Hebreos 13:6 - Nuevo Testamento Toba Sur

⁶ Qaq ÿoqo'oyi sa ishit da shi'iÿaqlec da shinaqta': Ñi qadataxala' Dios, nachiñi ñi aÿim itauan, qaq ÿoqo'oyi sa ishit da shi'itega ca aÿim i'otec ca chochi shiÿaxaua.

Nuevo Testamento Toba Sombrero Negro

⁶ Chane'eja male yataqata qaya'te qadoqolanaĝa da'me jenaqaac: “Nach'eñe ñe'me Jaliaĝanec jo'ne jayem lecochiya, Qama'le qaya'te jo'oyapega nayi. ¿Jach'e ga'me yaqanatet ga'me jiyaĝaua ta'le jayem 'yetec?”

La'aqtaqa Ñim Lo'onatac 'Enauacna 2013

⁶ Qaq ỹoqo'oye seshetaq da she'eguelaxataqtalec qataq sauoqo'o da qanaquitaxac dam nanettalec ana nere maye huetalec na la'aqtacpi Ñim Lo'onatac 'Enauacna maye 'eeta': «Qaica ca she'etaique. Cha'aye qaica ca ishet da huo'o ca aỹem ỹo'otec qauem cha'aye Ñim Lo'onatac 'Enauacna aỹem itauaatac.»

Hebreos 13:6 Referans Kwoze

Romanos 8:31

Qaq ÿoqo'oyi ¿chaq huá'ague ca 'eetec ca qad'aqtac de'eda? Da huo'otaq qomi' hueta'agueta ñi Dios, nachi ¿négue't ca ishit da qomi' npa'agueneto? ¡Qomyi qaica!

Hebreos 4:16

Qaq ÿoqo'oyi ÿataqta qaica qome ca shi'oqtaique da ñoqochinaxau'a ca nso'onqa' ñim qadta'a Dios mayi soxodaic, yaqto' ñimayi ishit da qomi' ichoxode'n, qataq qomi' nqouagueque da qomi' itaua'n da huo'o ca souaqaigui qadhuenaxanaxa.

Mateo 10:28

Qaq sa ishit qome da qayi'iÿai cam ishit da ÿalauat da n'oquiaxac, qalaxayi sa ishit da ÿalauat som lqui'i. Chaqdato' qome da qayi'iÿai añi Dios mayi ishit da nlaxajñi da n'oquiaxac qataq som lqui'i, da ÿasaxaña cam nhuaxanqa' na 'itaxaloxoicpi.

Efesios 3:12

Qaq ÿoqo'oyi so Cristo nachiso so chigoqchigui da huo'o mshi selagaqtapiguiñi da senoxonaxau'a ñi Dios, cha'ayi huo'o da qadpi'iÿaxac somayi.

Hebreos 10:19

Qaq ÿoqo'oyi, qami' ÿaqaÿa't, nagui sa ishit qome da huo'o ca shi'oqtaique da senoxonaxau'a yi ndaqa' mayi sa ishit da qaishitapec, sachigoxosoqchiguilo so qaicoldeec ltago'q so Jesucristo,