Hebreos 12:18 - Nuevo Testamento Toba Sur

¹⁸ Qami' sa ishit da qoñiita'am so llalaqpi so Israel co'ollaq nqo'ona aso qasoxonaxa mayi ishit da qaipoteu'a, qataq 'ettaigui, qataq huaña da ÿataqta napanñi qataq so l'at lta'adaic.

Nuevo Testamento Toba Sombrero Negro

¹⁸ Da'me ami ja aueñiya'ama joga'me Israel lec'oqo'tepi jo'ne yec'adeta joca'li jo'me qajoĝonaĝa 'me qoyaqanatet da'me qoyepote'uo joca'li, nataq'aen da'me 'uo ga'me lauaq jo'ne edañgui, choqoda'me ua'ña ga'me yataqata 'naltapiye nataq'aen ga'me layat let'adaic.

La'aqtaqa Ñim Lo'onatac 'Enauacna 2013

¹⁸ Qami' saishet co'ollaxa da qanquiquiiua'a añi saqaỹoqotcheguemec 'alhua maye le'enaxat Sinaí, añim ishet da qaila'a qataq qaipoteua'a maye huetalec nataqa'en so norec maye 'ettaigui, qataq so napalaxa qataq so la'at lta'araic.

Hebreos 12:18 Referans Kwoze

2 Timoteo 1:7

Cha'ayi ñi Dios sa ishit da ÿan ca colanqaic da nshitaxat naq'en ca shiÿaxaua. Chaqcata ca i'ot ca n'añaxac naq'en, qataq ca lsoxoyic, qataq ishit da ntel-la't.

2 Corintios 3:9

Qaq nam nqataxacpi mayi ishit da i'ot cam qanhuaxanaguec, da ÿataqta huo'o da lli'oxoyic, qalaq ¡táloxochi sa ÿapacteectoxo' da lli'oxoyic da l'aqtac ñi Dios mayi i'axatema qomi' da mashi qaica ca qadasouaxashit!

Romanos 6:14

Cha'ayi de'eda ñi'itaxaloxo mashi sa ishit da qami' ÿamaqta'pe, cha'ayi qami' sa ishit da qoviito'ot da lamaxasoxonaxac na nqataxacpi, chaqdata dam lqouagaxanaqtaic ñi Dios.

Romanos 8:15

Cha'ayi som Espíritu mayi qami' qauacoñiiguet, somayi sa ishit da i'ot da qami' nlataqa naq'en, qataq sa ishit da ÿoltaq ÿauo'o ca qadcolanqai. Chaqdata da somayi qami' i'otegueta da qami' llalqa naq'en ñi Dios. Qataq se'eso Espíritu itaxaÿaxanaxanec naq'en ñi 'oonolec da shinaqta da 'eeta': “'Am ita'a Dios.”

2 Corintios 3:7

Ne'ena nqataxacpi mayi chigoqo'ot so Moisés, namayi qoÿittalecpi so coma', qataq ÿataqta lta'adaic co'ollaxa na l'edaxa. Qaq ÿoqo'oyi na Israel llalaqpi sa ishit da ÿamataigui na lashic so Moisés, cha'ayi na lashic somayi ÿataqta lta'adaic na l'edaxa. Qalaxayi se'eso n'edaxa nquictañi co'ollaxa, ivitta'a da 'om. Qalaxayi co'ollaq qananacot se'eso nqataxacpi mayi ishit da dalaataxan, qalaq qaica ca 'en'am da lli'oxoyic,