Hebreos 4:15 - Nuevo Testamento Toba Sur

¹⁵ Cha'ayi som qadtaxaÿaxanaxanec, somayi ÿataqta huo'o da lchoxonnataxanaxa da shinaqta souaxat da qaica ca qad'añaxac. Cha'ayi somayi co'ollaxa ÿataqta nque'etaxangui 'enauac na ÿotta'a't ñi'iguenataguec, 'eeta'am da shinaqta. Qalaxayi somayi sa ishit da huo'o ca lasouaxashit.

Nuevo Testamento Toba Sombrero Negro

¹⁵ Qa'a ñe'me mach'e Qadetaĝayaĝanaĝanec yataqata yaqanatet ta'le yichoĝoden da'me mach'e qadachoĝolaĝac, qa'a joñe'me uetauelo ca'li yemeda gaa'me napiyenagueco, ena'ama da'me qo'mi, qalaĝaja joñe'me qaya'te lepatenaĝanaĝac.

La'aqtaqa Ñim Lo'onatac 'Enauacna 2013

¹⁵ Da lle'eguenataxanaxac so pa'aguenataxanaxaic co'ollaq ỹe'eguen So Jesús, nache 'eeta'am da lle'eguenataxanaxac nagui da qomi' ỹe'egue'n da yaqto' ỹauo'o ca qarasouaxashet, qalaxaye So Jesús co'ollaxa saishet da huo'o ca lasouaxashet. Qaq ỹoqo'oye Somaye ỹaỹaten da saqalaq da qaỹalaxaguet Ñim Lo'onatac 'Enauacna.

Hebreos 4:15 Referans Kwoze

2 Corintios 5:21

So Cristo ÿataqta qaica ca lasouaxashit. Qalaxayi souaxat qomi', nachi ñi Dios 'eeta'am naq'en somayi ca 'itaxaloxoic, yaqto' qomi' da mashi ñi'adaqtau'a somayi, nachi saxaigui dam achaalataxac qui'itta mayi ÿaÿamaxadeeta ñi Dios.

1 Juan 3:5

Cha'ayi qami' mashi qauaÿajñi da so Jesucristo somayi anaÿa ana 'alhua, da yaqto' ÿapalaxat 'enauac na qadasouaxashitpi. Qaq somayi ÿataqta qaica ca 'oonolec lasouaxashit.

1 Pedro 2:22

Somayi sa ishit da huo'o ca lasouaxashit, qataq sa ÿauango' da huo'o ca ÿatenachit.

Hebreos 7:26

Qaq ÿoqo'oyi so Jesús nachiso so 'oonolec qadtaxaÿaxanaxanec da detaxaÿapegue' ñi Dios mayi seuenaqtac. Cha'ayi somayi ÿataqta qui'itta, sa qauem da lataxac, qataq qaica ca lasouaxashit, qataq sa ishit da nhuoiguet qanqoÿin na 'itaxaloxoicpi, qataq somayi neta'ague qanqoÿin da laÿi na piguem.

Hebreos 4:14

So Jesús mayi llalec ñi Dios, somayi nachiso som 'oonolec qadtaxaÿaxanaxanec mayi inoxoneu'a ca hueta'a ñi Dios da detaxaÿapegue'. Qaq ÿoqo'oyi qomi' ÿataqta ñi'añaxataqtec qome da qad'amqajnataxanaxac.

Hebreos 5:2

Qaq cha'ayi ne'ena nataxala'pi nataq'en nque'etaxaatapiguilo naua lqalhuaxaco na shiÿaxauapi, qaq ÿoqo'oyi namayipi ishit da nhualaxaune' nam qaica ca ÿaÿajnapec qataq isomtac.

Juan 8:46

¿Négue't ca 'oonolec da qoñiita da ishit da i'axat da huo'otaq huo'o ca ÿasouaxashit? Cha'ayi da huo'otaq sa'axattac dam 'eesa lataxac, qalaq ¿tá'ainco' yi sa ishit da aÿim qau'amaqchiñi?

Lucas 22:28

Qaq qami' mayi nachi 'eetai' da aÿim qannaiquiitapegue', qaq qanqui'itaxañiigui 'enauac nam ñique'ejnaxaguesat.

Lucas 4:2

Huaña yimayi, nachi hueta'a cuarenta na'axa'te, nachi anac so shiÿaxaua lma'na da ÿi'iguen. Qaq ÿataqta qaica ca chic somayi se'esoua na'axa'te. Qaq co'ollaq ime, nachi nomteguet na lqouaxa.

Mateo 12:20

Qataq sa ishit da chochi ÿacagaxat aca coqta mayi namaxagui, qataq sa ishit da ÿalamat cam ncoÿadaxanaxat mayi chochi nchitapiguishiguem, chochi ivitta'a da ime da lapaxañi cam l'onataxanaxac mayi ÿataqta ÿaÿamaqchiguiñi.

Mateo 4:1

Qaq co'ollaq mashi ime de'eda, nachi so Espíritu Santo ÿauega so Jesús ca tojlec 'alhua, da yaqto' so shiÿaxaua lma'na ÿi'iguen somayi.

Romanos 8:3

Cha'ayi ñi Dios i'ot co'ollaxa dam sa ishit da ÿañoxot da i'ot nam nqataxacpi mayi chigoqo'ot so Moisés. Cha'ayi na nqataxacpi qaica ca l'añaxac souaxat da lapachiyaxac na shiÿaxauapi. Nachi ñi Dios namaq so lalamaxat llalec da 'eeta'am naq'en ca shiÿaxaua, da yaqto' ishit da qaÿalauat da ishiiten da ñi'itaxaloxo. Qaq 'eda da 'eetec da huo'o mshi ñimayi namaq so llalec da 'eeta'am naq'en ca 'itaxaloxoic shiÿaxaua. Huaña, nachi ÿachigoxotchigui de'eda lapachiyaxac somayi da nlaxajñi da l'añaxac da ñi'itaxaloxo.

Hebreos 9:28

qaq nachida da 'eetec nataq'en so Cristo da 'oonolec da qaÿi'iguelaxalec da qoÿaneuo da yaqto' nqat nam qalota nasouaxashitpi. Qaq da ime, nachi qaltaq ÿi'iguelaxalec da nachaxan, qalaxayi sa ishit da anaga da nqat na nasouaxashitpi, chaqdata da somayi anaga da nca'alaxateec nam iuattaique somayi.