Hebreos 12:24 - Nuevo Testamento Toba Sur

²⁴ cam hueta'a so Jesús mayi nachiso so qadtaxaÿaxanaxanec nagui da dalaxaic qanaÿamaxataxac da qanaÿamaxate' ñi Dios, qataq cam hueta'a soua ltago'q so Jesús mayi qaichigoxosoxonalo. Soomayi ÿataqta napacalec da 'eetec soua ltago'q so Abel da qomi' da'aqtaxanema.

Nuevo Testamento Toba Sombrero Negro

²⁴ Nataq'aen auec'achiya joñe'me Jesús, nach'eñe jo'ne joote yomat da'me dalaĝaic 'namaqatenataĝanaĝac, qama'le nach'e ena'am jaga'me letauo' jo'ne naliñi joca'li qaedi en qo'mi yoqovite' q'ae'n, jaga'me jo'ne nach'e ena'am da'me qo'mi 'yaĝatema da'me onaĝaic, jo'ne ja ena'am jaga'me letauo' ñe'me Abel.

La'aqtaqa Ñim Lo'onatac 'Enauacna 2013

²⁴ Qami' mashe qanquiquiiua'a So Jesús, qataq qantooñita'ac da chegoqchigui Somaye da Ñim Lo'onatac 'Enauacna naralaxat da naỹamaxataxac da naỹamaxatto qami'. Qana'achec da chegoqchiguilo soua ltago'q So Jesús maye huecolde'c co'ollaq qaỹalauat da qaỹapalaxa't naua qarasouaxashe'ete maye chegaqaiguilo da qaye'etaxaloxo. Qaq ỹoqo'oye So Jesús napacalec da la'amaqchec so Abel, cha'aye soua ltago'q so Abel saishet da ỹa'n ca nchoxonnataxanaxa, nachaqrata da iỹaxaatraique ca lvi'.

Hebreos 12:24 Referans Kwoze

Hebreos 9:15

Qaq ÿoqo'oyi so Jesucristo nachiso som qomi' detaqleguete nagui dam dalaxaic aÿamaxataxac. Qaq de'eda l-leuaxa so Cristo, damayi naigui da yaqto' qaÿapalaxat nam nasouaxashitpi mayi huaigui so hua'auchiguiñi aÿamaxataxac, qataq yaqto' nam iÿaxana ñimayi ishit da ÿaconguet ca ÿachaxanapec mayi chochaq tateec.

Hebreos 11:28

So Moisés nataq'en souaxat da lpi'iÿaxac, nachi damaxasoxoolec so nqui'axac mayi naigui da qanqateeguesop somayipi yi Egipto. Qataq damaxasoxoolec da qai'ame'n naua laso'mi na ntago'q, yaqto' so namaxashic piguem l'ec mayi laataxanaxaic sa ishit da huo'o ca ÿalauat nam l'auaxanec llalec nam llalaqpi so Israel.

Hebreos 11:4

So Abel souaxat co'ollaxa da lpi'iÿaxac, nachi ÿanot ñi Dios aso lachitaqtaxanaqte, qaq asomayi ÿataqta napacalec som lachitaqtaxanaxat so Caín. Qaq ÿoqo'oyi ñi Dios ÿataqta ÿaÿamaxadeeta somayi da no'on da lataxac, nachi ÿaconguet aso lachitaqtaxanaqte. Qaq 'eda da 'eetec so Abel, da nai'ctaxa da mashi ileu, qalaxayi da lpi'iÿaxac ñaq queta da qomi' da'aqtaxaatapeguema.

Hebreos 8:6

Qaq se'eso 'oonolec qadtaxaÿaxanaxanec, qalaq somayi da l'onataxanaxac da ntaxaÿaxanaxanec ÿataqta ÿacteec da 'onaxaic, qaq saq 'en'am so hua'auchiguiñi. Cha'ayi somayi nachiso so qomi' detaqleguete nagui de'eda dalaxaic aÿamaxataxac mayi ÿataqta 'onaxaic, dam chigoqchigui nam qaÿachaxanapecpi mayi ÿacteec da no'on.

1 Timoteo 2:5

Cha'ayi 'oonolec ñi Dios, nataq'en 'oonolec so shiÿaxaua mayi ishit da ÿi'iguelaxateguet da nmane' naq'en ñi Dios na shiÿaxauapi. Somayi l'enaxat Jesucristo.

Mateo 26:28

Cha'ayi na huetagui anamayi nachinaua na itago'q mayi ÿoqta 'itchiguiñi naq'en dam dalaxaic aÿamaxataxac. Nam itago'q taÿa'alo da qaicoldeec, da yaqto' ÿataqta qalota qome na qaÿapalaxat na lasouaxashitpi.

Mateo 23:35

Qaq ÿoqo'oyi qami' qome qami' qaipataxalguete da nalaataguec 'enauac som no'on da lataxac shiÿaxauapi mayi qaÿalauat co'ollaxa, chigoqchiguiña so Abel mayi no'on da lataxac, chochi ivitta'a qanqoÿin so Zacarías som llalec so Berequías mayi qaualauachi co'ollaq huaña yi netaña aso nca'atoxonaxalate mayi naloteuga so naponqa'.

