Hebreos 12:15 - Nuevo Testamento Toba Sur

¹⁵ Qataq maxatchaxa qome da qoñiita da sa ishit da huo'o ca ÿaxaneec da ltaunaxanaxac ñi Dios mayi ÿaatac, yaqto' sa ishit da huo'o ca 'oonolec da qoñiita da 'eeta'am aca huoue shinataxanaxai mayi ishit da n'aqchit ana laÿipi.

Nuevo Testamento Toba Sombrero Negro

¹⁵ Nach'e eta't da'me adechilela't qaedi qaya'te 'uo joga'me jetaque yeguem da'me loqopich'i joñe'me Dios, uotaĝa ta'le 'uo joga'me jetaque ami 'naĝa't, qa'a dojo' yelagaĝa'j jena'me qadayi qama'le ena'am jaga'me nana jo'ne 'uo ga'me pata' jo'ne chem, da'me t'aĝanataĝanac da'me yedo'n jogaa'me.

La'aqtaqa Ñim Lo'onatac 'Enauacna 2013

¹⁵ Saishet da qauashiñi da huo'o ca ca'ai da lauotaxanaqtaic Ñim Lo'onatac 'Enauacna. Nataqa'en saishet da qauashiñim da huo'o ca ỹo'ot ca sa ỹaỹamaxañi da qoñiita, cha'aye damaye qami' na'axa't; ¡'eeta'am aca huoue chemaxarai maye deshenataxan!

Hebreos 12:15 Referans Kwoze

Hebreos 3:12

Qami' ÿaqaÿa't, maxatchaxa qome da qoñiita da sa ishit da huo'o ca sa ÿaÿamaxañi da lquiyaqteÿaxac da nshitaique da ca'ai ñi Dios mayi nachi 'eetai' nca'altauec souaxat da sa ishit da i'amaqten ñimayi.

Gálatas 5:4

Qaq qami' mayi qaupi'itaxañiitega da qami' ÿaÿamaxadeete' ñi Dios souaxat da qau'ochiitac nam nqataxacpi, nachi qami' ÿataqta qoquiÿa'ai so Cristo qataq da lsoxoyic ñi Dios.

2 Corintios 6:1

Cha'ayi qomi' lta'u ñi Dios dam l'onataxanaxac, qaq ÿoqo'oyi qami' ñachoxodenaqtoiguilo da sa ishit qome da saqca ca naigui qanqashiñi da lqouagaxanaqtaic mayi qami' ÿachaxanalo ñimayi.

2 Juan 1:8

Qaq maxatchaxa qome da qoñiita, yaqto' sa ishit da daqat cam naigui da qad'onataxanaxaqui. Chaqdata da qauacoñiiguet cam ÿataqta nalochiguiñi qanshiitenaguiiqui.

1 Corintios 15:33

Sa ishit qome da qami' qaÿatenachi't. 'Eeta'am da 'enapec quenaxa da n'aqtac, 'eeta': “Ca qauemaic shiÿaxaua n'aqchit ca no'on n'onataxac ca lÿa.”

2 Pedro 3:14

Qaq ÿoqo'oyi qami' ÿaqaÿadolqa, nagui da ña qauachiita'aguet 'enauac de'eda, qaq no'on qome da qanpogoxoiñiÿapegue' da qaulaquiichiguiñi qom qami' nvitalo ñi Dios, qataq qami' qui'itte', qataq qaica ca qadasouaxashichi.

Hebreos 4:1

Qaq ÿoqo'oyi nagui da ñaq huo'o da qomi' qaÿachaxanapecoto da ishit da senoxonaxau'a ca nmataxac ñi Dios, nachi ÿataqta ñitelaqañi qome. Ten, qom huo'o ca 'oonolec da qoñiita da sa ishit da inoxoneuo.

1 Corintios 5:6

Qami' sa ÿaÿamaxañi da qañi'oxonñiitapigui da qau'ochiitac. ¿Sa qauaÿajñiÿo' naxa da n'aqtac mayi 'eeta': “Aca saq 'amaqtaq lalecte ana pan ishit da quichigui da ÿashiidaxachigui 'enauac ca ndaqnguishic 'ayiiña”?

Hebreos 4:11

Qaq ÿoqo'oyi qomi' ÿataqta ñi'añaxataq, da yaqto' ishit da senoxonaxau'a que'eca mataxac, ten, qom huo'otaq huo'o ca 'eeta'am da lliquiaxac som sa ishit co'ollaxa da da'amqajnataxan.

