Hebreos 2:17 - Nuevo Testamento Toba Sur

¹⁷ Qaq nachida da huo'o mshi somayi iuen da ÿataqta 'eeta'am qanqoÿin da lataxac na lqaÿañicpi, da yaqto' ishit da ivida'a da npe'et qataq choxonnataxanaxaic lataxala' na ntaxaÿaxanaxanecpi da qaitaxaÿapegue' ñi Dios, qataq da yaqto' ÿapalaxat da lasouaxashit na shiÿaxauapi, ÿachigoxotchigui da nañanguet da nalaataguec.

Nuevo Testamento Toba Sombrero Negro

¹⁷ Qo'che' joñe'me youen da'me yataqata ena'am qoyen da'me 'loyaĝa'j jogaa'me laqaya'olqa, qaedi yovida'a da'me qoyen Letaĝayaĝanaĝane'j jo'ne p'ajaye 'me yataqatelegue nataq'aen choĝodenataĝanaĝaic da'me dajo'tot joñe'me Dios, nataq'aen da'me yapalaĝa't gaa'me loeco joga'me jiyaĝadipi, qama'le yachiyoĝotayilo da'me leleuaĝa'.

La'aqtaqa Ñim Lo'onatac 'Enauacna 2013

¹⁷ Qaq da yaqto' ishet da itauan, nache Somaye, iuen da ỹataqta 'eeta'am naqa'en da lataxac namayepi. Qaq ỹoqo'oye souaxat da chegoqchigui da 'eeta'am naqa'en da shenaqta, nache ivira'a da lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq ishet da qaipi'iỹa'a. Qaq Somaye ỹataqta nlaqchigui da lsoxoyec da do'onataxanot Ñim Lo'onatac 'Enauacna. Qaq 'era da 'eetec Somaye da ỹan da nachaalataxac da 'eeta'am aca nachetaqtaxanaqte yaqto' Ñim Lo'onatac 'Enauacna ỹapalaxat na qarasouaxashetpi.

Hebreos 2:17 Referans Kwoze

Hebreos 4:14

So Jesús mayi llalec ñi Dios, somayi nachiso som 'oonolec qadtaxaÿaxanaxanec mayi inoxoneu'a ca hueta'a ñi Dios da detaxaÿapegue'. Qaq ÿoqo'oyi qomi' ÿataqta ñi'añaxataqtec qome da qad'amqajnataxanaxac.

Hebreos 2:14

Ca ñalaqpi mayi 'oonolec ca qaÿachigoxoigui, camayipi 'eeta'a't da l'oquiaxac qataq naua ltago'q. Qaq nachi 'eetec nataq'en so Jesús, somayi da l'oquiaxac qataq naua ltago'q chigoqchiguilo na shiÿaxauapi, yaqto' somayi ishit da ileu, huaña, nachi nlaxajñi som hueto'ot da n'añaxac da dalaataxan, som shiÿaxaua mayi lma'na.

Hebreos 7:26

Qaq ÿoqo'oyi so Jesús nachiso so 'oonolec qadtaxaÿaxanaxanec da detaxaÿapegue' ñi Dios mayi seuenaqtac. Cha'ayi somayi ÿataqta qui'itta, sa qauem da lataxac, qataq qaica ca lasouaxashit, qataq sa ishit da nhuoiguet qanqoÿin na 'itaxaloxoicpi, qataq somayi neta'ague qanqoÿin da laÿi na piguem.

Romanos 5:10

Cha'ayi ñi Dios da ÿachigoxotchigui da l-leuaxa so llalec da qomi' ÿaÿamaxadeete' co'ollaq ñaq souaqtaigui da ñipa'aguenaqtague' ñimayi, qanachi ÿoqta 'itchiguiñi qone' da qomi' nca'alaxatreec somayi, cha'ayi nca'altauec, qataq cha'ayi mashi ime da ñaÿamaxannaqte' ñi Dios.

Hebreos 2:11

Cha'ayi nam qaiÿo da nachaalataxac, qataq som deÿoxootac, naamayi 'oonolec ñi lta'a' Dios. Qaq ÿoqo'oyi so llalec ñi Dios, somayi sa ishit da da'aguelec da iÿaxana namayipi da ÿataqta lqaÿañicpi.

Hebreos 3:5

Qaq de'eda 'eetec so Moisés da nlatac qataq ÿataqta npe'et da ilo'ogue 'enauac so lma' ñi Dios. Qaq somayi da l'onataxanaxac i'axat cam huotaique da 'enapec ñi Dios.

Colosenses 1:21

Qaq qami' co'ollaxa 'eeta'am da ÿaqa'a ca qauachigoqÿa'ague qataq ÿataqta npa'aguene' ñi Dios da qadquiyaqteÿaxaqui, souaxat nam qau'ochiitac sa ÿaÿamaxañisat. Qalaxayi nagui ñi Dios qaltaq qami' nmaneto,

Hebreos 7:28

Qataq na lqataxacpi so Moisés chigoqchigui da qoÿideuo da lataxala' na ntaxaÿaxanaxanecpi cam shiÿaxaua mayi sa ishit da ÿoqta nalochiguiñi. Qaq de'eda l'aqtac ñi Dios mayi ÿan da yaqto' ipacchigui, mayi ÿan co'ollaq qaÿata'ague na nqataxacpi, damayi chigoqchigui da qoÿideuo da lataxala' qanqoÿin na ntaxaÿaxanaxanecpi so llalec Jesús, som nachi 'eetai' da nalochiguiñi da lataxac.

