Hebreos 12:14 - Nuevo Testamento Toba Sur

¹⁴ Qaq ÿataqta qanpogoxoiñiÿapegue' da qaulaquiitapegue' 'enauac na shiÿaxauapi, ÿataqta qui'itta qanqashiñi da qadataxaqui. Cha'ayi ca sa qui'itta naq'en da nachaalataxac, nachi sa ishit da nauane' ñi qadataxala'.

Nuevo Testamento Toba Sombrero Negro

¹⁴ Anepogoĝoiñetapegue' da'me nach'e eta't ami uetauelo da'me 'nemaĝac, ena'uaque da'me ami, nataq'aen da'me nach'e eta't da'me ami ja 'nalo'te, qa'a qom qaya da'me qat'oyaĝac jo'ne ja 'nalegue qama'le ja jaqanatetaq ta'le jauanaĝa joñe'me Jaliaĝanec.

La'aqtaqa Ñim Lo'onatac 'Enauacna 2013

¹⁴ No'on da ỹataqta qanpogoxoiñiỹapegue' da qaulaquiitapiguiñi, qataq qaualaqaiguet Ñim Lo'onatac 'Enauacna, cha'aye da saishet da nache qoñiitec de'era, nache saishet da ivira da ỹataqta qauloito'ot Ñimaye.

Hebreos 12:14 Referans Kwoze

2 Corintios 7:1

Qaq ÿoqo'oyi qami' ñauochaxa'u ÿaqaÿa't, 'eda da qomi' qaÿachaxanapecoto. Ÿoqo'oyi sa ishit qome da huo'o ca ishipaxanaqchit da qad'oquiaxac qataq dam saq cha'a qanachaalataxac 'enauac nam ishit da deshipaxanaqtaxan. Qataq ÿataqta ñipogoxoinaqpegue' qome da qomi' qui'itte', souaxat da souaqtaigui da shi'iÿaxa ñi Dios.

1 Ts 4:7

Cha'ayi ñi Dios qomi' iÿaxanalo da qui'itta naq'en da qanachaalataxac. Ÿoqo'oyi sa ishit da soqolaxague ca ishipaxanaqchit da qanachaalataxac.

1 Pedro 3:11

Qataq no'on da ÿaxanapec ca sa ÿaÿamaxañi. Nda'a't da i'ot ca ÿaÿamaqchiguiñi, qataq nmitaique ca nlagaxayic, qaq nachica quegue.

Romanos 12:18

Qaq souaxat da qanshiitaique da qaica ca da qanqashiñi 'enauac na shiÿaxauapi, qaq ÿoqo'oyi qan'añaxachi qome, ÿataqta cam tachiguiña ca qauañoxochi.

Romanos 14:19

Qaq ÿoqo'oyi qolaqtot qome da ñimitaqaique cam i'ot ca nlagaxayic, yaqto' ñi 'oonolec da shinaqta itaunec ca lÿa da da'añi naq'en da lpi'iÿaxac.

1 Ts 3:13

Qataq ñimayi qami' itauanque ca l'añaxac da qadhuennataxaqui, yaqto' ishit da qanaÿañiÿot da saqca ca qadasouaxashichi hueto'ot ñi qadta'a Dios que'eca na'a'q qom ñi'iguelaq so qadataxala' Jesús, da nactaigui 'enauac na lalamaxatpi.

Romanos 6:22

Qalaxayi nagui da mashi qansoiueguesop da l-lataxanaxac da ñi'itaxaloxo, nachi qami' qaunoxoñiu'a da qami' l-lataqa ñi Dios. Qaq 'eda mayi ÿataqta huo'o ca naigui. Qaq dam naigui nachida da achaalataxac qui'itta mayi qoÿanot ñi Dios qataq dam achaalataxac mayi qaica ca loga't.

3 Juan 1:11

'Am ñauochaxaua ÿaqaÿa, sa ishit qome da qoquegue ca qauem 'onataxac, chaqcata ca no'on. Cha'ayi cam i'ot ca ÿaÿamaqchiguiñi, camayi lalamaxat ñi Dios, qaq cam i'ot ca sa ÿaÿamaxañi, qachi sa ishit da ila'a ñi Dios.

Efesios 5:5

Cha'ayi qami' mashi qauaÿajñi da sa ishit da inoxoneu'a ca l'onataxanaxac so Cristo qataq ñi Dios da ilo'ogue 'enauacna ca shiÿaxaua mayi ncachitapegue' aca sa ishit da lhua, huo'otaq cam i'ottac ca deshipaxanaqtaxan, huo'otaq cam quetague' da nqopitega ca ÿaqa'a (mayi 'eeta'am da qanatameetacot ca nqolac).

Hebreos 12:10

'Eesa da soua yi'oqchiguilo qadta'al cada'acolec da qomi' ÿapaxaguenque co'olloxochiyi cam ipeta'a da ÿaÿamaqchiguiñi qadataxac. Qalaxayi saq 'en'am ñi Dios mayi qomi' ÿapaxaguenque da ÿoqta 'eesa da qomi' ÿaÿamaxajyiñi, cha'ayi nshitaique da qomi' qui'itte', shinaqta'am ñimayi.

1 Timoteo 6:11

Qalaxayi 'am, 'am lamaxashic ñi Dios, 'auataueguesop 'enauac ne'ena sa ÿaÿamaxañi. Ÿataqta 'anañanot ñi Dios. Qoquetelco' da achaalataxac qui'itta, qataq da npi'iÿaxac, nsoxoyic, nhualaxavic, qataq huosotta da 'adquiyaqteÿaxac.

