Hebreos 12:25 - Nuevo Testamento Toba Sur

²⁵ Qaq ÿoqo'oyi maxatchaxa qome da qoñiita, sa ishit da huo'o ca sa ÿoqocha'a ñi Dios mayi qomi' detaqtacoto. Cha'ayi ÿataqta sa ishit da huo'o co'ollaxa ca qoÿit som sa ishit da hua'axaÿa ñi Dios co'ollaq huaqattega somayipi ana 'alhua, qaq ¿huá'aguectoxo' da ishit da qomi' qoÿi't da huo'otaq sa ñi'axaÿaxanaxa da lavilÿaxac ñim neto'ot na piguem da qomi' huaqattegalo?

Nuevo Testamento Toba Sombrero Negro

²⁵ Chane'eja yataqata a'uamaqachiñe da'me 'laqatac joñe'me Dios. Qa'a joga'me Israel lec'oqo'tepi jo'ne ja yacoteguet joca'li joñe'me Dios 'laqataĝanaĝanec jo'ne ch'e aleua le'ec, qaya'te onolec jo'ne yaqanatet ta'le yaĝan joda'me qoyen lachoĝodec. Qama'le nayi, qo'mi jo'ne jomachaĝa da'me 'laqatac joñe'me jo'ne chiyaqayi di'me piyem, qom ja ja'amaqatenaq, qama'le ¿teua'atoqo' jaqanatetaq ta'le qo'mi yaĝa'n da'me qoyen mach'e qadachoĝodec?

La'aqtaqa Ñim Lo'onatac 'Enauacna 2013

^25-26 Qaq ỹoqo'oye maxatchaxa da qoñiita, saishet da huo'o ca sa iqocha'a Ñim Lo'onatac 'Enauacna da qami' detaxaỹoto. Saishet da sa qauacoñiiguet, cha'aye som hua'au Israel le'ecpi maye sa iqocha'a co'ollaxa Ñimaye qalaq saishet da ỹet so lta'araic nhuaxanaguec. Se'eso na'a'q co'ollaq Ñim Lo'onatac 'Enauacna detaqtacot somayepi, qalaq so lvilỹaxac ỹacholaxan ana 'alhua. Qaq qomi' da sa saconaxaguet Ñim Lo'onatac 'Enauacna maye qomi' iỹaxanalo so lvilỹaxac maye chegoqtot na piguem, nache nataqa'en saishet da qomi' ỹe't ca lta'araic qanhuaxanaguec. Cha'aye nagui da la'aqtac Ñimaye 'eeta': «Qaltaq she'eguelaxalec da sacholaxan ana 'alhua, qalaxaye saishet da ndotec anamaye nataqa'en na piguem.»

Hebreos 12:25 Referans Kwoze

Hebreos 8:5

Qalaxayi ne'ena ntaxaÿaxanaxanecpi de'eda l'onataxanaxac, damayi 'eeta'am da chochi lqui'i qataq lpaqal cam hueta'ague da piguem. Cha'ayi saÿajnaq da chochi n'enaqtac, cha'ayi co'ollaq huotaique da i'ot so Moisés so lauo' ñi Dios, qalaq ñimayi 'enapega somayi 'eeta': “'Aulochigui qome da lataxac qataq 'au'enaxatchigui da n'onataxac so 'am sachaxana co'ollaq huaña añi qasoxonaxa Sinaí.”

Hebreos 11:7

So Noé nataq'en souaxat da lpi'iÿaxac co'ollaq ñi Dios huaqatot somayi da naÿa'a cam saxanaxa da yi'oq. Qalaq somayi ÿataqta ÿalaq, qataq i'ada't aso nnotaxaqui, da yaqto' ishit da nca'aleec so llalaqpi. Qaq souaxat da somayi huo'o da lpi'iÿaxac, nachi ÿachaxan da qaÿauo'o ca nhuaxanaguec nam huetalec ana 'alhua, qataq somayi ivida'a da ÿataqta qaÿaÿamaxadeeta. Cha'ayi ñi Dios ÿataqta ÿaÿamaxadeeta cam huo'o da lpi'iÿaxac.

Mateo 8:4

Nachi so Jesús 'enapega somayi, 'eeta': –Sa ishit qome da huo'o ca 'au'axatem de'eda. Chaqdata da 'am qojec, 'anachaxaneu'a ñim ltaxaÿaxanaxanec na shiÿaxauapi da qaitaxaÿapegue' ñi Dios, qataq 'ai'aneuo qome aca 'adachitaqtaxanaqte mayi damaxasoxoolec co'olloxochiyi so Moisés, yaqto' qaÿaÿaten da mashi 'am no'oita.

