Hebreos 11:36 - Nuevo Testamento Toba Sur

³⁶ Qataq huo'o na laÿipi ÿataqta nque'etaxangui da n'enaguec, qataq da nhuaxanaguec, qataq da qaicoñida't naua lhua'q, qataq da qoÿanaigui ana ncoñitaxanaxaquipi.

Nuevo Testamento Toba Sombrero Negro

³⁶ Gaa'me jiyaĝa'u laqaya' 'uo da'me qoyen lachoĝode'j da'me qoye'ue'tape, nataq'aen da'me qoye'uaĝa'n, chayovida'a da'me qoyecoñe't da'me qoyanetedaue jaga'me coñetaĝanaĝaiqui.

La'aqtaqa Ñim Lo'onatac 'Enauacna 2013

³⁶ Qalota so shiỹaxauapi ỹe'eetac somayepi, qataq sa iyacnapec qataq iviraxata'a da ỹanaigui ana ncoñetaxanaxaquipi.

Hebreos 11:36 Referans Kwoze

Hebreos 10:34

Qataq qami' ÿataqta huo'o da qadchoxonnataxanaxai nam qaicoñittai', qataq ivida'a da ÿataqta huo'o da qantonaxaqui da qan'añaxachiiguet da qaiuotaxanec na qadalamaxachiipi, cha'ayi qami' qauaÿajñiita da huo'o cam hueta'ague da piguem mayi ÿacteec da lyac qataq qaica ca loga't.

Mateo 23:34

Qaq ÿoqo'oyi aÿim ñamaq qome ca i'aqtaxanaxanecpi qataq ca ÿajnaxanaxaicpi qataq ca napaxaguenataxanaqpi. Qalaxayi qami' qome huo'o na qaualauachi qataq qauaxañiiguet ca npe'enaxaqui, qataq huo'o qome na qauaxañiitac da huaigui ana qalaponaxaquiipi, qataq huo'o na qaucañiÿa'alo naua lÿa't puebloyi.

Apocalipsis 2:10

Qaq sa ishit qome da 'ayi'iÿa cam 'anque'ejnaxac. Cha'ayi so shiÿaxaua lma'na huo'o qome ca ÿamaxaigui añi ncoñitaxanaxaqui da qoñiita, da yaqto' 'enauac da qoñiita qaÿauo'o ca qañi'iguenaguiiqui. Nachi ÿataqta huo'o ca qanque'ejnaxaqui, ivittreec caua diez na'axa'te. Qalaxayi qoquiitot da qadpi'iÿaxaqui, chochi ivitta'a da qami' qadellivi. Nachi aÿim qami' sanema da achaalataxac, 'eeta'am aca qanshiitenaqchi.

2 Timoteo 2:9

Qaq nachida da huo'o mshi huo'o da ñique'ejnaxac, chochi sovitta'a da aÿim qaicoñittai', shiita'am ca qalota na lasouaxashit. Qalaxayi da l'aqtac ñi Dios sa ishit da qaicoñittai'.

2 Timoteo 1:16

Qaq ñi Dios talec qome naq'en da lchoxonnataxanaxa na lauo' l'ecpi so Onesíforo, cha'ayi somayi saqalota da aÿim i'añaqchit, qataq sa ishit da ncoxolec da aÿim ncoñitaguishic.

Efesios 4:1

Qaq ÿoqo'oyi aÿim, mayi aÿim qaicoñittai' souaxat da sasoilec so Cristo, nagui qami' ñachoxodeetoiguilo da ÿataqta qoquiitegue qome da lataxac cam iÿaxana ñi Dios, da 'eeta'am nataq'en da qoñiita.

Hechos 24:27

Qaq ivi' soua dos vi'iyi da 'eeta'ac de'eda. Nachi so Félix co'ollaq ÿaxaneec da nta'a, nachi anac so Porcio Festo da qoÿanagui da l'onataxanaxac somayi. Qaq so Félix, cha'ayi huotaique da chochi qaica ca da naq'en na judiopi, nachi queto'ot da qaicoñittai' naq'en so Pablo.

