Hebreos 12:3 - Nuevo Testamento Toba Sur

³ Qaq ÿoqo'oyi qami' qauennachiÿa'a da 'eetec da nque'ejnaxac so Jesús co'ollaq n'añaxateguet da lachoxonnataxanaxac na shiÿaxauapi 'itaxaloxoicpi, yaqto' da qan'añaxataxaqui nachi 'eetai' sa ishit da nlautapiguiñi.

Nuevo Testamento Toba Sombrero Negro

³ Chane'eja da'me ami, yataqata auenache'ta da'me napogaĝadenaĝac ñe'me Jesús, queda'me 'uo da'me lachoĝodec let'adaic ca'li uo'oe gaa'me loeco lo'ol jo'ne nautetedapega joñe'me. Auenache'ta da'me dojo' qaedi ja adeliñiñi, nach'e ena'am da'me ena'te aĝañiñi da'me adepi'i.

La'aqtaqa Ñim Lo'onatac 'Enauacna 2013

³ Qaq ỹoqo'oye qami' qauennataxañiilec da lataxac So Jesús. Qalota so shiỹaxauapi 'etaxaloxoicpi nquiỹa qataq ỹauo'o da nque'eenaxac, qalaxaye Somaye nache queta. Qaq ỹoqo'oye qami' saishet da qanañañi qataq saishet da qaica ca qara'añaxaqui,

Hebreos 12:3 Referans Kwoze

Gálatas 6:9

Qaq ÿoqo'oyi sa ishit qome da ñasamaxañi da so'otaq ca ÿaÿamaqchiguiñi. Cha'ayi qom huo'otaq sa ñasamaxañi, nachi qom ivita ca naloqnec, nachi ñaqataq cam naigui ca so'otaqtac.

2 Corintios 4:16

Qaq ÿoqo'oyi sa ishit qome da saq ñi'añaxataq. Nai'ctaxa da 'ico' taÿañicda da qad'oquiaxac, qalaxayi dam saq cha'a qanachaalataxac na'axa'tesat da nqochiitashiguem.

Apocalipsis 2:3

Qaq ÿataqta huo'o da 'anhualaxaunaxac, qataq da 'anque'ejnaxac, qataq qalota da 'ad'onataxanaxac souaxat aÿim, qalaxayi sa ishit da 'anasamtapiguiñi.

1 Corintios 15:58

Qaq ÿoqo'oyi qami' ñauochaxa'u ÿaqaÿa't, saqco' qome ca qanamachiÿaique, qoquiito'ot da qau'ochiitac da l'onataxanaxac so qadataxala'. Cha'ayi qami' qauaÿajñiita da qad'onataxanaxaqui da qau'onataxañiitacot somayi, ÿataqta huo'o ca naigui.

Hebreos 12:2

Ÿataqta seloqchigui qome so Jesús, som chigoqo'ot da qadpi'iÿaxac, qataq nachiso so naloqchiichiguiñi. So Jesús ÿataqta n'añaxateguet da 'eetec co'ollaq qaiuaxaneuo, qalaxayi sa ishit da ÿoqocha'a da n'enaguec de'eda l-leuaxa. Cha'ayi somayi ÿaÿaten da huo'otaq mashi inoxonaqchitec de'eda nque'ejnaxac, nachi huo'o da ntonaxac qataq da lamaiquiaxac. Nachi somayi nso'ongue da aloic ñi Dios.

Hebreos 3:1

Qaq ÿoqo'oyi qami' ÿaqaÿa't mayi qami' lca'agui'shi ñi Dios qataq qami' iÿaxanalo da qami' lalamqa'te, qami' ÿataqta qauloichigui qome so Cristo Jesús, som qomi' qanamaxalo qataq qadataxala' da detaxaÿapegue' ñi Dios mayi sa'amaqtenaqtac.

2 Corintios 4:1

Qaq ÿoqo'oyi qomi' sa ishit qome da sa ñi'añaxataq, cha'ayi ñi Dios dam lqouagaxanaqtaic qomi' ipataxalguete de'eda n'onataxanaxac.

