Hebreos 13:20 - Nuevo Testamento Toba Sur

²⁰ Qaq ñim Dios mayi i'ot da nlagaxayic, ñim nca'alaxateeguesop da nleuaxa so qadataxala' Jesucristo, mayi nachiso so 'oonolec lataxala' ana qagueta, souaxat soua ltago'q mayi ÿoqta 'itchiguiñi naq'en dam qanaÿamaxataxac mayi chochaq tateec,

Nuevo Testamento Toba Sombrero Negro

²⁰ Joñe'me Dios jo'ne qo'mi yanema da'me 'nemaĝac, qa'a nach'eñe 'me 'niyelaĝachijeguem ñe'me Jesús da'me en chiyaqauelo dia'me napa'lpi, joñe'me Jesús jo'ne 'naĝanaĝate 'nouatoqo't 'me p'ajaye, ñe'me mach'e Qadejaliaĝanec jo'ne joote yomat da'me niyamaqataĝanaĝac jo'ne qaya'te loiquiaqa', yajouaĝat da'me qoyen naliñi jaga'me letauo'.

La'aqtaqa Ñim Lo'onatac 'Enauacna 2013

^20-21 Ñim Lo'onatac 'Enauacna ỹo'otec So Qarataxala' Jesús da qaltaq ỹe'eguelaxalec da nca'alec. Qaq So Jesús qalaq 'eeta'am naqa'en da qomi' lalopi qagueta, qaq Somaye qalaq 'eeta'am ca ilotague' aca qaguetapi. Qataq chegoqchiguilo soua ltago'q maye huecolde'c co'ollaq qaỹalauat Somaye, da Ñim Lo'onatac 'Enauacna qomi' naỹamaxatto, qaq da naỹamaxataxac chochaq tatec. Qaq ỹoqo'oye seỹaxaatacot Ñim Lo'onatac 'Enauacna maye hueto'ot da nlagaxayec da qami' nalochiyiñi naqa'en qataq qami' huotaxanaqtaqaiqa. Qaq So Jesucristo qami' itaua'n da imauec da qaualaqaiguet Ñim Lo'onatac 'Enauacna. ¡Qaq So Jesucristo ỹataqta lta'araic da ño'oxonnataguec qataq chochaq tatec da 'enec! Aja', nache 'eetec.

Hebreos 13:20 Referans Kwoze

Juan 10:11

Aÿim mayi nachaÿim no'on qagueta l'o. Ca no'on qagueta l'o, camayi ÿaalec da nachaalataxac ana qaguetapi.

Hebreos 10:22

Qaq ÿoqo'oyi qomi' ishit da ñiquigaxau'a ñi Dios, qalaxayi ÿataqta huesote' ñaq'enaq naua qadquiyaqte, qataq ÿataqta 'eesa ñaq'enaq da qadpi'iÿaxac. Cha'ayi ñimayi mashi iqui'itaxatte' naua qadquiyaqte, yaqto' qomi' sa ishit da 'eeta'am da ñaq huo'o ca qadasouaxashit qataq mashi sogote da qaiÿota da qad'oquiaxac, qaÿauota'a na ndoteec 'etaxat.

Romanos 15:33

Qaq ñim Dios mayi chigoqo'ot da nlagaxayic hueta'aguet 'enauac qome da qoñiita. Aja', nachi 'eetec.

2 Ts 3:16

Qaq so qadataxala' Jesús mayi chigoqo'ot da nlagaxayic, somayi qami' ÿanema qome da qadlagaxayiqui 'enauaque naua vi'iyi qataq 'enauac na sochaqna lataxaguesat. Qaq somayi hueta'agueta qome 'enauac da qoñiita.

Juan 10:14

Aÿim mayi nachaÿim no'on qagueta l'o. Qaq de'eda 'eetec da ñi ita'a aÿim ÿauattoota, qataq da aÿim sauatton ñimayi, qaq nachida da 'eetec da aÿim sauattoota ana ilo qaguetapi, qaq anamayipi nataq'en ÿataqta aÿim ÿauattoota. Qaq aÿim san da ñachaalataxac souaxat anamayipi.

Hechos 2:24

Qalaxayi ñi Dios qaltaq nca'alaxateec somayi, nca'alaxateeguesop da l'añaxac da nleuaxa, cha'ayi da nleuaxa mashi sa ishit da nllitañi somayi.

1 Pedro 2:25

Cha'ayi qami' co'ollaxa qoñiita'am aca qaguetapi mayi isomtac, qalaxayi nagui da qavi'iguelaqaÿa so Cristo mayi ishit da qami' ntela'alo da 'eeta'am ca qagueta l'o, qataq ilo'ogue da qanachaalataxaqui.

Hechos 3:15

Qaq 'eda da 'eetec da qami' qaualauachi som chigoqo'ot da achaalataxac. Qalaxayi ñi Dios qaltaq nca'alaxateec somayi, qaq 'enauac de'eda qomi' sauanaqchigui.

