Hebreos 12:4 - Nuevo Testamento Toba Sur

⁴ Cha'ayi da qoñiita saxanaxa da huo'o ca ivita da qaÿalauat, souaxat da datata'aguet da ñi'itaxaloxo.

Nuevo Testamento Toba Sombrero Negro

⁴ Qa'a da'me ami maliaĝa qaya'te 'uo ga'me yovida'a da'me qoyalat yajouaĝat da'me jetaque ja auacoñiyeguet da'me nadiquiyaĝac jo'ne ja no'en.

La'aqtaqa Ñim Lo'onatac 'Enauacna 2013

⁴ cha'aye de'era qanloquiaxaqui da qauataita'aguet da ñe'etaxaloxo, damaye saishet da qami' iviraxata'alo da qaullivi da qoñiỹa'am Somaye.

Hebreos 12:4 Referans Kwoze

1 Corintios 10:13

Da qañi'iguenataguiiqui mayi qami' nvittegalo, damayi nachida da 'eeta'am da ñi'iguenataguec na 'enauac shiÿaxauapi. Qalaxayi qami' ishit da qaupi'iÿa'ai ñi Dios, cha'ayi ñimayi sa ishit da qami' ÿashiitema ca qañi'iguenataguiiqui da huo'otaq sa qanaloÿiguet. Chaqdata da huo'otaq nvi' ca qañi'iguenataguiiqui, nachi ñimayi ÿauo'o ca lliguec, yaqto' qami' ishit da qadaloÿa'aguet.

Apocalipsis 2:13

Aÿim ÿataqta saÿateeta 'enauac nam 'au'ottacpi, qataq saÿaten da qonetangui nam ilotague' so Satanás. Qalaxayi ñaqaiyita 'am ÿataqta aÿim qoquetelec, qaq ÿataqta sa ishit da 'axaañi da aÿim 'au'amaqteetac, nai'ctaxa da co'ollaq qaÿalauat so i'aqtaxanaxanec Antipas, som 'oonolec da qoñiita, mayi huaña yim hueta'a so Satanás.

Hebreos 12:2

Ÿataqta seloqchigui qome so Jesús, som chigoqo'ot da qadpi'iÿaxac, qataq nachiso so naloqchiichiguiñi. So Jesús ÿataqta n'añaxateguet da 'eetec co'ollaq qaiuaxaneuo, qalaxayi sa ishit da ÿoqocha'a da n'enaguec de'eda l-leuaxa. Cha'ayi somayi ÿaÿaten da huo'otaq mashi inoxonaqchitec de'eda nque'ejnaxac, nachi huo'o da ntonaxac qataq da lamaiquiaxac. Nachi somayi nso'ongue da aloic ñi Dios.

Apocalipsis 12:11

Cha'ayi na qadqaÿañicpi loxonec somayi, qaÿachigoqchiguilo naua ltago'q so qagueta llalec, qataq souaxat da n'aqtac mayi i'axattac. Cha'ayi namayipi ÿataqta sa ishit da ñi'itac, qataq qaica ca ÿictega da nai'ctaxa da ileutalec damayi.

Mateo 24:9

Huaña, nachi qami' qoÿaadeuo, da yaqto' qami' qaiuaxaata'pe, qataq da qami' qaÿalauat. Qataq 'enauac na shiÿaxauapi ÿataqta qami' nquiÿalo, souaxat da aÿim qoquiitague'.

Apocalipsis 18:24

Cha'ayi yi'iyi la ciudad nachi huaña da qailalec na ltago'q nam i'axatta'pe co'ollaxa na l'aqtaqa ñi Dios, qataq nam lalamaxatpi ñimayi, qataq 'enauac nam qaÿalauatpi mayi hualec ana 'alhua.

Apocalipsis 17:6

Qaq can ime, nachi aÿim ñanoma da asa'aso 'alo taxai. Asomayi itaqchit na ltago'q nam lalamaxatpi ñi Dios qataq nam qaÿalauatpi souaxat da i'axattac so Jesús. Qaq can sauaachigui de'eda, nachi ÿataqta huo'o da i'aalaxa.

Filipenses 2:8

Qataq co'ollaq mashi ÿaatañi da lataxac ca chochi shiÿaxaua, nachi ÿacona da sa ishit da huo'o ca l'amaqchic. Qataq souaxat da lalaxayic, nachi ivitta'a da nalaataguec, nai'ctaxa da i'ot da n'aloxo de'eda l-leuaxa co'ollaq qaiuaxanguet so npe'enaxaqui.

Hebreos 13:13

Qaq ÿoqo'oyi ñoqo'onaxauga qome so Jesús mayi huetauga que'eca qaÿoqteuga se'eso qanayiutaña, da yaqto' nataq'en ñique'etaxanaxagui da sa qaÿauo'o ca qanyacnataguec, da shinaqta'am da nque'ejnaxac somayi.