2 Corintios 13:5

Qaq maichi qanmichiila't qome, yaqto' ishit da qauaÿajñiita qom ÿoqta 'eesa da huo'o ca qadpi'iÿaxaqui. Qaq ña qañi'iguiñiila't qome. Qaq ¿sa qauaÿajñiÿo' da so Jesucristo qami' hueta'agueta, lamaaxa da sa ishit da chochi qauatenataxañiitac?

1 Corintios 10:12

Qaq ÿoqo'oyi da huo'o ca ipi'itaxaatega da sa ishit da huañi, qaq no'on da ntelañi, da yaqto' sa ishit da huañi.

Hebreos 6:11

Qalaxayi qomi' sauoqtaique da ñi 'oonolec da qoñiita quetot qome da n'añaxataxac, chochi ivitta'a ca loga't, yaqto' ÿataqta ipacchigui 'enauac cam qanaquichiitaique.

2 Pedro 2:18

Cha'ayi naua l'aqtaqa qalaq ÿataqta ÿajnaxanaxaiqa, qalaxayi qaica ca naiguilo. Qataq ÿachigoxotchigui na namanaxanaqtaiguesat qataq nam 'eetapeguec da n'oquiaxac da ÿashaxaneec nam ÿoqta 'eesa da ca'ai na huetaiguilo naua lsomaxaco.

Colosenses 3:5

Qaq ÿoqo'oyi qami' ÿataqta imeuo qanqashiñi 'enauac na qan'onataxaqui mayi huetalec ana 'alhua. Qaica qome ca huetapeeguet aca sa lhua, qataq sa ishit da qau'ochi cam ishit da deshipaxanaqtaxan, qataq sa ishit da qoquiitagueto naua qadqopitaxanaqtaicolli' qataq naua qauema qadhuennataxacolli'. Qataq sa ishit da qami' qopitaxanaqtaqaiqa, cha'ayi damayi 'eeta'am da qanatamnot ca nqolac.

Efesios 5:3

Qaq cha'ayi qami' lalamqa'te ñi Dios, qaq no'on da sa ishit qome da qami' chimaxanguilo da huo'o ca quishishaxac qataq 'enauac nam laÿipi mayi ishit da deshipaxanaqtaxan, huo'otaq da qaÿoqopita'a ca ÿaqa'a.

Gálatas 2:13

Huaña, nachi na laÿipi judiopi mayi 'amqajnataxanaxaicpi nachi qai'enaxat so Pedro dam lli'iÿaxa. Qaq ivida'a nataq'en so Bernabé ÿalectoigui somayi da lli'iÿaxa.

1 Corintios 13:8

Da nsoxoyic qaica ca loga't. Cha'ayi huo'o qome ca na'a'q da sa iuen da qai'axa't naua l'aqtaqa ñi Dios, huo'otaq da qaitaxaiguilo naua n'aqtaqa mayi sa qaÿauangalo, huo'otaq da nauattonaxanaxac.

2 Pedro 3:11

Qaq nagui da saÿajnaq da qanlaxajñi 'enauacna, qaq ¿táloxochiyictoxo' da sa qui'itta qanqashiñi da qanachaalataxaqui da qoquiitague' ñi Dios?

2 Pedro 1:10

Qaq ÿoqo'oyi qami' ÿaqaÿañicpi, cha'ayi mashi ime da qami' iÿaxanalo ñi Dios qataq qami' lca'agui'shi, qaq ÿataqta qanpogoxoiñiÿapegue' de'eda da ÿataqta qami' ñaxatoiguilo. Cha'ayi da nachi qoñiitec de'eda, nachi sa ishit qome da qoviÿañi.

Lucas 22:32

Qalaxayi aÿim 'am ñoqouagaxaueetapeguelec, da yaqto' sa ishit da saqca da 'adpi'iÿaxac. Qaq 'am qom ivita da aÿim 'añi'iguelqot, nachi 'autauan qome na 'adqaÿañicpi da yaqto' nachi 'eetai' da lpi'iÿaxac.

Tito 1:15

Ca shiÿaxaua, da qui'itta da lhuennataxa, qaq qui'itta naq'en 'enauac na chochina lataxaguesat. Qalaxayi na sa da'amqajnataxan, qataq saxanaxa da qui'itta da lhuennataxa, namayi qaica ca qui'itta naq'en. Cha'ayi da lhuennataxa qataq da lavilÿaxac ÿataqta nshipaxan.