2 Timoteo 4:4

Qataq ÿapoguilo naua ltela lauaco da sa ishit da n'axaÿaxana da 'eesa lataxac. Chaqdata da n'axaÿaxaata'ai na ÿotta'a't n'aqtaxanaxac mayi n'ajnaxaic.

1 Ts 5:15

Ÿataqta qanchilliÿa'a't, saqca ca ishiitena'aguet ca sa ÿaÿamaxañi da i'otec ca lÿa. Chaqdato' da qami' qanpogoxoiñiÿapegue' da qau'ochiic ca ÿaÿamaqchiguiñi ñi 'oonolec da qoñiita qataq 'enauac na laÿipi shiÿaxauapi.

Hechos 7:35

Qaq nai'ctaxa co'ollaxa somayipi da i'otan so Moisés, nachi 'eetega, 'eeta': “¿Négue't ca 'am ÿanagui da 'am qadta'a, qataq da yaqto' 'anmit ca huo'o ca lasouaxashit?” Qalaxayi ñi Dios ÿachigoxotchigui so lamaxashic piguem l'ec mayi nachaxana so Moisés co'ollaq huaigui aso qo'ipaq lapole, da ÿamaxa somayipi da ÿauo'o lta'a qataq da yaqto' isouec.

Hebreos 3:17

Qataq ¿chaq négue't som ivi' naua cuarenta vi'iyi da dalemataÿa ñi Dios? Qomyi som huo'o ca ÿasouaxat, nachi 'enauac somayipi ileu co'ollaq hualec so tojlec 'alhua.

Mateo 17:5

Qaq co'ollaq ña detaqtac so Pedro, nachi anac so l'oc mayi ÿataqta 'edoigui. Somayi ipelteelguete soomayi. Nachi se'eso l'oc chimaqtoigui so n'aqtac, 'eeta': –'Eda dam ÿalec mayi ÿataqta ÿauotaxat, damayi ÿataqta ñitootapeguec. Qaq damayi qan'axaÿaxañiÿa qome.

Apocalipsis 22:9

Qalaxayi somayi aÿim 'enapega, 'eeta': –Sa ishit da nachi qonetec de'eda, cha'ayi chochi aÿim lamaxashic ñi Dios. Shiita'am 'am qataq nam 'adqaÿañicpi mayi l'aqtaxanaxanecpi ñi Dios, qataq 'enauac nam ÿataqta ÿalaxalguete naua nanettalguete ana'ana nede. Qaq nachiñita ñi Dios 'anatamnot.

Apocalipsis 19:10

Nachi aÿim sa'adoto naua illicte, da yaqto' shi'oxoden som namaxashic. Qalaxayi somayi aÿim 'enapega, 'eeta': –Sa ishit da nachi qonetec de'eda. Cha'ayi aÿim chochi aÿim lamaxashic ñi Dios. Nachi 'am shiita'am, qataq 'enauac nam 'adqaÿañicpi mayi ÿataqta quetelguete nam l'aqtaxanaxaco mayi 'eesoda so Jesús. Qaq ñim Dios mayi 'avi'oxoden. Cha'ayi de'eda l'aqtaxanaxac so Jesús, damayi nachida da i'añaqchit nam i'axatta'pe naua l'aqtaqa ñi Dios.

1 Pedro 1:22

Qaq nagui da chigoqchigui so Espíritu Santo da qami' qaualaqailec da n'aqtaxanaxac mayi ÿataqta 'eesa, nachi ÿataqta qauqui'itaxachiita da qanachaalataxaqui, da yaqto' ÿataqta qauauochiic na qadqaÿanquiipi. Qaq ÿoqo'oyi ñi 'oonolec da qoñiita ÿataqta imauec naq'en da lquiyaqteÿaxac qataq 'enauac da l'añaxac da ÿauotec ca lqaÿa.

Hebreos 1:1

Soua hua'a'u vi'iyi co'ollaq ñi Dios qalota da da'aqtaxanem som hua'au qadta'alpi, qalaq ÿotta'a't da 'eetec naq'en da i'aqtaxanaxan som l'aqtaxanaxanecpi.

Hebreos 3:12

Qami' ÿaqaÿa't, maxatchaxa qome da qoñiita da sa ishit da huo'o ca sa ÿaÿamaxañi da lquiyaqteÿaxac da nshitaique da ca'ai ñi Dios mayi nachi 'eetai' nca'altauec souaxat da sa ishit da i'amaqten ñimayi.

Hebreos 12:19

Qataq sa ishit da qau'aqaÿa na l-lamaxa ana nashiide qataq da lavilÿaxac ñi Dios co'ollaq detaqtague' somayipi. Cha'ayi ne'ena hua'aqchigui co'ollaxa de'eda nvilÿaxac, namayipi nachoxodeetac, da yaqto' sa ishit da qaÿi'iguelaxalec da qaitaxaÿapegue'.