Juan 5:16

Qaq ÿoqo'oyi na judiopi icaatac so Jesús da nshitaique da ÿalauat, souaxat somayi da datannataxangui so na'a'q mataxaqui.

Hebreos 12:5

¿Qami' peta'a mashi sa qantouñiic da lqataxac ñi Dios da 'eeta'am ca shiÿaxaua da huaqattega ca lalamaxat llalec? Naua ñiyigui'shi l'aqtaqa ñi Dios 'eeta': 'Am ÿalcolec, sa ishito' qome da saqca ca 'ai'anaigui da lapaxaguenataxanaxac ñi qadataxala' Dios qom 'eeta'am da 'ico' 'am nlaxa, qataq sa ishit da 'an'aloxootac qom 'eeta'am da 'am nhuogaxa.

Lucas 14:1

Qaq huo'o so na'a'q mataxaqui, nachi so Jesús nqo'oneu'a da lqui'aqa' so lma' som 'oonolec nam lataxala'pi na fariseopi. Nachi nam laÿipi fariseopi chochi nauaatac somayi.

2 Ts 3:13

Qami' qadqaÿa't, sa ishito' qome da qadasamiiñi da qau'ochi da ÿaÿamaqchiguiñi.

Juan 18:22

Nachi so Jesús co'ollaq 'enapec de'eda, nachi som 'oonolec nam huataxanaqpi mayi ilotague' aso n'onaxanaxaqui mayi ÿalectauo, somayi iuaxanoigui na lashic so Jesús. Nachi 'eetega, 'eeta': –¿Nachi qoneteco' de'eda da 'au'aqtaxanem ñim lataxala' na ntaxaÿaxanaxanecpi da qaitaxaÿapegue' ñi Dios?

Juan 8:52

Nachi na judiopi 'enapego' somayi, 'eeta': –Qomi' nagui saÿajnaqta da 'am huo'o ñi 'ad'ec leguemaxaic. Cha'ayi so Abraham qataq 'enauac so l'aqtaxanaxanecpi ñi Dios, somayipi co'ollaxa ileu, qalaq 'am qonapec: “Da ca ÿalaxaguet cam shinapec, nachi camayi sa ishit da nauane' da ileu.”

Juan 8:59

Huaña, nachi qaÿacona na coma' da qaÿauotaique da qaÿasaq so Jesús. Qalaxayi somayi nqañoxojñi, ca'ai aso n'onaxanaxaqui, taigui se'eso shiÿaxauapi, nachi jec.

Juan 8:13

Nachi na fariseopi 'eetega somayi, 'eeta': –'Am maichi 'an'axattapeguela't, qaq de'eda 'ad'aqtaxanaxac, damayi sa ishit da 'en.

Juan 7:12

Nachi qalota na shiÿaxauapi na n'aqtaxaatapigui somayi. Huo'o na 'eeta': “Se'eso shiÿaxaua, somayi no'on da lataxac.” Qalaxayi huo'o na laÿipi 'eeta': “Somayi sa ishit da no'on da lataxac; somayi chochi ÿatenachittac na shiÿaxauapi.”

Lucas 16:14

Nachi hua'aqtega 'enauac de'eda nam fariseopi mayi ÿataqta lqopitaxat da nsallaxa, nachi ÿi'iitac so Jesús.

Lucas 15:2

Nachi nam ÿalectaigui na fariseopi qataq nam dapaxaguenataxaatapeguec na nqataxacpi nachi quetapeguelec somayi, 'eeta': –De'eda shiÿaxaua qachi ÿaconguet na 'itaxaloxoicpi qataq lqui'axaua namayipi.

