Hebreos 11:5 - Nuevo Testamento Toba Sur

⁵ So Henoc nataq'en souaxat da lpi'iÿaxac, nachi qaÿaueegue da piguem, nachi somayi sa nauane' da ileu. Nachi sa ishit co'ollaxa da qaÿanata, cha'ayi ñi Dios ÿauec. Qaq naua ñiyigui'shi l'aqtaqa ñi Dios i'axa't da somayi co'ollaq saxanaxa da qaÿauec nachi nal'ena da mashi ÿaÿamaxadeeta somayi ñi Dios.

Nuevo Testamento Toba Sombrero Negro

⁵ Ñe'me Henoc yataqata p'iya'a ñe'me Dios, qama'le qoyauegue di'me piyem joca'li, qoyachi qaedi ja yeleu. Chane'eja ua'a da'me ja yitaĝa qoyauana joca'li, qa'a Dios joote yachi joñe'me. Qama'le 'uo da'me 'naqatac jo'ne qoyediñe 'me eetac joca'li cha'li maliaĝa ja qoyachi ñe'me Henoc qama'le joote yiyamaĝaden ñe'me Dios.

La'aqtaqa Ñim Lo'onatac 'Enauacna 2013

⁵ So Henoc nataqa'en huo'o da lpi'iỹaxac Ñim Lo'onatac 'Enauacna, ỹoqo'oye saishet da ivita da ileu cha'aye Ñimaye ỹauec somaye, ca'ai naqa'en ana 'alhua, nache saishet da qaltaq qanauane'. Qaq ana nere maye huetalec na la'aqtacpi Ñim Lo'onatac 'Enauacna 'eeta': co'ollaq saxanaxa da qaỹauec so Henoc, qalaq somaye ỹataqta laxaraic. Qaq 'era dam ỹataqta ỹaỹamaxareeta Ñim Lo'onatac 'Enauacna.

Hebreos 11:5 Referans Kwoze

Judas 1:14

Nataq'en so Henoc som huetoigui da siete nqochin na llalaqpi so Adán, somayi i'axata'a namayipi co'ollaq i'aqtaxanaxan ñi Dios, 'eeta': “Aÿim sauaateguet ñi qadataxala' nnaictague' som chalcata mil nam lalamaxatpi,

Hebreos 11:6

Qaq ÿoqo'oyi sa ishit da huo'o ca chochi ÿaÿamaxadeeta ñi Dios da huo'otaq qaica ca lpi'iÿaxac. Cha'ayi da qanquigueu'a ñimayi, qalaq ñi 'oonolec iuen da ÿataqta i'amaqten ñi Dios da ÿataqta 'eesa da huo'o, qataq i'amaqten da ñimayi ishit da ishiiten cam nmitaique ñimayi.

1 Juan 3:22

Qaq ñimayi ishit da qomi' ÿanema 'enauac cam seÿaxanqaique, cha'ayi ÿataqta salaxasoxoguet nam lamaxasoxonaxacpi, qataq so'otaq cam ÿaÿamaxadeeta ñimayi.

1 Ts 2:4

Chaqdata da ñi Dios qomi' ÿi'igue'n. Qaq co'olla qomi' ÿaÿamaxadeete' nachi qomi' ipataxalguete da sa'axataq da l'aqtac mayi chigaqaigui da nca'alaxa. Qa nachida da huo'o mshi sa'aqtaxanaqtac. Sa ishit da ñimitaqtaique da chochi qomi' ÿaÿamaxadeeta'pe naua qadquiyaqte.

Lucas 3:37

qaq so Lámec nachi lta'a so Matusalén, qaq so Matusalén nachi lta'a so Henoc, qaq so Henoc nachi lta'a so Jéred, qaq so Jéred nachi lta'a so Mahalaleel, qaq so Mahalaleel nachi lta'a so Cainán,

Lucas 2:26

qataq da'aqtaxanem da sa ishit da imeuo da nachaalataxac qome huo'otaq saxanaxa da ilogui ca nta'a mayi qadca'alaxaqui cam namaq ñi qadataxala'.

Hebreos 2:9

Qalaxayi qomi' ishit da seloqchigui so Jesús som cada'ac da nataÿaña naq'en ñi Dios na lamaxashic piguem l'ecpi. Qalaxayi souaxat da lauotaxanaqtaic da shinaqta ñi Dios, nachi ÿan somayi, da yaqto' ileualec 'enauac na shiÿaxauapi. Qaq nagui somayi qoÿanagui da lli'oxoyic qataq da l'amaqchic souaxat da nque'etaxangui da l-leuaxa.