Hebreos 13:12 - Nuevo Testamento Toba Sur

¹² Qaq nachi 'eetec nataq'en so Jesús da nalaataguec huaña so qaÿoqteuga so la ciudad, da yaqto' ishit da iÿouec na lasouaxashit na shiÿaxauapi, deÿoxonalo soua maichi ltago'q.

Nuevo Testamento Toba Sombrero Negro

¹² Qama'le nach'e ena'am ñe'me Jesús qoyen p'aye ga'me noic da'me 'uo da'me lachoĝodec ca'li yeleu, qaedi qodoĝotaĝaneque gaa'me loeco ga'me jiyaĝadipi, yajouaĝat da'me naliñi qoyen jaga'me mach'e letauo'.

La'aqtaqa Ñim Lo'onatac 'Enauacna 2013

¹² Qaq nache 'eetec nataqa'en So Jesús co'ollaq qaỹalauat qalaq huaña ye pa'auec ye nỹecpi ye Jerusalén, da yaqto' chegoqchiguilo naua ltago'q da Ñim Lo'onatac 'Enauacna ỹapalaxat na lasouaxashetpi na shiỹaxauapi maye lalamaxatpi.

Hebreos 13:12 Referans Kwoze

1 Corintios 6:11

Qaq huo'o co'ollaxa da qoñiita na 'eeta'am ne'enapi. Qalaxayi mashi qami' qaiqui'itaxatte', qataq mashi qanañañiÿot ñi Dios, qataq ñimayi mashi qami' ÿaÿamaxadeete'. Qaq 'enauac de'eda chigoqchigui so qadataxala' Jesús qataq so Espíritu mayi chigoqo'ot ñi qadta'a Dios.

Hechos 7:58

Nachi qanqateeguesop so la ciudad, nachi qaida'a na coma' da qaÿasaq. Qaq 'enauac nam ÿalectau'a de'eda nasaxasoxonaxac, namayipi icotano'oto naua lapo'te so nsoq l'enaxat Saulo.

Efesios 5:26

Qaq 'eetec de'eda somayi, cha'ayi nshitaique da iqui'itaxatta na 'amqajnataxanaxaicpi, idolec na 'etaxat da iÿo qataq da l'aqtac.

Hebreos 10:29

Qaq ¿táloxochiyictoxo' da saq taÿapigui yi qadvilli qami' da ÿataqta 'itchiguiñi da ÿacteec qome da nhuaxanaguec cam 'ico' petapigui so llalec ñi Dios, qataq ÿataqta saqca ca ÿanaiguilo soua ltago'q, qataq da ishiuen so n'Espíritu ñi Dios mayi ÿauotec camayi? Cha'ayi se'esoua ltago'q nachisoua soua ÿataqta 'itchiyiñi naq'en dam aÿamaxataxac dam chigoqchigui da qui'itta qanqoÿin namayipi.

Juan 17:19

Qataq souaxat namayipi nachi aÿim ÿataqta 'am ñañanot, yaqto' namayipi nataq'en ishit da 'am nañanot, chigoqchigui dam 'eesa lataxac.

Hebreos 2:11

Cha'ayi nam qaiÿo da nachaalataxac, qataq som deÿoxootac, naamayi 'oonolec ñi lta'a' Dios. Qaq ÿoqo'oyi so llalec ñi Dios, somayi sa ishit da da'aguelec da iÿaxana namayipi da ÿataqta lqaÿañicpi.

Juan 19:34

Qalaxayi so 'oonolec soua ale't, somayi i'adeu'a na laÿi somayi aso lataquiaxai, nachi anac so ltago'q qataq so 'etaxat.

Lucas 4:29

Ime, qaq nachajñi somayipi, nachi qai'odaueegue da laÿi yi pueblo so Jesús, qaimaqtauga som loga't asom saqaÿoqotchiguemec 'alhua mayi netalec na noÿicpi, da qaÿauotaique da huaña qaq qaÿamaxauec somayi.

Hebreos 10:10

Qaq ñi Dios mashi sogote da qomi' iqui'itaxatte', cha'ayi so Jesucristo i'ot co'ollaxa da 'eetapeguec ñi Dios co'ollaq ÿan da maichi l'oquiaxac da 'oonolec da qaÿi'iguelaxalec da qaÿalauat.

Apocalipsis 14:20

Qaq asa'aso uva, can qanlom na lli'i, qalaq huaña qanqoÿin som pa'aueegue da laÿi yi la ciudad. Nachi se'eso naponaxanaxaqui chigoqtoigui na ntago'q. Qaq ne'ena ntago'q ividashiguemque naua lquejnaxanqa'te na caipi. Qaq yi lcachiguiñi se'eso ntago'q ivi' trescientos kilómetros.