Hebreos 2:11 - Nuevo Testamento Toba Sur

¹¹ Cha'ayi nam qaiÿo da nachaalataxac, qataq som deÿoxootac, naamayi 'oonolec ñi lta'a' Dios. Qaq ÿoqo'oyi so llalec ñi Dios, somayi sa ishit da da'aguelec da iÿaxana namayipi da ÿataqta lqaÿañicpi.

Nuevo Testamento Toba Sombrero Negro

¹¹ Qa'a joñe'me jo'ne yauecoto joga'me jiyaĝadipi joñe'me Dios, choqogaa'me jiyaĝa'u jo'ne qoyaue'j, 'uo ñe'me onolec jo'ne Let'a' ena'uac, nach'eñe ñe'me Dios. Chane'eja joñe'me Jesús ja nepocoĝolegue da'me dojelo'te jogaa'me jiyaĝa'u, enaac: “Nach'egaua mach'e yaqaya'.”

La'aqtaqa Ñim Lo'onatac 'Enauacna 2013

¹¹ 'Enauac nam ỹauotec qataq ỹalaxaguet Ñim Lo'onatac 'Enauacna, nache nachena nam llalaqpi, qataq lta'a Ñimaye. Qaq So Jesús ye nataqa'en Llalec Ñim Lo'onatac 'Enauacna, Somaye saishet da da'acteguelec namayepi da iỹaxana da ỹataqta lqaỹañecpi,

Hebreos 2:11 Referans Kwoze

Hebreos 10:14

Cha'ayi ÿachigoxotchigui aso 'oonole lachitaqtaxanaqte da somayi chochaq tateec naq'en da nalochiguiñi da lataxac nam mashi iqui'itaxatta.

Hebreos 10:10

Qaq ñi Dios mashi sogote da qomi' iqui'itaxatte', cha'ayi so Jesucristo i'ot co'ollaxa da 'eetapeguec ñi Dios co'ollaq ÿan da maichi l'oquiaxac da 'oonolec da qaÿi'iguelaxalec da qaÿalauat.

Juan 20:17

Nachi so Jesús 'enapego' asomayi, 'eeta': –Aÿim 'axaneec qome, cha'ayi aÿim saxanaxa da ñoqo'ongue da neta'ague ñi ita'a. Qalaxayi 'am qome qojec, nachi 'au'aqtaxanem ca ÿaqaÿañicpi da aÿim ñoqo'ongue da neta'ague ñi ita'a, ñim nataq'en qadta'ai, ñim ita'a Dios qataq nataq'en qadta'ai.

Hebreos 13:12

Qaq nachi 'eetec nataq'en so Jesús da nalaataguec huaña so qaÿoqteuga so la ciudad, da yaqto' ishit da iÿouec na lasouaxashit na shiÿaxauapi, deÿoxonalo soua maichi ltago'q.

Romanos 8:29

Cha'ayi nam nal'ena co'ollaxa da ÿauattonpi ñi Dios, qaq nachina nam lca'au'a co'olloxochiyi ñimayi, da yaqto' 'eeta'am naq'en so llalec, yaqto' so llalec 'eeta'am ca ñaxanec da ÿataqta qalota na lqaÿañicpi.

Juan 17:19

Qataq souaxat namayipi nachi aÿim ÿataqta 'am ñañanot, yaqto' namayipi nataq'en ishit da 'am nañanot, chigoqchigui dam 'eesa lataxac.

Juan 17:21

Qataq 'am seÿaxanot, 'am ita'a, da yaqto' 'enauac namayipi ÿataqta n'atta't, da ÿataqta 'oonolec ca lataxac da qomi' n'attau'alo, yaqto' ishit da 'eeta'am da 'am aÿim qoueta'aguet, qataq aÿim 'am soota'aguet. Qataq ñishitaique da namayipi ÿataqta n'atta't, yaqto' nam huetalec ana 'alhua ishit da i'amaqten da aÿim 'adamaxashic.

