9 Qalaxayi qomi' ishit da seloqchigui so Jesús som cada'ac da nataÿaña naq'en ñi Dios na lamaxashic piguem l'ecpi. Qalaxayi souaxat da lauotaxanaqtaic da shinaqta ñi Dios, nachi ÿan somayi, da yaqto' ileualec 'enauac na shiÿaxauapi. Qaq nagui somayi qoÿanagui da lli'oxoyic qataq da l'amaqchic souaxat da nque'etaxangui da l-leuaxa.
9 Qalaxaye Ñim Lo'onatac 'Enauacna qomi' ỹauoteque, nache namaxalec ana 'alhua So Jesús da qomi' nca'alaxatre'c, chegoqchigui da l-leuaxa. Ỹoqo'oye na'aictaxa da Ñim Lo'onatac 'Enauacna da cara'ac co'ollaxa da ỹasheeteguet So Jesús da nquicchiguiñi da la'amaqchec saq 'ena'am na lamaxashecpi piguem le'ecpi, qalaxaye nagui Somaye nachaqsota da qaỹo'oxoreetac souaxat da qaica ca 'ena'am la'amaqchec.
Cha'ayi somayi nachiso so chigoqchigui da huo'o mshi qaÿapalaxa't naua qadasouaxashi'te, qaq sa ishit da nachiqomaqta, cha'ayi nataq'en 'enauac na shiÿaxauapi mayi huetalec ana 'alhua.
Qaq de'eda 'eetec dam lasouaxashit so Adán da ÿasouaxateguet 'enauac na shiÿaxauapi da qaÿauo'o ca nhuaxanaguec, qaq nachi 'eetec nataq'en dam no'on lataxac so Jesucristo nda'a 'enauac na shiÿaxauapi cam achaalataxac mayi ÿataqta huesochiguiñi. Sa ishit da huo'o ca nhuaxanaguec qanqoÿin.
Cha'ayi ñi Dios ÿataqta lta'adaic da lauotaxanaqtaic na shiÿaxauapi, ÿoqo'oyi ÿan na 'oonolec llalec, yaqto' 'enauac nam i'amaqten namayi, nachi sa ishit da ileu. Chaqdata da huo'o da lca'alaxa mayi chochaq tateec.
So Cristo ileualec 'enauac na shiÿaxauapi, yaqto' cam ña nca'altauec, qalaq sa ishit da maichi lalamaxat da nachaalataxac. Chaqdata da lalamaxat som ileualec qataq nca'aleeguesop qanqoÿin.
Qaq ÿoqo'oyi so Cristo, co'ollaq huotaique da anaÿa ana 'alhua, nachi 'eetega ñi Dios, 'eeta': 'Am sa 'auaconguet na nachitaqtaxanaxatpi, qataq na qoÿaatapegueuo shiguiÿacpi, chaqdata da 'am 'auqataxaatapigui cam i'oquiaxac.
Qaq so lÿa na'a'q, nachi so Juan ila'aguet so Jesús da naÿaxaama somayi, nachi somayi 'eeta': –Ña qauloÿa, 'ena cha'aguet na qagueta llalec mayi chigoqo'ot ñi Dios, nam nqat qome 'enauac na nasouaxashitpi ana 'alhua.
Qaq 'enauac nam lataxala'pi na ntaxaÿaxanaxanecpi, namayipi qoÿideuo, da yaqto' ÿaatapegueuo ana nachitaqtaxanaqte qataq nam qoÿaneuo da qaÿavigaxat. Qaq ÿoqo'oyi so Jesucristo, somayi nataq'en iuen da ÿauo'o aca ÿaneuo lachitaqtaxanaqte.
Somayi nañanguet da qaÿalauat, qaq de'eda nalaataguec naigui da ishiiten aso lashiue da lca'alaxa na 'enauac shiÿaxauapi. Qaq de'eda co'ollaq ivita so laloqo', nachi jec da qai'axateec.
Cha'ayi ñim Dios mayi ÿataqta sa ÿauota'ac so lalamaxat llalec, chaqdata da ÿanguet da nalaataguec souaxat da shinaqta. Qaq ¿táloxochiyictoxo' da sa lÿateec naq'en so llalec da qomi' ÿanema 'enauacna, da yaqto' qadalamaxat?
Qalaxayi co'ollaq ivita so na'a'q mayi naloqnec, nachi ñi Dios namaq so llalec da nañaxatoigui naq'en aso 'alo, da chigoqtoigui naq'en na judiopi mayi hueto'ot da lapaxaguenataxanaxac na nqataxacpi.
