Hebreos 2:4 - Nuevo Testamento Toba Sur

⁴ Ñi Dios nataq'en ÿataqta 'itchiguiñi de'eda n'aqtaxanaxac. Ÿoqo'oyi ÿauo'oi naua l'anqa, qataq nam i'ot da n'aalaxa, qataq qalota nam i'ot nam sa qaÿauanapigui, qataq chigoqchigui naq'en so Espíritu Santo da ñimayi ÿotta'a't naq'en da 'eetec da qomi' ÿanema, qaq ipacchigui da maichi 'eetapeguec.

Nuevo Testamento Toba Sombrero Negro

⁴ Joñe'me Dios nach'e ena'am yauo'oe gaa'me 'lanaqa jo'ne qo'mi naloĝolo'te, gaa'me 'lanaqa onaĝayaqa choqoda'me ye't daa'me ja di'yo't nach'e ena'am da'me jalcote ja qoyauanalo, qama'le ñe'me Dios Lepaqal male qo'mi yanema gaa'me nañoqotaĝanaĝaco jo'ne yodapecache, qa'a nach'e naq'aeta da'me dojo' jo'ne mach'e 'lamaqatenataĝanaĝac joñe'me.

La'aqtaqa Ñim Lo'onatac 'Enauacna 2013

⁴ Ñim Lo'onatac 'Enauacna nataqa'en qomi' ỹachaxanalo de'era, ỹachegoxotchigui na qalota na'anecpi, qataq nam ỹo'otpi maye ỹo'ot da na'aalaxa qataq nam sa qaỹauanapega. Qaq co'ollaq ỹo'ot de'era, nache ỹami' So Saqcha'a Na'añaxac Qui'itta nam tatelec da ỹami'.

Hebreos 2:4 Referans Kwoze

Hechos 14:3

Qaq ÿoqo'oyi soomayi ÿataqta huo'oi soua na'axa'te da huetra'a yimayi, nachi ÿataqta sa ishit da ñi'idelec da i'axattrac da n'aqtac qataq ÿataqta huedelec so qadataxala'. Nachi so qadataxala' ÿataqta ipacchiguilo naq'en naua l'aqtaxanaxaco soomayi da i'axattrac da lqouagaxanaqtaic ñi Dios, nachi ÿanema soomayi da l'añaxac, da yaqto' i'o't na n'anecpi qataq nam sa qaÿauanapega.

Efesios 1:5

Qaq nal'ena co'ollaxa da qomi' ÿaqataxaatai'salo da ÿauo'oi qomi' llalqa, souaxat da lsoxoyic. Qaq damayi ÿachigoxotchigui so Jesucristo, cha'ayi nachida da ÿaÿamaxadeeta ñimayi qataq maichi 'eetapeguec.

Marcos 16:20

Nachi soomayi je'c da i'axa't da n'aqtac mayi chigaqaigui da nca'alaxa 'enauaque naua laÿil. Qaq som qadataxala' itauaata'pe soomayi da ÿataqta ipacchiguilo naq'en naua l'aqtaxanaxaco, qataq da ÿachaxan na n'anecpi mayi sa qaÿauanapigui. Aja', nachi 'eetec de'eda.

Juan 4:48

Nachi so Jesús 'enapega somayi, 'eeta': –Qami' sa ishíttaxa da qau'amqajnataxañi da huo'otaq saxanaxa da qauauañiichigui na n'anecpi qataq nam sa qaÿauanapigui.

Juan 15:26

Qalaxayi qom ivita da anac cam qami' itaua'n qataq qami' i'añaqchi't, cam Espíritu mayi ÿoqta 'eesa, cam qami' ñamaxalo qome mayi chigoqo'ot ñi ita'a, qaq camayi qome aÿim i'axat.

Efesios 1:9

qataq da qomi' ÿauattonaxanaxanque dam lhuennataxac mayi saq cha'a qataq dam 'eetapeguec mayi huotaique da i'ot.

Hechos 4:10

Qaq nagui qami' sa'aqtaxanaqtema, yaqto' de'eda ÿaÿateeta 'enauac na llalaqpi so Israel, da 'eetec de'eda shiÿaxaua mayi hueta'a ne'ena nagui ÿataqta no'oita. Damayi chigoqchigui da l'enaxat so Jesucristo mayi Nazaret l'ec, som qami' qauaxañiiuo co'ollaxa, qalaxayi ñi Dios qaltaq nca'aleec naq'en somayi.

Marcos 6:14

Qaq so nta'a Herodes ivido'ot da ÿaÿaten 'enauac de'eda, cha'ayi mashi ÿaÿaten 'enauac na shiÿaxauapi da n'aqtaguec so Jesús. Nachi se'eso Herodes 'enapeco': –Souaxai' nachida da Juan mayi nachilaxanataxanaq da qaltaq nca'aleec, qaq ÿoqo'oyi huo'o de'eda l'añaxac.

Hechos 5:32

Qaq de'eda nachiqomi' mayi sa'axataqtac, qataq so Espíritu Santo nataq'en i'axattac, qaq ñi Dios ÿanem somayi cam ÿalaxaguet ñimayi.

Efesios 4:7

Qalaxayi ñi 'oonolec da shinaqta qoÿanem ca nshitaxat, qaq camayi ipacchigui cam tateu'a l'onataxanaxac mayi ÿanem so Cristo.

Hebreos 6:4

Cha'ayi nam mashi sogote co'ollaxa da qaicoÿadelec da lauattonaxanaxac, qataq mashi sogote da ÿaÿateeta cam ÿan ñi Dios, qataq sogote da tanguit so Espíritu Santo,