Mateo 25:40

Nachi ne'ena nta'a 'enapec qome: “Ÿataqta 'eesa de'eda qami' sa'axatema da 'enauac ne'ena qau'ochiic ca 'oonolec ne'ena ÿaqaÿañicpi, da nai'ctaxa da qaica ca l'amaqchic, qaq nachaÿim mayi aÿim qau'ochiic de'eda.”

Hebreos 2:14

Ca ñalaqpi mayi 'oonolec ca qaÿachigoxoigui, camayipi 'eeta'a't da l'oquiaxac qataq naua ltago'q. Qaq nachi 'eetec nataq'en so Jesús, somayi da l'oquiaxac qataq naua ltago'q chigoqchiguilo na shiÿaxauapi, yaqto' somayi ishit da ileu, huaña, nachi nlaxajñi som hueto'ot da n'añaxac da dalaataxan, som shiÿaxaua mayi lma'na.

Gálatas 4:4

Qalaxayi co'ollaq ivita so na'a'q mayi naloqnec, nachi ñi Dios namaq so llalec da nañaxatoigui naq'en aso 'alo, da chigoqtoigui naq'en na judiopi mayi hueto'ot da lapaxaguenataxanaxac na nqataxacpi.

Hechos 17:26

Ñimayi ÿachigoxotchigui co'ollaxa so 'oonolec shiÿaxaua da i'ot 'enauac na ÿotta'a't shiÿaxauapi, da yaqto' namayipi nalguete naua 'ale'u. Nachi ÿauo'oi naua laloqo'te namayipi, qataq i'a'n naua lma'te,

Hebreos 11:16

Qalaxayi somayipi ña ipactega cam ÿataqta no'on lalamaxat lma', cam nma' mayi hueta'ague da piguem. Qaq ÿoqo'oyi ñi Dios sa ishit da n'aloxootac da namayipi ÿamata'ac ñimayi da ÿataqta lta'a Dios, cha'ayi ñimayi sogote da ÿaqataxaatapigui' cam naciudad namayipi.

Marcos 8:38

Cha'ayi ca aÿim da'aguelec qataq dam i'aqtaxanaxac, da ncaxa nam shiÿaxauapi mayi ÿalat ñi Dios qataq 'itaxaloxoicpi, nachi ne'ena shiÿaxaua llalec nataq'en ÿataqta da'aguelec camayi, qom ivita da ñi'iguelaq da nactaigui da lli'oxoyic ñi lta'a qataq na lamaxashicpi mayi qui'itta.

Mateo 28:10

Nachi so Jesús 'enapegalo soomayi, 'eeta': –Sa ishit qome da qayi'ii. Chaqdata da qoquii, qau'aqtaxañiim qome ca ÿaqaÿañicpi, da yaqto' taigue da Galilea. Huaña qome yimayi, nachi aÿim nauane'.

Hechos 17:28

Cha'ayi ñim Dios nachiñi ñi huo'o mshi yica'alaqtauec, qataq sedaqtapigui', qataq ñachaataqtac. Qaq damayi nataq'en nachi l'aqtac som ÿajnaxanaxaicpi da qoñiita, 'eeta': “Qomi' maichi qomi' llalaqpi ñi Dios.”

Lucas 9:26

Cha'ayi ca aÿim ncoxolec qataq da i'aqtac, qaq nataq'en na shiÿaxaua llalec ncoxolec camayi, qom ivita da ñi'iguelaq da nta'a, nactaigui da lli'oxoyic ñi lta'a qataq nam qui'itta lamaxashicpi piguem l'ecpi.

Marcos 3:34

Ime, nachi ÿamataigui nam nso'ootañi mayi datato'ot somayi, nachi 'enapeco': –'Ena nam 'eeta'am aca ÿate'e, qataq ÿaqaÿañicpi.

Hebreos 3:1

Qaq ÿoqo'oyi qami' ÿaqaÿa't mayi qami' lca'agui'shi ñi Dios qataq qami' iÿaxanalo da qami' lalamqa'te, qami' ÿataqta qauloichigui qome so Cristo Jesús, som qomi' qanamaxalo qataq qadataxala' da detaxaÿapegue' ñi Dios mayi sa'amaqtenaqtac.