Hebreos 13:7 - Nuevo Testamento Toba Sur

⁷ Qataq qauennachiÿa'a qome som qadataxala'aipi mayi qami' i'axatema co'ollaxa da l'aqtac ñi Dios; qauennachiÿa'a dam 'eetec da naigui da nachaalataxac, nachi ÿataqta qau'enaxachiichigui da 'eetec da lpi'iÿaxac.

Nuevo Testamento Toba Sombrero Negro

⁷ Anetoviñetaque ñaa'me mach'e adajoĝola'chidi', naqaeñaua jo'ne ami 'yaĝatema ca'li daa'me 'laqataqa ñe'me Dios. Auenachelegue da'me jo'ne chiyaqayi da'me 'loyaĝa'j joñaa'me, qama'le oqui'tegue da'me ee'tec da'me mach'e lepi'iyaĝa'j.

La'aqtaqa Ñim Lo'onatac 'Enauacna 2013

⁷ Qataq qauennachiỹa'a som qarataxala'aipi maye qami' ỹa'axatema co'ollaxa da la'aqtac Ñim Lo'onatac 'Enauacna, cha'aye somayepi huetaigui da lta'araic lpi'iỹaxac Ñimaye. Qataq saishet da qaỹa'axañiiñi da qauennacheetega somayepi qataq qoquiigue da lataxac.

Hebreos 13:7 Referans Kwoze

Hebreos 13:17

Ÿataqta qaualaqailec qome na qadataxala'aipi qataq qanañañiiguet da qami' ilo'oguelo, cha'ayi namayipi nachina na ilotague' da qanachaalataxaqui, cha'ayi ÿaÿateeta'a da huo'o ca na'a'q, qaq ishit da inat ñi Dios namayipi. Qataq qanpogoxoiñiÿapegue', da yaqto' ÿataqta machiguiñi da l'onataxanaxac qataq sa ishit da ÿapacteec qapa'atta. Cha'ayi da nachi 'eetec de'eda, qaq sa ishit da huo'o ca qanqachi.

Filipenses 3:17

Qami' ÿaqaÿa't, no'on da ÿataqta qoquiitegue qome da no'on ÿataxac, qataq nataq'en qauaÿataxayiñiita nam quetegue da no'on nataxac mayi qami' sapaxaguenaxaque.

Hebreos 6:12

Qataq sa saÿamaxadenaq da qami' qavi'iguelaqÿa da qaica ca qadasapachaqai, chaqdato' da qami' qau'enaxachi da lataxac nam chigoqchigui da lpi'iÿaxac qataq dam lhualaxavic, nachi ÿaconguet dam ÿachaxanapec ñi Dios.

1 Ts 1:6

Qaq qami' da machi qoñiitec co'ollaq qoquiigue da no'on qadataxala' Jesús. Co'ollaq qauacoñiiguet da n'aqtac, nachi so Espíritu Santo qami' ÿanema da qantonaxaqui. Qaq ÿoqo'oyi nai'ctaxa da saqalota da qanque'ejnaxaqui.

Hechos 14:23

Nataq'en qaÿauo'o na lataxala'pi na 'amqajnataxanaxaicpi. Qaq co'ollaq ime da sa deque'e' souaxat da nqouagaxaunaxa'c, nachi qan'onaxata'aguet namayipi da ltelaxa ñi qadataxala' mayi qai'amaqteetac.

Mateo 24:45

¿Negue'tom ca nlatac da ÿataqta ipactelec ca l'onatac qataq huo'o na ÿaÿaten, da huo'otaq ca n'aco' ipataxalec camayi, da yaqto' iqui'axaatac nam hueta'a ca lma' da ivita yi laloqo' da nqui'axac?

1 Timoteo 3:5

Cha'ayi da huo'otaq sa ÿaÿaten da ilo'ogue da lma'ÿaxac, qaq ¿huá'ago' ca 'eetec da ilo'ogue na i'amaqten ñi Dios?

Hebreos 13:24

Qaq qai'añiim qome da iquinaxanaxac 'enauac na qadataxala'aipi, qataq 'enauac na qadqaÿañicpi mayi qad'amqajnataxanaxauapi. Qaq nam netaña na Italia qami' ÿamaxalo da lquinaxanaxac.

1 Ts 2:13

Qaq nachida da huo'o mshi sanaqtacot da qan'achiquiaxac ñi Dios, cha'ayi co'ollaq qan'axaÿaxañiÿa da l'aqtac ñi Dios mayi qami' sa'axataxama, nachi qau'amaqchiñi da ÿataqta 'eesa l'aqtac ñi Dios, da sa ishit qanqashiñi da l'aqtac ca chochi shiÿaxaua. Qaq damayi ÿataqta 'eesa l'aqtac ñi Dios, qaq ÿoqo'oyi ishit da huo'o ca naigui naq'en da nachaalataxac da qoñiita nam mashi da'amqajnataxan.

1 Corintios 4:16

Qaq ÿoqo'oyi qami' ñachoxodeetoiguilo da qoquiitelec da ÿataxac.

Romanos 10:17

Qaq ÿoqo'oyi da npi'iÿaxac chigoqchigui da 'axaÿaxanaxac, qaq dam qan'axaÿaxaatega, nachida da n'aqtaguec so Cristo.

Hechos 4:31

Nachi co'ollaq ime da nqouagaxaunaxac somayipi, nachi que'eca qanayiuta'a ÿataqta cholaxan. Nachi 'enauac somayipi ÿataqta nlaqchigui so Espíritu Santo. Huaña, nachi sa ishit da qañi'ilec da qai'axat da l'aqtac ñi Dios.

