Hebreos 2:6 - Nuevo Testamento Toba Sur

⁶ Cha'ayi naua nanettrañi l'aqtaqa huo'o so i'axat co'ollaxa da 'eeta': ¿Negue'tom ca chochi shiÿaxaua, 'am ita'a Dios, da huo'otaq 'auennata'a camayi? Qataq ¿negue'tom cam shiÿaxaua mayi huo'o ca loga't da huo'otaq qouapegue' camayi?

Nuevo Testamento Toba Sombrero Negro

⁶ Dite da'me joote 'uo ga'me jo'ne dojapegue' joñe'me Dios da'me 'yaĝatetac da'me dojo', enaac: “¿Jach'e jogamaĝa eeta ga'me jiyaĝaua? ¿Toqoch'e auenate'ta nataq'aen da'me adetela joñe'me?

La'aqtaqa Ñim Lo'onatac 'Enauacna 2013

⁶ acamaye ilo'ogue ca lỹa shiỹaxaua. Cha'aye ana nere maye huetalec na la'aqtacpi Ñim Lo'onatac 'Enauacna, 'eeta': «'Am maye 'Aro'onatac 'Enauacna, ¿negue't qomi' maye choche qomi' shiỹaxau' qataq huo'o ye qoroga't da yaqto' qomi' 'auennategalo qataq qomi' 'analoqteereuo?

Hebreos 2:6 Referans Kwoze

Hebreos 4:4

Cha'ayi naua nanettrañi n'aqtaqa i'axa't so pa'ateec na'a'q, 'eeta': Ñi Dios nmateeguesop 'enauac na l'onatacpi co'ollaq ivi' naua siete na'axa'te.

1 Pedro 1:11

Qataq so n'Espíritu so Cristo nal'ena co'ollaxa ÿaÿajnaxanaxanec se'eso l'aqtaxanaxanecpi ñi Dios dam taÿa'a nque'ejnaxac so Cristo qataq da lli'oxoyic mayi nca'attauo. Nachi somayipi ÿauotaique da ÿataqta ÿauattoota chaq negue't que'eca shiÿaxaua qataq huotaique da ÿaÿaten ca na'a'q mayi huetoigui cam i'axatta'aguet so Espíritu Santo mayi hueta'aguet somayipi.

Lucas 7:16

Qaq co'ollaq qaÿauaachigui de'eda, nachi 'enauac so shiÿaxauapi ÿataqta huo'o da lcolanaxa. Nachi ÿi'oxodeetac ñi Dios, 'eeta': –Huo'o so 'amaqtaqaic l'aqtaxanaxanec ñi Dios qomi' chigoqchiguinguilo. Nataq'en qoÿiita' da n'aqtac: –Ñi Dios anac da itauan nam lalamaxatpi.

Hebreos 5:6

Nataq'en nachi 'ena'pe naua lÿa't nanettrañi l'aqtaqa ñi Dios, 'eeta': 'Am nachi 'eetai' qome da 'am ltaxaÿaxanaxanec na shiÿaxauapi da qaitaxaÿapegue' ñi Dios, qaq nachi qoneta'am da lataxac so Melquisedec.

Lucas 1:78

Cha'ayi nachida da maichi lsoxoyic qataq dam lqouagaxanaqtaic ñi qadta'a Dios da huo'o mshi chigoqtot naq'en na piguem da qomi' ÿanema aca 'ico' nala' mayi icoÿadelec ca dalaxaic na'a'q,

Lucas 1:68

Ÿataqta qaÿi'oxoden qome ñi qadataxala' mayi nDios na Israel l'ecpi, cha'ayi ñimayi qomi' naÿalo da qomi' nca'alaxatreec, cha'ayi maichi qomi' lalamqa'te.

1 Ts 4:6

Sa ishit da huo'o ca napacapeguelec qataq ÿatenachit ca lqaÿa, cha'ayi so qadataxala' Jesús ÿataqta sa naloqnañi da nhuaxanaguec 'enauac na i'ottac de'eda. Qaq damayi sogote da qami' sovitaxanaqtegalo.