'en'am, qaq nachida da chigoqchigui da huo'o mshi ñoqochinaxau'a ñi Dios.

Hebreos 9:5

Qaq nam pa'ashiguem asomayi nachi netalguete soua n'enaqtaqa shiÿaxa'u mayi datato'oto ñi Dios. Qaq naua laua soomayi nachi ipelteetalguete som huaña da qaÿapalaxat na nasouaxashit. Qalaxayi qomi' nagui sa ishit da huo'o ca qaddaqa' da sa'axataqta ca lataxac damayi.

Hebreos 3:6

Qalaxayi so Cristo, somayi llalec ñi Dios qataq ÿataqta npe'et da ilo'ogue se'eso lma' ñi Dios, mayi nachiqomi', da ÿataqta qomi' qadamchiyiñi qataq da qadpi'iÿaxac chochi ivitta'a ca qadaloqo', nda'a't da ÿataqta samaqchiguiñi souaxat da qanaquitaxac.