Apocalipsis 6:9

Qaq se'eso qagueta llalec can qaltaq nqat aso lÿa n'anaxanaqte, nachi sela'a na lqui'ipi nam qaÿalauat co'ollaxa, souaxat da ipacchigui da i'axattac da l'aqtac ñi Dios. Qaq namayipi hueto'ot na pa'aguiñi aso nca'atoxonaxalate.

Apocalipsis 20:4

Qaq can ime, nachi sela'a aso nso'onaxaquipi na nta'a. Qaq asomayipi nachi nso'ootangui som qoÿanem da nmit na nasouaxashitpi. Nataq'en sela'a na lqui'ipi nam qaipeteguec na lqaic co'ollaxa souaxat da i'axattac da l'aqtac ñi Dios mayi 'itchiguiñi naq'en so Jesús. Somayipi nachiso so sa ishit da ÿi'oxoden so shiguiÿac qataq som n'enaqtac lqui'i, qataq sa ishit da nashinguet aso l'anaxanaqte da yaqto' qai'an na latap, huo'otaq na lhuaq. Qaq sela'a somayipi da qaltaq qanca'alaxateec, nachi ltaua so Cristo da nta'alpi que'ecaua mil vi'iyi.

Apocalipsis 1:9

Qaq aÿim Juan mayi maichi aÿim qadqaÿai qataq qami' shiita'ama da huo'o da ñique'ejnaxac qataq da sa'axattac da l'onataxanaxac da ilo'ogue 'enauacna ñi Dios qataq da huo'o da ñiualaunaxac mayi chigoqo'ot so Jesucristo. Qaq aÿim qaicoñittai', sootaña añi delec, l'enaxat da Patmos, souaxat da aÿim sa'axattac da l'aqtac ñi Dios mayi qomi' nda'alo so Jesucristo.

2 Ts 3:9

Nai'ctaxa da qomi' huo'o da qad'amaqchic da huo'otaq qami' seÿaxanaxaiguilo da qomi' qautauañi', qalaxayi qomi' ñaconaxala't da so'onataxanaqtac, cha'ayi sauoqtaique da qami' qoquiitelec da qadataxac.

1 Corintios 11:1

Qami' qoquiitelec qome aÿim, 'eeta'am da shiitec da shictague' so Cristo.

Lucas 12:42

Nachi so qadataxala' 'enapeco': –¿Chaq négue'to' ca 'eeta'am cam nlatac mayi ca n'aco' ipataxalec da ilo'ogue naq'en ca lma' qataq da dequi'axanataxan da ivita ca laloqo' da nqui'axac, qaq camayi ÿataqta ipacchigui cam qaÿamaxalec qataq ÿataqta sa nqalaat?

Lucas 8:11

Qaq 'eda da naigui som saloqnaxaatega, 'eeta': Aso nanguishi ala naigui da qai'axattac da l'aqtac ñi Dios.

2 Ts 3:7

Cha'ayi qami' mashi qauaÿajñiita da lataxac da qoquiitelec dam qami' sachaxanaxalo qadataxac. Co'ollaq qami' souaqta'agueta, qalaq sa ishit da sa so'onataxanaq,

1 Corintios 10:13

Da qañi'iguenataguiiqui mayi qami' nvittegalo, damayi nachida da 'eeta'am da ñi'iguenataguec na 'enauac shiÿaxauapi. Qalaxayi qami' ishit da qaupi'iÿa'ai ñi Dios, cha'ayi ñimayi sa ishit da qami' ÿashiitema ca qañi'iguenataguiiqui da huo'otaq sa qanaloÿiguet. Chaqdata da huo'otaq nvi' ca qañi'iguenataguiiqui, nachi ñimayi ÿauo'o ca lliguec, yaqto' qami' ishit da qadaloÿa'aguet.

Hechos 13:46

Qalaxayi so Pablo qataq so Bernabé sa ishit da ñi'idelec da l'aqtaxanaxa'c. Nachi co'ollaq ime, nachi 'ena'po': –Da l'aqtac ñi Dios, damayi iuen da hua'auñi da qai'axatem nam judiopi. Qalaxayi nagui yi qami' sa ishit da qauacoñiiguet, qataq qoñiÿapec yi sa iuen da qauacoñiiguet da nca'alaxa mayi chochaq tateec, qaq qomoxochictaxa qomi' nagui saxaigui nam sa ishit da judío l'ecpi.

Lucas 5:1

Qaq huo'o so na'a'q so Jesús hueto'ot na loigue aso lapel late'edai mayi huaña yi Genesaret. Nachi ÿataqta qalota so anac shiÿaxauapi, ivitta'a da qanpataxagui somayi, cha'ayi somayipi huotaique da n'axaÿaxana da l'aqtac ñi Dios.

1 Pedro 4:11

Da huo'o ca qoÿanem da da'aqtaxan, qalaq naua l'aqtaqa ÿataqta nachinaua naua l'aqtaqa ñi Dios. Qataq ca qoÿanem da l'onataxanaxac, qalaq nachida da n'añaxac mayi ÿanem ñi Dios. Qaq 'enauac nam qaÿacoolec da qai'ot, namayi naigui da yaqto' qaÿi'oxoden ñi Dios, chigoqchigui so Jesucristo. Somayi mayi lalamaxat da lli'oxoyic qataq da l'añaxac mayi qaica ca loga't. Aja', nachi 'eetec.