1 Pedro 1:21

Qaq chigoqchigui so Cristo da huo'o mshi qami' qau'amaqchiñi ñi Dios, ñim qaltaq nca'alaxateeguesop somayi da nleuaxa qataq ÿanem da lli'oxoyic, ÿoqo'oyi qami' qaupi'iÿa'ai qataq qanaquichiÿa'a ñimayi.

1 Ts 1:10

Nataq'en namayipi n'aqtaxaatapigui da qami' qauachiitaique nagui da ñi'iguelaq so Jesús som llalec ñi Dios mayi nca'aleec naq'en co'ollaq mashi ileu. Somayi mayi nachiso so qomi' nca'alaxateeguesopa qome da lchiquiaxac ca nhuaxanaguec na shiÿaxauapi mayi naÿa'cna.

Colosenses 2:12

Cha'ayi co'ollaq qami' qanachilaxa'n, nachi 'eeta'am da qadÿaichiguiñi' so Cristo co'ollaq qailayiñi. Qataq co'ollaq qanca'alaxateec, nachi qaltaq qadÿaitchiguem, cha'ayi qami' ÿataqta qau'amaqchiñi da l'añaxac ñi Dios mayi nca'alaxateeguesop da nleuaxa somayi.

1 Pedro 5:4

yaqto' qom ivita da ñi'iguelaq som ilotague' 'enauac na lataxala'pi na 'amqajnataxanaxaicpi, nachi qami' qauacoñiiguet aca qanshiitenaqchi mayi saqca ca 'en'am da lyac, saq 'en'am aca lshiitenaxanaqte ca shiÿaxaua mayi ishit da daqaqtañi, 'eeta'am ana laue ca qo'ipaq.

Hebreos 10:29

Qaq ¿táloxochiyictoxo' da saq taÿapigui yi qadvilli qami' da ÿataqta 'itchiguiñi da ÿacteec qome da nhuaxanaguec cam 'ico' petapigui so llalec ñi Dios, qataq ÿataqta saqca ca ÿanaiguilo soua ltago'q, qataq da ishiuen so n'Espíritu ñi Dios mayi ÿauotec camayi? Cha'ayi se'esoua ltago'q nachisoua soua ÿataqta 'itchiyiñi naq'en dam aÿamaxataxac dam chigoqchigui da qui'itta qanqoÿin namayipi.

Hebreos 9:20

Nachi 'enapega so shiÿaxauapi, 'eeta': “Ne'enaua ntago'q, naamayi nachinaua na ÿataqta 'itchiyiñi naq'en de'eda naÿamaxataxac ñi Dios da qami' naÿamaxateto.”

1 Ts 5:23

Qaq ñi Dios mayi qomi' ÿanema da qadlagaxayic, nachiñi ñi qami' iqui'itaxatte' qome, qataq ÿaÿamaxat 'enauac da qad'oquiaxaqui, qataq ñi qoquiÿapegue' qadqui'ii, qataq 'enauac da qadvilÿaxaqui, da ÿataqta saqca ca qadasouaxashichi naq'en, chochi ivitta'a ca lvidaxac so qadataxala' Jesucristo.

Filipenses 4:9

Qataq ÿataqta qau'ochi qome 'enauac nam qami' sapaxaguenque, qataq nam ÿaqataxacpi mayi qami' sanema, qataq nam i'aqtacpi mayi qau'aqaichigui, qataq nam so'otpi mayi qauauañiichigui. Nachina qau'ochi qome. Qaq ñim Dios mayi chigoqo'ot da nlagaxayic qami' hueta'agueta qome.

Romanos 8:11

Cha'ayi da mashi qami' netanguita som n'Espíritu ñi Dios mayi nca'alaxateeguesop naq'en da nleuaxa so Cristo Jesús, qaq ñimayi nachiñi qome ñi qami' ÿanema ca dalaxaic nachaalataxac da qad'oquiaxaqui mayi taÿa'a da ileu, qalaxayi ÿachigoxotchigui qome naq'en som n'Espíritu mayi qami' netanguita.

Hechos 5:30

Ñim nDios so hua'au qadta'alpi, ñimayi qaltaq nca'alaxateec co'ollaxa so Jesús, som qami' qaualauachi co'ollaxa, nachi qauaxañiiguet so npe'enaxaqui.

Mateo 26:28

Cha'ayi na huetagui anamayi nachinaua na itago'q mayi ÿoqta 'itchiguiñi naq'en dam dalaxaic aÿamaxataxac. Nam itago'q taÿa'alo da qaicoldeec, da yaqto' ÿataqta qalota qome na qaÿapalaxat na lasouaxashitpi.

Efesios 1:20

co'ollaq nca'aleeguesop naq'en da nleuaxa so Cristo. Nachi taigue naq'en da piguem, da yaqto' nso'ongue da aloic ñimayi,

Gálatas 1:1

Aÿim Pablo, aÿim lamaxashic so Jesucristo. Qaq sa ishit da aÿim lamaxashic qataq da aÿim ÿideuo ca chochi shiÿaxaua, cha'ayi nachiso so Jesucristo qataq ñim lta'a Dios mayi nca'aleeguesop naq'en somayi da nleuaxa.