Hechos 21:33

Nachi so huataxanaq lta'a nqochineuo, nachi ÿaconeu'a so Pablo, nachi damaxasoxoolec da qaicoñida'aque naua lhua'q soua lque'te. Qaq co'ollaq ime, nachi dechimaqtaxaatapeguelec somayi qataq chaq negue't cam i'ot.

Hechos 8:3

Qaq so Saulo nachi ÿataqta ÿoqopitaxanapec da icaatac na 'amqajnataxanaxaicpi, inoxotta'pe naua noiqa. Cam ilalec ÿale, huo'otaq 'alo, nachi ÿauogonnauec, nachi ÿauegueuo, da yaqto' qaicoñi'.

Hechos 5:40

Nachi 'enauac somayipi ÿaÿamaxadeeta da 'enapec se'eso Gamaliel. Nachi qaiÿaxaneugalo soua Jesús lamaxa'shi, nachi qaiuaxaata'pe qataq qoÿinapegalo da sa ishit da i'axattrac da l'enaxat so Jesús. Ime, nachi qaisodeec.

Hechos 5:18

Nachi ÿaconeu'alo soomayi da icoñi't, ÿaadaigui aca ncoñitaxanaxaqui late'edai.

Hechos 4:3

Nachi qaÿaue'c soomayi da qaicoñi't, nachi qoÿanaiguilo aso ncoñitaxanaxaqui. Nachi qaiuata'aguet so lÿa na'a'q, cha'ayi mashi avit.

Lucas 23:36

Qaq nataq'en som huataxanaqpi ÿataqta ÿi'iitac somayi, nachi qanquigueu'a da qaÿauotaique da qanÿomaxangui som lataxa mayi ÿataqta 'iuaxaic.

Lucas 23:11

Nachi so nta'a Herodes qataq so nallippi ÿataqta qaÿi'inai' so Jesús, nachi qalapaxalec so npo' ÿataqta qaica ca 'en'am da lyac, 'eeta'am qanqoÿin ca nta'a. Qaq co'ollaq ime, qaltaq qaÿi'iguelaxata so Pilato.

Lucas 18:32

Qaq namayi qome qoÿanoigui nam chigaqauec shiÿaxauapi, da yaqto' i'enai', ishiueetac, qataq nqaigoqot.

Marcos 10:34

Nachi namayipi qome ÿataqta aÿim i'en, qataq aÿim iuaxaatalec, qataq nqaigoqtaigui na ÿashic qataq aÿim ÿalauat. Qalaxayi qom mashi ivi' caua tres na'axa'te, nachi qaltaq aÿim qanca'alaxateec.

Mateo 27:26

Nachi so Pilato isouec so Barrabás. Ime, nachi damaxasoxoolec da qaiuaxan so Jesús, qataq ÿaneec da yaqto' qaiuaxanauo.

Mateo 21:35

Qalaxayi se'eso 'onataxanaxaicpi ÿaconeu'a se'eso namaxashicpi. Nachi huo'o na iuaxaatac, qataq huo'o na ÿalauat, qataq huo'o na ÿasaq na coma'.

Mateo 20:19

qataq da ÿaneu'a nam ÿaqa'a ca chigaqa'ague, da yaqto' ÿi'enai' namayi, qataq da iuaxaatac, ime, qaq iuaxaneuo. Qalaxayi qom mashi ivi' caua tres na'axa'te, nachi namayi qaltaq nca'aleec.

Efesios 3:1

Qaq aÿim Pablo, 'eda da huo'o mshi aÿim ñoqouagaxaueetac. Qaq aÿim qaicoñittai' souaxat da sasoilec so Cristo Jesús, qalaxayi damayi naigui da yaqto' qauaÿamqaiñi qami' mayi sa ishit da qami' judío lashi'.