Hebreos 13:13 - Nuevo Testamento Toba Sur

¹³ Qaq ÿoqo'oyi ñoqo'onaxauga qome so Jesús mayi huetauga que'eca qaÿoqteuga se'eso qanayiutaña, da yaqto' nataq'en ñique'etaxanaxagui da sa qaÿauo'o ca qanyacnataguec, da shinaqta'am da nque'ejnaxac somayi.

Nuevo Testamento Toba Sombrero Negro

¹³ Chane'eja 'noota qom ena'am ta'le qolaĝague nayi ñe'me Jesús, da'me qoyen p'aye ga'me 'nomachaqa', qaedi nach'e jenaqa'am da'me qoyen lachoĝodec.

La'aqtaqa Ñim Lo'onatac 'Enauacna 2013

¹³ Qaq ỹoqo'oye nataqa'en qomi' iuen da qarỹatec So Jesús da ñeuanaqaua'a de'era ne'enaguec maye qaỹo'otec co'ollaq qaiuaxaneguet so npe'enaxaqui.

Hebreos 13:13 Referans Kwoze

Hebreos 11:26

Qataq 'eeta'am da ÿataqta sallaxanec naq'en da huo'otaq sa ishit da qaiyacnapec souaxat da huasoilec so Cristo, qaq sa ishit da 'eeta'am naq'en 'enauac na yi'oqchigui nsallaxa yi Egipto. Cha'ayi somayi ÿataqta ilota'a que'eca lshiitenaxanaxac ñi Dios mayi ÿami' qominchiyi somayi.

Hechos 5:41

Nachi se'esoua Jesús lamaxa'shi chigoqtoiguilo so nta'alpi ÿataqta huo'o da ntonaxa'c, cha'ayi ñi Dios ÿashiitegueta soomayi da huo'o da nque'ejnaxa'c, huasoidelec da l'enaxat so Jesús.

Lucas 6:22

Nataq'en ÿataqta qauamaichiguiñi qom qami' nquiÿalo na shiÿaxauapi, souaxat ne'ena shiÿaxaua llalec, qataq da huo'otaq qami' qai'oldaue'c, huo'otaq da qami' qaishiue'n, huo'otaq da qai'otan da qad'enaxachi, 'eeta'am ca ÿapacteec qauem.

Mateo 16:24

Nachi so Jesús 'enapegalo soua lapaxaguenataqa, 'eeta': –Da huo'o ca nshitaique da aÿim quegue, qaq no'on da ÿalat 'enauac na maichi lhuennataxa, ime, qaq aÿim quegue, nai'ctaxa da daqat da nachaalataxac.

2 Corintios 12:10

Qaq ÿoqo'oyi samachiguiñi da huo'otaq qaica ca i'añaxac, huo'otaq da aÿim qaishiueetac, huo'otaq da huo'o da iuenaxanaxa, huo'otaq da aÿim qaicaatac, huo'otaq da souaigui ca lqalaic, sasoilec so Cristo. Cha'ayi da huo'otaq ÿapacteec da qaica ca i'añaxac, qalaq ÿacteec da aÿim 'añaxaic.

Mateo 5:11

Qataq ÿataqta qauamaichiguiñi qom qami' ishiueeta'pe na shiÿaxauapi, huo'otaq da sa ishit da qami' iyacna'pe qataq da qami' ÿasaxalguete na ÿotta'a't shipegaxanaxacpi, souaxat da aÿim qoquiitague'.

Hebreos 12:3

Qaq ÿoqo'oyi qami' qauennachiÿa'a da 'eetec da nque'ejnaxac so Jesús co'ollaq n'añaxateguet da lachoxonnataxanaxac na shiÿaxauapi 'itaxaloxoicpi, yaqto' da qan'añaxataxaqui nachi 'eetai' sa ishit da nlautapiguiñi.

1 Pedro 4:4

Qaq namayipi ÿataqta nhualeguet da qami' sa ishit da qaualliquiitau'a nam chochaq tateec qauem mayi i'ottac. Qaq ÿoqo'oyi namayipi sa qami' iyacna'pe da qami' detaxaÿalo.

Mateo 27:32

Qaq co'ollaq mashi qanayicot somayi, nachi qanatena'aguet so shiÿaxaua mayi lma' yi Cirene, l'enaxat Simón. Nachi qaÿaconeu'a somayi, da yaqto' ÿachi qanqoÿin so npe'enaxaqui so Jesús.

Lucas 9:23

Qaq ime, nachi 'enapega 'enauac somayipi, 'eeta': –Ca nshitaique da aÿim quegue, qaq no'on da ÿalat 'enauac na maichi lhuennataxa, ime, qaq aÿim quegue 'enauaque naua na'axa'te, nai'ctaxa da daqat da nachaalataxac.

Hebreos 12:2

Ÿataqta seloqchigui qome so Jesús, som chigoqo'ot da qadpi'iÿaxac, qataq nachiso so naloqchiichiguiñi. So Jesús ÿataqta n'añaxateguet da 'eetec co'ollaq qaiuaxaneuo, qalaxayi sa ishit da ÿoqocha'a da n'enaguec de'eda l-leuaxa. Cha'ayi somayi ÿaÿaten da huo'otaq mashi inoxonaqchitec de'eda nque'ejnaxac, nachi huo'o da ntonaxac qataq da lamaiquiaxac. Nachi somayi nso'ongue da aloic ñi Dios.

Hebreos 12:4

Cha'ayi da qoñiita saxanaxa da huo'o ca ivita da qaÿalauat, souaxat da datata'aguet da ñi'itaxaloxo.