1 Pedro 3:13

Qaq ÿoqo'oyi ¿negue'tom ca ishit da qami' i'oteque ca sa ÿaÿamaxañi, da huo'otaq nachi 'eetai' da qau'ochiitac ca ÿaÿamaqchiguiñi?

Marcos 9:50

Na toue, namayi ÿataqta no'on. Qalaxayi da huo'otaq daqat na lli'iuaxa, qaq ¿ishit peta'a camayi da qaltaq huo'o ca taiguet qanqoÿin? Qaq qami' qoñiita'amo' qome ca toue da 'ico' qami' nalecnaxanqa'te, qalaxayi ñi 'oonolec da qoñiita ÿataqta lactapegue' na laÿipi.

2 Pedro 3:11

Qaq nagui da saÿajnaq da qanlaxajñi 'enauacna, qaq ¿táloxochiyictoxo' da sa qui'itta qanqashiñi da qanachaalataxaqui da qoquiitague' ñi Dios?

1 Corintios 1:10

Qami' ÿaqaÿa't, qami' sedolguete da l'enaxat so qadataxala' Jesucristo da qami' saqatalo da ÿataqta 'oonolec da qadtaxaÿaxaqui. Sa ishit da qaucolaqaitagui. Chaqdata da qaica ca ÿaqpeuga, 'oonolec da qadhuennataqai qataq ca qoñiitapeguec.

Lucas 1:75

nataq'en da yaqto' qomi' ÿaÿamaxadeete' da ñañanqot ñimayi da qomi' qui'itte' 'enauaque naua na'axa'te da qanachaalataxac.

2 Timoteo 2:22

'Auataueguesopo' qome na lqopitaxanaqtaiguesat da nogotshic. Qoquetelco' da achaalataxac qui'itta, qataq da npi'iÿaxac, qataq da nsoxoyic. 'Anpogoxoinapegue' da qaica ca da 'enauac nam mashi qui'itte' naua lquiyaqte mayi iÿaxaatega da l'enaxat so qadataxala' Jesús da nqouagaxaunot.

1 Ts 5:15

Ÿataqta qanchilliÿa'a't, saqca ca ishiitena'aguet ca sa ÿaÿamaxañi da i'otec ca lÿa. Chaqdato' da qami' qanpogoxoiñiÿapegue' da qau'ochiic ca ÿaÿamaqchiguiñi ñi 'oonolec da qoñiita qataq 'enauac na laÿipi shiÿaxauapi.

2 Pedro 3:18

Qalaxayi nquictashiguem qanqashiñi qome da qadauattonaxanaxaqui so qadataxala' qataq qadca'alaxaqui Jesucristo, qataq da nauotaxanaqtaic mayi chigoqo'ot somayi. Qaq nachi 'eetai' qome da chochaq tateec da ñi'oxonnataguec somayi. Qaq nachi 'eetai' qome da chochaq tateec da ñi'oxonnataguec somayi. Aja', nachi 'eetec.

Filipenses 3:12

Qaq aÿim sa ishit da huo'otaq shiitega da mashi sevi' 'enauac nam sa'axattac, huo'otaq da mashi nalochiguiñi da ÿataxac. Qalaxayi aÿim ashicta, huo'o da ñaquitaxac da ña sevida'a da huo'o mshi aÿim ÿaconeu'a co'ollaxa so Cristo Jesús.

2 Corintios 6:17

Qaq ÿoqo'oyi nataq'en ñi qadataxala' 'eeta': Qoquiÿa'ai qome na sa da'amqajnataxanpi, qataq qauÿochiilec; qataq sa ishit qome da qaupochiu'a ca ishit da deshipaxanaqtaxan. Yaqto' aÿim ishit da qami' sacongueta,

1 Corintios 13:12

Qaq nachi 'en'am nagui qomi' da seloqtaigui na lataxaguesat, 'eeta'am da seloqtalec aca tannaxai da 'omalec. Qalaxayi qom ivita ca na'a'q, nachi huaña, qaq selaqa'a 'enauac namayipi ÿataqta ÿaateec. Nagui da ÿauattonaxanaxac saxanaxa da nalochiguiñi. Qalaxayi qom ivita ca na'a'q, nachi huaña, qaq nalogoñi da ÿauattonaxanaxac, 'eeta'am da 'eetec da ñi Dios aÿim ÿauattoota.

Gálatas 3:21

Qaq ¿damaxa peta'a 'eetega da na nqataxacpi mayi chigoqo'ot so Moisés 'ico' da npa'aguene' dam ÿachaxanapec co'olloxochiyi ñi Dios? 'A'i, sa ishit da nachi 'eetec de'eda. Cha'ayíctaxa da huo'otaq qoÿan ca nqataxac da ishit da deca'alaqtaxan, qanachi ishíttaxa da huo'o ca ÿaÿamaxadeeta ñi Dios souaxat da i'ot cam damaxasoxoolec na nqataxacpi.

Hebreos 9:28

qaq nachida da 'eetec nataq'en so Cristo da 'oonolec da qaÿi'iguelaxalec da qoÿaneuo da yaqto' nqat nam qalota nasouaxashitpi. Qaq da ime, nachi qaltaq ÿi'iguelaxalec da nachaxan, qalaxayi sa ishit da anaga da nqat na nasouaxashitpi, chaqdata da somayi anaga da nca'alaxateec nam iuattaique somayi.