Hebreos 3:14 - Nuevo Testamento Toba Sur

¹⁴ Cha'ayi da ÿataqta qomi' qadamchiyiñi, chochi sevidaqta'a ca loga't da qanaquitaxac mayi saconaxaguet som hua'auchiguiñi, nachi ishit qome da ñiuanaqhua'a so Cristo.

Nuevo Testamento Toba Sombrero Negro

¹⁴ Qa'a da'me qo'mi, male qo'mi lequiaĝa'u ñe'me Cristo, qom nach'e eta't 'ñañaĝataĝac da'me qadepe'e jo'ne 'uaechiñe 'me qo'mi uetauelo.

La'aqtaqa Ñim Lo'onatac 'Enauacna 2013

¹⁴ Cha'aye da hua'auchiguiñi, co'ollaq sepi'iỹaqa'a So Cristo, nache chegoqchiguiña da qartaua Somaye; qaq da saishet da saxanaxauec da qarpi'iỹaxac Somaye, nache nataqa'en nache 'eetai' da qartaua.

Hebreos 3:14 Referans Kwoze

Hebreos 3:6

Qalaxayi so Cristo, somayi llalec ñi Dios qataq ÿataqta npe'et da ilo'ogue se'eso lma' ñi Dios, mayi nachiqomi', da ÿataqta qomi' qadamchiyiñi qataq da qadpi'iÿaxac chochi ivitta'a ca qadaloqo', nda'a't da ÿataqta samaqchiguiñi souaxat da qanaquitaxac.

Hebreos 6:11

Qalaxayi qomi' sauoqtaique da ñi 'oonolec da qoñiita quetot qome da n'añaxataxac, chochi ivitta'a ca loga't, yaqto' ÿataqta ipacchigui 'enauac cam qanaquichiitaique.

1 Pedro 4:13

Qaq chaqdato' qome da ÿataqta qauamaichiguiñi da qami' qanhuañiÿau'a na nque'ejnaxacpi so Cristo, yaqto' ÿataqta qami' nlaqchiguilo da qantonaxaqui qom qaualoÿa'a da lli'oxoyic qom ivita da ñi'iguelaq somayi.

Hebreos 12:10

'Eesa da soua yi'oqchiguilo qadta'al cada'acolec da qomi' ÿapaxaguenque co'olloxochiyi cam ipeta'a da ÿaÿamaqchiguiñi qadataxac. Qalaxayi saq 'en'am ñi Dios mayi qomi' ÿapaxaguenque da ÿoqta 'eesa da qomi' ÿaÿamaxajyiñi, cha'ayi nshitaique da qomi' qui'itte', shinaqta'am ñimayi.

Hebreos 6:4

Cha'ayi nam mashi sogote co'ollaxa da qaicoÿadelec da lauattonaxanaxac, qataq mashi sogote da ÿaÿateeta cam ÿan ñi Dios, qataq sogote da tanguit so Espíritu Santo,

Efesios 3:6

Qaq de'eda lataxac saq cha'a 'eeta': Chigoqchigui qome da n'aqtac mayi chigaqaigui da nca'alaxa da na sa ishit da judiopi ÿaconguet cam ÿachaxanapec ñi Dios da 'eeta'am qanqoÿin na judiopi. Namayipi nataq'en nhuanau'a da l'oquiaxac so Cristo, qataq nataq'en Jesús.

Hebreos 3:1

Qaq ÿoqo'oyi qami' ÿaqaÿa't mayi qami' lca'agui'shi ñi Dios qataq qami' iÿaxanalo da qami' lalamqa'te, qami' ÿataqta qauloichigui qome so Cristo Jesús, som qomi' qanamaxalo qataq qadataxala' da detaxaÿapegue' ñi Dios mayi sa'amaqtenaqtac.

Romanos 11:17

Qaq huo'o nam judiopi nam lcoue asa'aso nanguishi l'enaxat olivo nam qaiquesoxouec. Qaq som chigoqchiguiña, nachi nañaxateu'a qanqoÿin 'am mayi qoneta'am aca lcoue aca olivo mayi saq nanguishi. Huaña, nachi 'am ishit da 'anhuanau'a so lpa'a'q qataq da lca'alaxa asom olivo.

1 Corintios 10:17

Nai'ctaxa da qomi' saqalota, qalaxayi 'enauac da sachiguenaq aso 'oonole pan, qaq ÿoqo'oyi qomi' 'eeta'am da 'oonolec n'oquiaxac.

1 Juan 1:3

Qaq qami' sa'axataxama dam sauanaqchigui qataq sa'axasoqchigui, yaqto' qami' ishit da qomi' qan'ayiitau'alo, 'eeta'am da 'eetec da qomi' ñi'idaqtau'a ñi qadta'a Dios qataq so llalec Jesucristo.

1 Corintios 1:30

Qaq ñimayi nalligoxottela't da qan'ayiitau'a naq'en so Cristo Jesús, qataq chigoqchigui naq'en somayi da qadaÿajnec. Qataq chigoqchigui naq'en somayi da qomi' ÿaÿamaxadeete' ñimayi, qataq da qomi' lalamqa'te, qataq da qomi' yica'alaxauec.

1 Pedro 5:1

Nagui saqatalo qami' lataxala'te na 'amqajnataxanaxaicpi, cha'ayi nachi shin'ama qami' aÿim nataxala', qataq sauaachigui 'enauac na nque'ejnaxaguesat so Cristo, qataq nachi shin'ama qami' ñiuanau'a ca ñi'oxoyic mayi ñaq natai' da qaÿachaxan.

1 Timoteo 6:2

Qaq ca namaxashic da huo'otaq huo'o ca n'aco' 'amqajnataxanaxaic, qalaq sa ishit da huo'otaq sa ÿalaxalec, lamaaxa da da'amqajnataxan. Chaqdata da ÿataqta huelec da lalaxayic, cha'ayi ca do'onataxaatacot, 'eeta'am l'amqajnataxanaxaua, qataq ÿataqta nauochaxaua lqaÿa. Qaq de'eda shiitega ÿataqta 'auapaxaguenataxanec qataq 'au'axat.

1 Corintios 9:23

Qaq 'eda 'enauac da shiitec souaxat da n'aqtac mayi chigaqaigui da nca'alaxa, yaqto' ishit da nataq'en aÿim ñiuanau'a ca chigaqaigui de'eda n'aqtac.

Romanos 11:22

Qaq ña 'aula'a, ÿataqta qouagaxanaqtaqaic ñi Dios, qalaxayi nataq'en ÿataqta qaica ca lqouagaxat. Ñimayi ÿataqta sa ichoxonnai' nam huo'o co'ollaxa ca ÿasouaxat, qaq 'am qalaxayi ñimayi ÿataqta 'am nqouaguec. Qalaxayi iuen da 'am nachi 'eetai' da qoquetalec de'eda lqouagaxanaqtaic. Cha'ayi qom sa ishit, qaq nataq'en ishit da 'am qaiquesoxouec.

Hebreos 11:1

Da huo'o da qadpi'iÿaxac, qaq nachida da ÿoqta 'eesa naq'en da saconaxaguet cam seuataqtaique, qataq nachida da ÿoqta 'itchiguiñi naq'en da yi'oq cam sa ishit da cha'a.