Hebreos 11:37 - Nuevo Testamento Toba Sur

³⁷ Qataq huo'o na qaÿalauat, qaidota'a na coma'. Qataq huo'o na qaiquesoxogui na lasot, qataq huo'o na ÿataqta qaÿi'iguen, qataq huo'o na qaidota'a na ÿilonec da qaÿalauat, qataq huo'o na chochi tateu'alo, ÿaatrañi naua anogo chigaqaiguilo na l'oc ana qagueta qataq na quetaq, ÿataqta huo'o da lachoxoyic qataq da nque'ejnaxac, qataq qaica ca nyacnataguec.

Nuevo Testamento Toba Sombrero Negro

³⁷ Qama'le gaa'me jiyaĝa'u laqaya' yele'u da'me qoyajaĝaque gaa'me qadi, choqogaa'me qoyichaĝayelo naa'me lajoche, nataq'aen da'me yele'u da'me qoyejogueque ga'me nedaĝanaĝat liaĝa. Ja onolec ga'me tade'ga ch'e p'atedapiñgui. Gaa'me jiyaĝa'u laqaya' e'n nojomaĝaqui gaa'me 'naĝanaĝate loje', nataq'aen gaa'me quetaĝa loje', choĝodayaqolqa, lichiguilo naa'me lai'li, nataq'aen da'me ja no'en da'me qo'yeteque.

La'aqtaqa Ñim Lo'onatac 'Enauacna 2013

³⁷ Qataq huo'o na qaỹalauat, qaira'a na coma'. Qataq huo'o na qaichiigui na lasot, qairota'a na nchegaxanaxat, huo'otaq da qaỹalauat qalaq qairota'a na ỹeelonec. Qataq huo'o na chochaq tateua'alo da 'eettac, ỹaatrañi naua alogo maye lo'oc ana qagueta qataq na quetaq, cha'aye ỹataqta choxoraq qataq daquicotac cha'aye saishet da qaiyacnapec.

Hebreos 11:37 Referans Kwoze

Hechos 7:52

Cha'ayi ¿chaq négue'to' cam l'aqtaxanaxanec ñi Dios da huo'otaq sa iuaxan som hua'au qadta'aipi? Cha'ayi somayipi nachi ÿalauat co'ollaxa som hua'auchiguiñi da i'axatta'aguet da lvidaxac som shiÿaxaua mayi no'on da lataxac. Qaq somayi co'ollaq nvi', nachi qami' qauacoñiu'a, nachi qaualauachi.

Apocalipsis 11:3

Nachi aÿim qome sama'q caua dos ÿamaxa'shi, da yaqto' i'axa't naua i'aqtaqa, ÿataqta ividaxattreec caua mil doscientos sesenta na'axa'te. Qaq caamayi ÿaatrañi caua alogo lasouaxaqui'.

2 Corintios 12:10

Qaq ÿoqo'oyi samachiguiñi da huo'otaq qaica ca i'añaxac, huo'otaq da aÿim qaishiueetac, huo'otaq da huo'o da iuenaxanaxa, huo'otaq da aÿim qaicaatac, huo'otaq da souaigui ca lqalaic, sasoilec so Cristo. Cha'ayi da huo'otaq ÿapacteec da qaica ca i'añaxac, qalaq ÿacteec da aÿim 'añaxaic.

Hechos 14:19

Nachi huo'o so nvideuo judío l'ecpi, chigaqa'ague da Antioquía qataq da Iconio. Nachi somayipi ÿilen na shiÿaxauapi, da yaqto' qaÿasaq na coma' so Pablo. Qaq co'ollaq qaipi'itaxana da mashi ileu, nachi qaÿauogonnaueegue da laÿi so pueblo.

Lucas 13:34

¡Aicoue qami' mayi qoñiitaña yi Jerusalén mayi qaualauachi som l'aqtaxanaxanecpi ñi Dios, qataq qauasaqaitalec na coma' som lamaxashicpi mayi qami' namaxalo! ¡Ÿataqta da iyaxacnaxa da llaÿona't na 'ai'alaqpi, da shiita'am aca 'olgaxa da nqapaxaalec ca llalaqpiolec, qalaq qami' sa ishit da qanashiñi!

Mateo 21:35

Qalaxayi se'eso 'onataxanaxaicpi ÿaconeu'a se'eso namaxashicpi. Nachi huo'o na iuaxaatac, qataq huo'o na ÿalauat, qataq huo'o na ÿasaq na coma'.

Mateo 8:20

Nachi so Jesús 'enapeco': –Anam huaxaÿaxapi huo'o na lauacpi, qataq nam maÿopi huo'o na lpata'cpi. Qaq nam shiÿaxaua llalec, qalaxayi sa ishit da huo'o ca l'axasoqo'.

Mateo 3:4

Qaq naua alogo so Juan n'oxonqa, chigaqaiguilo na laue ana camello. Qaq so nsaataxaqui l'oc, qataq chictac ana shiiquioxoi qataq na dapic lli'i.

Hebreos 11:25

Chaqdata da somayi ipacapega da nque'ejnaxaua qanqoÿin som lalamaxatpi ñi Dios, qaq sa ishit da cada'ac da taigui da tonaxac souaxat da nqopitaxanaqtaic da ñi'itaxaloxo.

Hebreos 13:3

Qataq qauennachiÿa'a qome na ncoñitaguishicpi, 'eeta'am qanqashiñi da huo'otaq qancoñitaxauaipi namayipi, qataq nam sa ishit da qaÿauo'o ca nyacnataguec, cha'ayi qami' nataq'en qauaÿajñi da ishit da huo'o da nque'etaxanaxac da qad'oquiaxaqui.