Qalaxayi ñim nDios so hua'au qadta'a Abraham, qataq so Isaac, qataq so Jacob, ñimayi nachiñi ñi ÿanem da lta'adaic l'amaqchic so llalec Jesús, som qami' qai'añiu'a co'ollaxa na nta'alpi. Nachi so nta'a Pilato co'ollaq nshitaique da ÿaxaneec, qalaq qami' sa qauaÿamaxayiñi.
Cha'ayi ñi Dios i'ot co'ollaxa dam sa ishit da ÿañoxot da i'ot nam nqataxacpi mayi chigoqo'ot so Moisés. Cha'ayi na nqataxacpi qaica ca l'añaxac souaxat da lapachiyaxac na shiÿaxauapi. Nachi ñi Dios namaq so lalamaxat llalec da 'eeta'am naq'en ca shiÿaxaua, da yaqto' ishit da qaÿalauat da ishiiten da ñi'itaxaloxo. Qaq 'eda da 'eetec da huo'o mshi ñimayi namaq so llalec da 'eeta'am naq'en ca 'itaxaloxoic shiÿaxaua. Huaña, nachi ÿachigoxotchigui de'eda lapachiyaxac somayi da nlaxajñi da l'añaxac da ñi'itaxaloxo.
Nachi na judiopi 'enapego' somayi, 'eeta': –Qomi' nagui saÿajnaqta da 'am huo'o ñi 'ad'ec leguemaxaic. Cha'ayi so Abraham qataq 'enauac so l'aqtaxanaxanecpi ñi Dios, somayipi co'ollaxa ileu, qalaq 'am qonapec: “Da ca ÿalaxaguet cam shinapec, nachi camayi sa ishit da nauane' da ileu.”
Qaq ÿataqta 'eesa de'eda qami' shinapegalo da huo'o nagui na ÿalectauo da sa ishit qome da ileu qom saxanaxa da ilogui na shiÿaxaua llalec qom mashi ñi'iguelaq da nactaigui da l'onataxanaxac da nta'a.
Qaq cada'acolec da 'am 'ai'anagui da na 'adamaxashic piguem l'ecpi nataÿaña naq'en namayipi. Qalaxayi 'ai'anagui da lli'oxoyic qataq da l'amaqchic, ime, nachi 'ai'anem da ilo'ogue 'enauac nam 'ad'onatacpi,
Ÿataqta 'eesa da qami' sa'axatema da huo'o nagui na ÿalectauo da saxanaxa qome da ileu qom huo'otaq saxanaxa da ilogui da 'eetec qom ilo'ogue 'enauacna ñi Dios.
So Jesús nataq'en 'enapeco': –Ÿataqta 'eesa de'eda qami' sa'axatema, da huo'o nagui nam ÿalectauopi nam saxanaxa qome da ileu, chochi ivitta'a da ÿauaachigui da nvi' da l'onataxanaxac ñi Dios qataq da l'añaxac da ilo'ogue 'enauacna.
Qaq ¿tá'ainco' qone' yi qami' ÿaquicoqchi't cam qodogoxochi? Qaq ña qaumijñiÿo' anam huoue mayi huetalec na n'onaxa da anamayi sa ishit da do'onataxan qataq sa ishit da daqalejnaxan.
'Am ÿataqta 'anqopita da 'au'ot ca ÿaÿamaqchiguiñi, qataq ÿataqta sa 'anqopita ca sa ÿaÿamaxañi. Qaq ÿoqo'oyi ñi 'adta'a Dios, ñimayi icodelec 'am da lta'adaic 'adamaiquiaxac, qaq saq 'en'am naq'en na 'adaÿipi.
So Henoc nataq'en souaxat da lpi'iÿaxac, nachi qaÿaueegue da piguem, nachi somayi sa nauane' da ileu. Nachi sa ishit co'ollaxa da qaÿanata, cha'ayi ñi Dios ÿauec. Qaq naua ñiyigui'shi l'aqtaqa ñi Dios i'axa't da somayi co'ollaq saxanaxa da qaÿauec nachi nal'ena da mashi ÿaÿamaxadeeta somayi ñi Dios.
Ÿataqta seloqchigui qome so Jesús, som chigoqo'ot da qadpi'iÿaxac, qataq nachiso so naloqchiichiguiñi. So Jesús ÿataqta n'añaxateguet da 'eetec co'ollaq qaiuaxaneuo, qalaxayi sa ishit da ÿoqocha'a da n'enaguec de'eda l-leuaxa. Cha'ayi somayi ÿaÿaten da huo'otaq mashi inoxonaqchitec de'eda nque'ejnaxac, nachi huo'o da ntonaxac qataq da lamaiquiaxac. Nachi somayi nso'ongue da aloic ñi Dios.