Lucas 5:21

Nachi nam dapaxaguenataxaatapeguec na nqataxacpi qataq nam ÿalectaigui na fariseopi nachi deuennataxaatac, 'eeta': “¿Négue't dam da' shiÿaxaua? Yi ÿi'inai' ñim Dios nam l'aqtaqa. Yi qaica ca ishit da ÿapalaxat na nasouaxashitpi, nachaqñita ñi Dios mayi ishit.”

Lucas 2:34

Nachi so Simeón ÿan da no'on l'aqtac. Ime, nachi 'enapega aso María asom late'e so Jesús, 'eeta': –Ña 'aumeten ne'enatai' nogotolec, namayi qoÿanagui da ÿataqta qalota qome naq'en na huañi huo'otaq ñishiguem na Israel llalaqpi. Namayi nachina na l'anaxat da ÿataqta qalota qome na sa da'amqajnataxan,

Mateo 22:15

Nachi nam ÿalectaigui na fariseopi jec da detaxaÿapigui ca lataxac da ÿauotaique ÿauo'o ca ÿachigoxotchigui lasouaxashit so Jesús da inat.

Mateo 21:46

Nachi somayipi ÿauotaique da icoñi' so Jesús. Qalaxayi huo'o da lcolanaxa na shiÿaxauapi, cha'ayi namayipi 'eetega da so Jesús ÿataqta 'eesa da l'aqtaxanaxanec ñi Dios.

Mateo 21:23

Nachi so Jesús huenoxoneu'a aso n'onaxanaxaqui late'edai. Qaq co'ollaq ña dapaxaguenataxaatac, nachi nqo'oneu'a somayi nam lataxala'pi na ltaxaÿaxanaxanecpi na shiÿaxauapi da qaitaxaÿapegue' ñi Dios qataq nam lquedoxonecpi na judiopi. Nachi inattac somayi, 'eeta': –¿Huá'ague ca 'auachigoxota'ague ca 'an'aqtac da huo'o mshi 'au'ot de'eda? ¿Négue't ca 'am ÿanem de'eda 'adamaxasoxonaxac?

Mateo 15:2

–¿Tá'ainco' na 'adapaxaguenatacpi yi sa ishit da ÿalaxalec dam n'onataxac som hua'au qadta'alpi? Cha'ayi namayipi sa ishit da ipaguelec da lataxac da qaiÿoi' naua nhua'q da huo'otaq yaqta'a da deque'e ca shiÿaxaua.

Mateo 12:24

Qalaxayi nam ÿalectaigui na fariseopi co'ollaq hua'aqchigui de'eda, nachi 'eeta': –De'eda shiÿaxaua mayi i'ottapeguec na n'ec leguemaxaicpi, qalaxayi do'otaxaatega da l'añaxac so Beelzebú mayi lataxala' ne'ena n'ecpi.

Mateo 11:19

Ime, qataq anac na shiÿaxaua llalec, qaq namayi deque'etac, qataq nÿomtac, nachi qami' qoñiitega da namayi qui'axaic, nÿomaxaic, qataq nauochaxaua nam 'itaxaloxoicpi qataq nam ÿacootapeeguet ana nshiitenaqte ca nta'a. Qalaxayi da laÿajnec ñi Dios yi'oq cam naigui.

Juan 9:40

Qaq huo'o na fariseopi na ÿalectauo, nachi hua'aqchigui de'eda, nachi denataxaatac, 'eeta': –¿Qomi' peta'a nataq'en sa ishit da ñauanaxañi?

Juan 10:20

Nachi qalota somayipi na 'eeta': –¿Tá'ainco' yi qaualaqaitapeeguet damayi, yi huo'o ñi l'ec leguemaxaic, qataq huo'o da aloic?

1 Pedro 2:23

Qataq co'ollaq qaishiueetac, qalaq sa ishit da ÿi'iguelaxata'aguet da nshiunaguec, qataq co'ollaq qaÿauo'o da nque'ejnaxac, qalaq sa ishit da dadenaxaatac. Chaqdata da ipa'axano'ot ñi Dios mayi sa ishit da depe'enaxan da nmit ca nasouaxashit.