Efesios 2:16

Qaq de'eda 'eetec so Cristo co'ollaq qaiuaxanguet so npe'enaxaqui. Huaña, nachi sa ishit da npa'aguena't ne'enaua dos mayi sa nhuo' lashi'. Qataq nmaneto naq'en ñi Dios, nachi naamayi 'eeta'am naq'en ca 'oonolec n'oquiaxac.

Romanos 15:17

Cha'ayi aÿim sa'amaqteetac so Cristo Jesús, ÿoqo'oyi huo'o da ñi'amqajnaxac, souaxat da so'onataxaatacot ñi Dios.

Hebreos 3:2

Cha'ayi so Jesús, somayi ÿataqta lpe'et ñi Dios, ÿoqo'oyi ÿanagui de'eda n'onataxanaxac, 'eeta'am da 'eetec so Moisés, da ÿataqta npe'et da ilo'ogue 'enauac so lma' ñi Dios.

Hebreos 2:16

Cha'ayi ÿataqta 'eesa da somayi sa ishit da huo'otaq anac da yaqto' itauan nam namaxashic piguem l'ecpi, chaqdata da itauan na llalaqpi so Abraham.

Hebreos 3:1

Qaq ÿoqo'oyi qami' ÿaqaÿa't mayi qami' lca'agui'shi ñi Dios qataq qami' iÿaxanalo da qami' lalamqa'te, qami' ÿataqta qauloichigui qome so Cristo Jesús, som qomi' qanamaxalo qataq qadataxala' da detaxaÿapegue' ñi Dios mayi sa'amaqtenaqtac.

Hebreos 4:15

Cha'ayi som qadtaxaÿaxanaxanec, somayi ÿataqta huo'o da lchoxonnataxanaxa da shinaqta souaxat da qaica ca qad'añaxac. Cha'ayi somayi co'ollaxa ÿataqta nque'etaxangui 'enauac na ÿotta'a't ñi'iguenataguec, 'eeta'am da shinaqta. Qalaxayi somayi sa ishit da huo'o ca lasouaxashit.

Hebreos 5:1

Cha'ayi ñi 'oonolec nam lataxala'pi na ntaxaÿaxanaxanecpi qaÿachigoxottoigui nam shiÿaxauapi, nachi qoÿideuo, da yaqto' ltaxaÿaxanaxanec qanqoÿin na shiÿaxauapi da detaxaÿapegue' ñi Dios, qataq da ÿaneuo ana nachitaqtaxanaqte, qataq da qaÿavigaxat na nachitaqtaxanaxat, da yaqto' qaÿapalaxat na nasouaxashit.

Hebreos 5:2

Qaq cha'ayi ne'ena nataxala'pi nataq'en nque'etaxaatapiguilo naua lqalhuaxaco na shiÿaxauapi, qaq ÿoqo'oyi namayipi ishit da nhualaxaune' nam qaica ca ÿaÿajnapec qataq isomtac.

Hebreos 5:5

Qaq 'eda da 'eetec nataq'en so Cristo, somayi sa ishit da huo'otaq maichi nalligoxojla't da nachiso lataxala' na ntaxaÿaxanaxanecpi. Cha'ayi nachiñi ñim Dios mayi ÿanem de'eda l'amaqchic somayi. Cha'ayi nachi 'ena'pe naua l'aqtaqa, 'eeta': 'Am mayi nachi'am ÿalec; 'am seco'oic ne'ena na'a'q.

Hebreos 5:10

Nachi ñi Dios ÿanagui somayi da nachiso so lataxala' nam ntaxaÿaxanaxanecpi da qaitaxaÿapegue' ñimayi. Qaq nachi 'eeta'am da lataxac so Melquisedec.

Hebreos 6:20

som inoxoneu'a co'ollaxa so Jesús, da yaqto' ÿauategue ca qoyic. Qaq 'eda da 'eetec da so Jesús ivida'a da nachiso so 'oonolec qadtaxaÿaxanaxanec da detaxaÿapegue' ñi Dios, 'eeta'am da lataxac so Melquisedec.

Hebreos 8:1

Qaq 'eda da ÿoqta ÿacteec da ñanacto'ot da sa'axattac, 'eeta': 'Eda da 'eetec da lataxac som 'oonolec qadtaxaÿaxanaxanec. Qaq nagui somayi nso'oota'ague da aloic ñi Dios mayi neta'ague da piguem.

Hebreos 8:3

Qaq 'enauac nam lataxala'pi na ntaxaÿaxanaxanecpi, namayipi qoÿideuo, da yaqto' ÿaatapegueuo ana nachitaqtaxanaqte qataq nam qoÿaneuo da qaÿavigaxat. Qaq ÿoqo'oyi so Jesucristo, somayi nataq'en iuen da ÿauo'o aca ÿaneuo lachitaqtaxanaqte.

Hebreos 9:11

Qalaxayi mashi sogote da nvi' so Cristo, qaq nagui somayi nachiso so 'oonolec qadtaxaÿaxanaxanec, da yaqto' qomi' qoÿanema nam no'on lataxaguesat mayi mashi nvi'. Qaq acam n'onaxanaxaqui mayi do'onataxaatapoigui da ntaxaÿaxanaxanec, acamayi ÿataqta no'on qataq nalochiguiñi, saq 'en'am aso hua'auchiguiñi. Acamayi sa ishit da l'onata na shiÿaxauapi, qataq sa ishit da lashi ana 'alhua.

Hebreos 10:21

Qaq so Jesús nachiso so 'oonolec qadtaxaÿaxanaxanec mayi ilotague' cam lauo' ñi Dios.