Hebreos 2:18 - Nuevo Testamento Toba Sur

¹⁸ Qaq ÿoqo'oyi nagui somayi ishit da itauan cam huo'o da ñi'iguenataguec, cha'ayi somayi nataq'en huo'o co'ollaxa da nque'ejnaxac qataq ñi'iguenataguec.

Nuevo Testamento Toba Sombrero Negro

¹⁸ Chane'eja, queda'me 'uo da'me lachoĝodec joñe'me Jesús da'me qoyapiyen ca'li, qama'le nayi nach'eñe joñe'me jo'ne male yaqanatet ta'le qo'mi lecochiyalo, da'me qo'mi jo'ne nach'e ena'ama da'me uo'oe gaa'me qanapiyenagueco.

La'aqtaqa Ñim Lo'onatac 'Enauacna 2013

¹⁸ Qataq Somaye ye mashe nmate' de'era nque'eenaxac qataq ye so pa'aguenataxanaxaic ỹe'eguen co'ollaxa da yaqto' huo'o ca lasouaxashet naqa'en, qaq ỹoqo'oye nagui da so pa'aguenataxanaxaic da qomi' ỹe'egue'n, nache So Jesús ishet da qomi' itaua'n.

Hebreos 2:18 Referans Kwoze

1 Corintios 10:13

Da qañi'iguenataguiiqui mayi qami' nvittegalo, damayi nachida da 'eeta'am da ñi'iguenataguec na 'enauac shiÿaxauapi. Qalaxayi qami' ishit da qaupi'iÿa'ai ñi Dios, cha'ayi ñimayi sa ishit da qami' ÿashiitema ca qañi'iguenataguiiqui da huo'otaq sa qanaloÿiguet. Chaqdata da huo'otaq nvi' ca qañi'iguenataguiiqui, nachi ñimayi ÿauo'o ca lliguec, yaqto' qami' ishit da qadaloÿa'aguet.

Judas 1:24

Qaq ñi qadta'a Dios mayi qaica ca lÿa qataq ÿajnaxanaxaic, ñim qadca'alaxaqui, ñimayi ÿataqta 'añaxaic da qami' ntela'alo, da yaqto' sa ishit da qoviÿañi, qataq da yaqto' qami' nachaalataxaneu'alo cam hueta'a mayi qaica ca 'en'am da lli'oxoyic, qalaq ÿataqta qami' qui'itte' qataq qauamaichiguiñi. Qaq ñimayi nachi 'eetai' qome da ñi'oxonnataguec, l'amaqchic, l'añaxac, qataq da 'enec, souaxat so qadataxala' Jesucristo. Qaq damayi nachi 'eetai' da chigoqta'ague, qataq nagui, qataq dam taÿa'ague. Aja', nachi 'eetec.

Hebreos 5:2

Qaq cha'ayi ne'ena nataxala'pi nataq'en nque'etaxaatapiguilo naua lqalhuaxaco na shiÿaxauapi, qaq ÿoqo'oyi namayipi ishit da nhualaxaune' nam qaica ca ÿaÿajnapec qataq isomtac.

Apocalipsis 3:10

Cha'ayi 'am ÿataqta 'au'ot da i'aqtac da ÿataqta 'anhualaxauen. Qaq ÿoqo'oyi aÿim 'am ñipaxatalec qom ivita ca laloqo' ca ñi'iguenataxanaxac mayi naguelec 'enauacna, da qaÿi'iguen 'enauac na netalec ana 'alhua.

2 Pedro 2:9

Qaq 'eda da 'eetec da ñi qadataxala' ishit da nca'alaxateeguesop da ñi'iguenataguec cam ÿataqta nañanot ñimayi, qataq da taÿa'a naq'en da nhuaxanaguec na qauemaicpi qom ivita da nmit 'enauacna.

2 Timoteo 1:12

Qaq nachida da huo'o mshi huo'o de'eda ñique'ejnaxac. Qalaxayi sa ishit da yicoqtac, cha'ayi aÿim saÿateeta so hueto'ot de'eda ñaquitaxac. Qataq qaica da saqca ñaqshin ca l'añaxac da ilo'ogue qataq ntela'a dam aÿim ÿachito'ot, chochi ividaxatta'a que'eca pa'ateec na'a'q.

Juan 10:29

Qaq anamayipi aÿim ÿanem ñi ita'a ñi napacalec 'enauacna, qataq sa ishit da huo'o ca nqateeguesop da lhuaqÿaxac ñimayi anamayipi.

Lucas 22:53

Qami' soota'agueta soua na'axa'te añi n'onaxanaxaqui late'edai, qalaq ¿tá'ainco' yi sa ishito' da aÿim qauacoñiu'a? Qalaxayi mashi ivita yi laloqo' da qau'onataxañi qataq da do'onataxan da l'añaxac na napalaxa.

Filipenses 3:21

Qaq somayi nadalaxat qome da qad'oquiaxac mayi taÿa'a da ileu, da yaqto' 'eeta'am naq'en dam l'oquiaxac mayi ÿi'oxodaic. Qaq nachida qome de'eda l'añaxac da ilo'ogue 'enauacna da do'onataxana.

Lucas 22:28

Qaq qami' mayi nachi 'eetai' da aÿim qannaiquiitapegue', qaq qanqui'itaxañiigui 'enauac nam ñique'ejnaxaguesat.