Lucas 22:20

Qaq nachi i'enaxatteguet nataq'en aso ÿomaxaqui co'ollaq mashi ime da nqui'axac, nachi 'eeta': –Ana'ana ÿomaxaqui nachana ana naigui da dalaxaic aÿamaxataxac mayi ÿataqta 'itchiyiñi naq'en naua itago'q mayi qaicoldeec da qaitaunec da qoñiita.

1 Pedro 1:2

Qami', mayi nal'ena da qami' lca'agui'shi ñi qadta'a Dios co'ollaq saxanaqaca ana 'alhua, da ÿachigoxotchigui naq'en so n'Espíritu da qami' iÿotaugalo, da yaqto' qaualaqaiguet ñimayi, qataq yaqto' ÿataqta qami' qui'itto' naq'en naua ltago'q so Jesucristo. Aÿim ñishitaique da qauacoñiiguet da chochaq huañi nqouagaxanaqtaic qataq da nlagaxayic.

Hebreos 10:22

Qaq ÿoqo'oyi qomi' ishit da ñiquigaxau'a ñi Dios, qalaxayi ÿataqta huesote' ñaq'enaq naua qadquiyaqte, qataq ÿataqta 'eesa ñaq'enaq da qadpi'iÿaxac. Cha'ayi ñimayi mashi iqui'itaxatte' naua qadquiyaqte, yaqto' qomi' sa ishit da 'eeta'am da ñaq huo'o ca qadasouaxashit qataq mashi sogote da qaiÿota da qad'oquiaxac, qaÿauota'a na ndoteec 'etaxat.

Hebreos 9:21

So Moisés nataq'en ichigoxolec co'ollaxa aso n'onaxanaxaqui qataq nam qai'onataxaategapi naxa da qai'ot da atamnaxac.

Hebreos 13:20

Qaq ñim Dios mayi i'ot da nlagaxayic, ñim nca'alaxateeguesop da nleuaxa so qadataxala' Jesucristo, mayi nachiso so 'oonolec lataxala' ana qagueta, souaxat soua ltago'q mayi ÿoqta 'itchiguiñi naq'en dam qanaÿamaxataxac mayi chochaq tateec,

Hebreos 7:22

Qaq ÿoqo'oyi so Jesús nachiso so ÿataqta 'itchiguiñi da 'en naq'en cam aÿamaxataxac mayi ÿataqta ÿaÿamaqchiguiñi, saq 'en'am som hua'auchiguiñi.

Lucas 11:51

Qaq chigoqchiguiña naq'en co'ollaq qaÿalauat so Abel, chochi ivitta'a da nalaataguec so Zacarías mayi qaÿalauat co'ollaq huangui na laiñi aso n'onaxanaxaqui late'edai yim naña aso nca'atoxonaxalate. Qaq ÿoqo'oyi aÿim shinapec da ñi Dios ÿachilec da nalaataguec somayipi qome naq'en ne'ena shiÿaxauapi mayi huetaigui nagui.

Marcos 14:24

Nachi 'enapegalo' soomayi, 'eeta': –Ne'ena nachina na itago'q mayi ÿoqta 'itchiguiñi naq'en dam dalaxaic aÿamaxataxac. Ne'enaua itago'q, naamayi taÿa'alo da qaicoldeec, da yaqto' qalota na qanca'alaxateec.

Hebreos 8:8

Qalaxayi ñi Dios ila'a da se'eso shiÿaxauapi sa ishit da nalochiguiñi da lataxac, qaq tachigui da l'aqtac co'ollaq 'eetega somayipi nam l'aqtaqa mayi nanettrañi, 'eeta': Ñi qadataxala' 'eeta': Huo'o qome ca na'a'q, qaq aÿim ñadalaxat ca ñaÿamaxataxac da ñaÿamaxate' na llalaqpi so Israel qataq so Judá.

Gálatas 3:20

Qalaxayi sa ishit da qaiuen ca chochi ntaxaÿaxanaxanec da huo'o ca ÿachaxanapec ca 'oonolec shiÿaxaua. Qaq ñim Dios 'oonolec, qaica ca lÿa.

Hebreos 8:13

Qaq ñi Dios da huo'otaq detaqtega cam dalaxaic aÿamaxataxac, qaq ñimayi 'eeta'am naq'en da mashi lto so hua'auchiguiñi; qaq dam 'eeta'am da mashi lto qataq mashi sa qai'onataxana, damayi saqaÿaloq qome da imeuo.

Hebreos 9:19

Cha'ayi so Moisés co'ollaq i'axatema naua lqataxaco ñi Dios 'enauac so shiÿaxauapi. Qaq co'ollaq ime, nachi ÿacona so qagueta laue togaxadaic qataq ana lcoue ana huoue l'enaxat hisopo, nachi ÿilchiingui na ltago'q so huaca llalec qataq so quetaq llalec mayi qaÿalecneguet na 'etaxat. Ime, nachi ichigoxolguete soua lqataxaco ñi Dios qataq 'enauac na shiÿaxauapi.