Hebreos 12:5 - Nuevo Testamento Toba Sur

⁵ ¿Qami' peta'a mashi sa qantouñiic da lqataxac ñi Dios da 'eeta'am ca shiÿaxaua da huaqattega ca lalamaxat llalec? Naua ñiyigui'shi l'aqtaqa ñi Dios 'eeta': 'Am ÿalcolec, sa ishito' qome da saqca ca 'ai'anaigui da lapaxaguenataxanaxac ñi qadataxala' Dios qom 'eeta'am da 'ico' 'am nlaxa, qataq sa ishit da 'an'aloxootac qom 'eeta'am da 'am nhuogaxa.

Nuevo Testamento Toba Sombrero Negro

⁵ Nataq'aen joote auapalaĝache'ta da'me jo'ne ami yapaĝagueneque joñe'me Dios, da'me yataqachiñe ami lec'oqo'te, naq'aeta da'me jo'ne qoyediñe ca'li, enaac: “Am yalec, ena'te jetaque ja a'uamaqaten da'me anapaĝaguenataguec, Da'me am yapaĝaguen joñe'me Jaliaĝanec. Ena'te jetaque ch'e anacheta qomle 'uo ga'me am yicochaq.

La'aqtaqa Ñim Lo'onatac 'Enauacna 2013

⁵ Qalaxaye qami' 'eeta'am da qaucoviỹa'ai da lqataxac Ñim Lo'onatac 'Enauacna maye ỹami' na llalaqpi maye nanettalec ana nere, 'eeta': «'Am ỹauotaxat ỹalcolec, saisheto' da 'auacona da lapaxaguenataxanaxac Ñim Lo'onatac 'Enauacna da 'eeta'am 'anqa'en da qaica ca naigui. Qataq saishet da 'am ỹaquicoqchet da ivita da 'am 'enapega Ñimaye.

Hebreos 12:5 Referans Kwoze

Apocalipsis 3:19

Cha'ayi aÿim ÿataqta sevidaxato'ot, qataq saÿamaxajñi ca lasouaxashit cam ÿataqta sauotec. Qaq ÿoqo'oyi 'an'añaxat qome, qataq 'ai'axaadeec naua 'an'onataxaco.

1 Corintios 11:32

Qalaxayi ñimayi da huo'otaq ila'a da huo'o ca qadasouaxashit, nachi qomi' iuaxa'n, cha'ayi nshitaique da sa ishit da salegaqtoigui ca nhuaxanaguec na sa da'amqajnataxanpi.

Santiago 1:12

Ÿataqta machiguiñi ca shiÿaxaua qom huelec da lhualaxavic da n'añaxateguet ca ñi'iguenataguec. Cha'ayi qom mashi inoxonaqchitteec de'eda ñi'iguenataguec, nachi ÿaconguet da nca'alaxa, 'ico' nshiitenaqte qanqoÿin. De'eda nca'alaxa nachida da Dios ÿachaxanapeguem ca shiÿaxaua mayi ÿauotec ñimayi.

Hebreos 12:7

Qaq ÿoqo'oyi qan'añaxachiiguet qome da qanhuaxanaguiiqui, cha'ayi ñi Dios 'eeteguema qami' naq'en ca maichi lalamaxat llalec. ¿Peta'a saqco' ca ñalec da sa ÿapaxaguen ca lta'a?

Lucas 24:6

Sa ishit da hueta'a ne'ena somayi, cha'ayi mashi qaltaq nca'aleec qanqoÿin. Qauennachi dam l'aqtac co'ollaq hueta'a yi Galilea, 'eeta';

Lucas 24:8

Nachi soomayi tachiguilo lauel da l'aqtac co'ollaxa so Jesús.

Gálatas 6:9

Qaq ÿoqo'oyi sa ishit qome da ñasamaxañi da so'otaq ca ÿaÿamaqchiguiñi. Cha'ayi qom huo'otaq sa ñasamaxañi, nachi qom ivita ca naloqnec, nachi ñaqataq cam naigui ca so'otaqtac.

1 Timoteo 1:20

Qanachi 'eetec da huaiguilo soua Himeneo nataq'en so Alejandro. Ÿoqo'oyi soomayi sangueta so Satanás, yaqto' sa ishit da nachi 'eetra'ac da quetralec da sa iyacna'pe ñi Dios.

Hebreos 13:22

Qami' ÿaqaÿa't, qami' ñachoxodeetoiguilo da ÿataqta qan'añaxachiiguet da ÿaqataxac da qoñiita, cha'ayi saq 'amaqtaq da shiyiñi i'aqtac mayi qami' samaxalo.