2 Corintios 13:11

Qaq nagui qami' ÿaqaÿa't, ÿataqta no'on qome ca qoyiquiaxaqui. Ÿataqta qanpogoxoiñiÿapegue' qome da nalochiguiñi da qanachaalataxaqui, qataq ÿataqta qauamaichiguiñi, qataq 'oonolec ca qadhuennataxaqui, qataq qaulaquiitapiguiñi. Qaq yaqto' qami' hueta'agueta ñi Dios mayi chigoqo'ot da nlagaxayic qataq da nsoxoyic.

2 Corintios 4:14

Cha'ayi saÿajnaqta ñim Dios mayi qaltaq nca'aleec naq'en co'ollaq qaÿalauat so qadataxala' Jesús, ñimayi nataq'en qome qomi' nca'alaxatreec, 'eeta'am da 'eetec naq'en so Jesús. Ime, qaq qomi' nÿatreuo da qomi' ÿauegueu'alo ca netaña ñimayi.

1 Corintios 15:15

Qaq da nachi 'eetec de'eda, nachi qomi' shinaqta'am da chochi qomi' tenataxanaxaiqa, cha'ayi sa'axataqtac da ñi Dios nca'aleec naq'en so Cristo. Cha'ayi da sa ishit da 'en da nca'aleec qanqoÿin na leuaxaicpi, nachi ñi Dios sa ishíttaxa da nca'aleec naq'en so Cristo.

1 Corintios 14:33

cha'ayi ñi Dios sa ishit da chigoqo'ot da nasouaxattega't naq'en na shiÿaxauapi. Chaqdata da nlagaxayic. Cha'ayi da n'onataxac 'enauac ana l'onaxanaxaquipi na qadqaÿañicpi 'amqajnataxanaxaicpi 'eeta':

1 Corintios 6:14

Qaq ñim Dios mayi nca'aleec naq'en so qadataxala' co'olla qaÿalauat, ñimayi nataq'en taÿa'a da qomi' nca'aldeec naq'en, do'onataxana da maichi l'añaxac.

Hechos 17:31

Cha'ayi ñimayi mashi ÿauo'o ca 'oonolec na'a'q mayi huetoigui da nmit qome 'enauac na lasouaxashitpi na shiÿaxauapi, qaq ÿataqta ÿaqatchiguilo naua qai'o't. Qalaxayi ÿachigoxotchigui qome som 'oonolec shiÿaxaua mayi lca'aguishic. Qaq ÿoqta 'eesa da i'ot de'eda qome, ÿoqo'oyi ñimayi qaltaq nca'aleec naq'en co'ollaxa se'eso shiÿaxaua.

Hechos 13:30

Qalaxayi ñi Dios qaltaq nca'aleec naq'en somayi.

Hechos 2:32

Qaq ÿoqo'oyi ñi Dios qaltaq nca'aleec naq'en se'eso Jesús. Qaq de'eda 'enauac da shinaqta sauanaqchigui.

Lucas 22:20

Qaq nachi i'enaxatteguet nataq'en aso ÿomaxaqui co'ollaq mashi ime da nqui'axac, nachi 'eeta': –Ana'ana ÿomaxaqui nachana ana naigui da dalaxaic aÿamaxataxac mayi ÿataqta 'itchiyiñi naq'en naua itago'q mayi qaicoldeec da qaitaunec da qoñiita.

Marcos 14:24

Nachi 'enapegalo' soomayi, 'eeta': –Ne'ena nachina na itago'q mayi ÿoqta 'itchiguiñi naq'en dam dalaxaic aÿamaxataxac. Ne'enaua itago'q, naamayi taÿa'alo da qaicoldeec, da yaqto' qalota na qanca'alaxateec.

Romanos 16:20

Qaq ñim Dios mayi chigoqo'ot da nlagaxayic saqaÿaloq qome da nlaxajñi da l'añaxac so Satanás da ÿacho'oto na qadapia'chilli', da yaqto' qauapiilec. Qaq so qadataxala' Jesucristo qami' ÿanema qome ca qanchoxonnataguiiqui.

Romanos 1:4

Qalaxayi chigoqchigui so Espíritu Santo co'ollaq i'axat da somayi llalec ñi Dios qataq 'añaxaic co'ollaq ñi Dios nca'aleeguesop naq'en da nleuaxa.

Hechos 4:10

Qaq nagui qami' sa'aqtaxanaqtema, yaqto' de'eda ÿaÿateeta 'enauac na llalaqpi so Israel, da 'eetec de'eda shiÿaxaua mayi hueta'a ne'ena nagui ÿataqta no'oita. Damayi chigoqchigui da l'enaxat so Jesucristo mayi Nazaret l'ec, som qami' qauaxañiiuo co'ollaxa, qalaxayi ñi Dios qaltaq nca'aleec naq'en somayi.

Romanos 10:7

Qataq sa ishit da qoneta': ¿Négue't ca ishit da nqo'ooña ca lma' na nqui'ipi,” da yaqto' ñi'iguelaxatshiguem so Cristo da chigoqtoigui naq'en na leuaxaicpi?