Hebreos 12:9 - Nuevo Testamento Toba Sur

⁹ Qataq da lÿa 'eeta': Co'ollaq saxanaxa da qomi' ÿi't, qalaq ÿataqta salaxasoxolguete soua yi'oqchiguilo qadta'al mayi qomi' ÿapaxagueeta'pe. Qaq ¿táloxochiyictoxo' da saq ÿacteec ñaqshinaq da qadalaxayic ñi qadta'a mayi saq cha'a, yaqto' sovidaqa'a da nca'alaxa?

Nuevo Testamento Toba Sombrero Negro

⁹ Joca'li cha'li qo'mi ñoqolqapi, qama'le gaa'me mach'e qadet'al jo'ne uetedalegue jenjo' aleua qo'mi yapaĝague'n, qama'le da'me qo'mi yataqata joqochaĝalo. Qama'le ¿teua'atoqo' ta'le ja jetaque joqochaĝa ñe'me Qadet'a jo'ne na'ague di'me piyem, qaedi jovidaqa'a da'me qadec'alaĝa?

La'aqtaqa Ñim Lo'onatac 'Enauacna 2013

⁹ Co'ollaq ñaq qomi' nogotolqa, nache soua yo'oqchiguilo qarta'al qomi' ỹapaxagueeta'ape, qaq qomi' nache huo'o naq 'ene'c ñaqa'ena'q soomaye. Qalaq ta'ainectoxo' da saq ỹactec da salaxasoxoguet Ñim Lo'onatac 'Enauacna maye Qarta'a maye neta'ague da piguem, cha'aye da nache shenaqtec de'era, nache huo'o ca qarca'alaxa chochaq tatec.

Hebreos 12:9 Referans Kwoze

Juan 3:6

Ca chigoqchigui da lañoxoc ca yi'oqchigui shiÿaxaua, camayi ipacchigui da chochi shiÿaxaua. Qalaxayi ca chigoqchigui da lañoxoc so Espíritu, camayi ÿaatañi da achaalataxac mayi chigoqo'ot somayi.

1 Pedro 5:6

Qaq ÿoqo'oyi sa ishit qome da qan'amaqchiñi, ÿataqta qanañañiÿot da lhuaqÿaxac ñi Dios mayi qaica ca ÿaqalanapec, da yaqto' ñimayi qami' nauaxaÿaxaayishigue'm qom ivita ca na'a'q mayi laloqnec.

Santiago 4:7

Qaq ÿoqo'oyi ÿataqta qanañañiÿot da qauatailec ñi Dios. Qataq qanachaachiÿa'aguet so shiÿaxaua lma'na. Qaq somayi dataueguesopa qami'.

Romanos 9:5

Namayipi maichi llalaqpi som hua'au qadta'alpi. Qaq da yi'oqchigui lapachiyaxac namayipi chigoqtoigui so Cristo som qoÿanagui da qadta'a Dios da ilo'ogue 'enauacna, da yaqto' nachi 'eetai' da qaÿi'oxodeetac. Aja', nachi 'eetec de'eda.

Santiago 4:10

Sa ishit da qan'amaqchiñiito'ot ñi qadataxala' Dios, yaqto' ñimayi qami' nauaxaÿaxaayishigue'm da qami' ÿi'oxoda'q naq'en.

Romanos 9:3

Cha'ayi aÿim mashi sovida'a da ñishitaique da aÿim ÿamaqauec ñi Dios da yaqto' aÿim qaÿoqta naq'en so Cristo, souaxat na ÿaqaÿañicpi mayi maichi ÿalamaxat iuo' l'ecpi, da huo'otaq damayi ishit da naigui ca no'on laÿamqa' namayipi.

Romanos 1:3

Dam n'aqtac mayi i'axat da llic so qadataxala' Jesucristo som llalec ñi Dios. Qaq dam yi'oqchigui lañoxoc somayi, qalaxayi chigoxoguet so nta'a l'enaxat David.

Hechos 2:30

Qalaxayi so David, somayi l'aqtaxanaxanec ñi Dios. Qataq somayi ÿaÿaten da ñi Dios ÿanem somayi da l'aqtac da 'enapec ipacchigui, da ca 'oonolec nam llalaqpi, camayi nachica cam nta'a qadca'alaxaqui, qataq nachica ca qoÿanagui da l'onataxanaxac somayi da nta'a.

Lucas 18:2

Nachi 'enapeco': –Huo'o so pueblo netaña som nmit na nasouaxashitpi. Somayi ÿataqta qaica ca 'enec naq'en ñi Dios qataq 'enauac nam shiÿaxauapi.

Lucas 18:4

Qalaxayi se'eso shiÿaxaua ÿataqta huo'oi soua na'axa'te da sa ishit da ilo'oguet asomayi. Qalaxayi co'ollaq qaÿoqtegue, nachi somayi deuennataxaatac, 'eeta': “Aÿim nai'ctoxo' da sa ishit da huo'o ca 'enec ñaq'en ñi Dios qataq 'enauac nam shiÿaxauapi,

Apocalipsis 22:6

Ime, nachi so namaxashic aÿim 'enapega, 'eeta': –Ne'ena n'aqtacpi ÿataqta 'eesa, qaq namayipi ishit da qaipi'iÿa'a. Qaq ñim qadataxala' Dios mayi nachiñi ñi i'añaqchit nam l'aqtaxanaxanecpi, ñimayi namaq na lamaxashic, da yaqto' ÿachaxana na do'onataxaatacotpi ñimayi dam saqaÿaloq da yi'oq.