Hebreos 11:35 - Nuevo Testamento Toba Sur

³⁵ Huo'o na 'alpi nataq'en ishit da qaltaq nauane' na lqatacpi da qaltaq qanca'alaxateec. Qataq huo'o na ileu souaxat da nque'ejnaxac, cha'ayi sa ÿaconguet da yaqto' qoÿaxaneec. Cha'ayi nshitaique da ivida'a qom qaltaq qanca'alaxateec na leuaxaicpi mayi qaica ca 'en'am qome ca achaalataxac.

Nuevo Testamento Toba Sombrero Negro

³⁵ Uo'oe gaa'me yauo' jo'ne yauanalo da'me yitaĝa nec'aledegue jogaa'me mach'e laqaya' jo'ne joote yele'u. Nataq'aen uo'oe gaa'me jiyaĝa'u laqaya' jo'ne yeletem da'me layaliaĝa'j, queda'me ja yacoteguet da'me ta'le qoyejodegue, qa'a yayate'n da'me yitaĝa nec'alidijeguem, qama'le yauata da'me nec'alaĝa jo'ne onaĝaic.

La'aqtaqa Ñim Lo'onatac 'Enauacna 2013

³⁵ Huo'o na 'alpi nataqa'en huo'o da lpi'iỹaxac Ñim Lo'onatac 'Enauacna, ỹoqo'oye Ñimaye ỹo'otec da na llalaqpi maye mashe saqca, ỹe'eguelaxalec da qaltaq nca'alec. Qataq huo'o na ỹataqta lta'araic da lpi'iỹaxac Ñim Lo'onatac 'Enauacna, nache saishet da ỹaỹamaxaren da qaisouec. Nachaqrata da hua'aqta'a da qaỹalauat, cha'aye ỹaỹaten da taỹa'a da qaltaq nca'alec, nache ivira ca achaalataxac maye ỹoqta ỹactec da 'onaxaic.

Hebreos 11:35 Referans Kwoze

Filipenses 3:11

Cha'ayi huo'o da ñaquitaxac da salectoigui qom qaltaq qanca'alaxateec 'enauac na leuaxaicpi.

Hechos 9:41

Nachi somayi ÿacona na lhuaq asomayi, nachi ÿanaxanaxaashiguem. Ime, nachi iÿaxaneuga so nqaÿañicpi qataq som pa'aipi, nachi ÿachaxan asomayi da qaltaq nca'aleec.

Hechos 24:15

Qataq nachi shin'am namayipi dam qanaquitaxac ñi Dios da na leuaxaicpi ishit da qaltaq nca'aleec naq'en, cam no'on da lataxac qataq cam qauem da lataxac.

1 Corintios 15:54

Qaq de'eda qadapachiyaxac mayi ishit da nlaguiñi, qom mashi qoÿanaxanaxaangui cam sa ishit da nlaguiñi, qataq de'eda qad'oquiaxac mayi ishit da ileu, qom mashi qoÿanaxanaxaangui cam sa ishit da ileu, nachi ipacchigui da 'ena'pe naua ñiyigui'shi l'aqtaqa ñi Dios, 'eeta': “Da nleuaxa mashi noxonec da qailaxachigui.

Hechos 23:6

Nachi so Pablo ila'a da huo'o na saduceopi se'eso nta'alpi mayi loicnatac na lataxaguesat, qataq huo'o na fariseopi. Nachi somayi ÿataqta n'axanneque naua l'aqtaqa, 'eeta': –Qami' ÿaqaÿañicpi, aÿim fariseo l'ec, nachi sachigaqaigui na fariseopi, qalaq nagui aÿim qanmichiitac, souaxat da huo'o da ñaquitaxac da qaltaq qanca'alaxateec na leuaxaicpi.

Hechos 22:29

Huaña, nachi som nshitaique da iuaxan somayi nachi nlagaxatapecpi. Ivida'a som nta'a co'ollaq mashi ÿaÿaten da somayi romano l'ec, nachi somayi ÿataqta huo'o da lcolanaxa souaxat da icoñittai' so Pablo.

Hechos 4:19

Nachi so Pedro qataq so Juan 'ena'po': –Maichiyi qami' qauennataxañi da huo'otaq ñi Dios ishit da ÿaÿamaxadeeta da qami' salaxasoxolguete, qalqo' salaxasoxoguet ñimayi.

Juan 5:29

nachi chigoqchiguinguilo naua huachiqui da ñishiguem. Nachi nam i'ottac ca ÿaÿamaqchiguiñi qaltaq nca'aleec, da yaqto' huo'o da lca'alaxa; qaq nam i'ottac ca sa ÿaÿamaxañi, qalaq nca'aleec, da yaqto' qaÿauo'o ca nhuaxanaguec.

Lucas 14:14

yaqto' ÿataqta 'auamachiguiñi. Cha'ayi namayipi sa ishit da 'am ishiitena'aguet. Qalaxayi 'am qome huo'o da 'anshiitenaguec qom ivita da qaltaq qanca'alaxateec nam no'on shiÿaxauapi.

Marcos 12:25

Cha'ayi qom ivita da qaltaq qanca'alaxateec na leuaxaicpi, nachi sa ishit da huo'o ca huadon qataq sa ishit da huo'o ca ÿadonaxanaxan aca llale, cha'ayi namayipi 'eeta'am da lataxac na namaxashicpi mayi hueta'ague da piguem.

Mateo 22:30

Cha'ayi qom ivita da qaltaq qanca'alaxateec na leuaxaicpi, nachi sa ishit da huo'o ca huadon, qataq qaica ca ÿadonaxanaxan aca llale, cha'ayi namayipi 'eeta'am na lamaxashicpi ñi Dios mayi neta'ague da piguem.

Lucas 20:36

Cha'ayi huaña, qaq sa ishit da huo'o ca ileu. Cha'ayi namayipi 'eeta'am nam piguem l'ec lamaxashicpi ñi Dios. Cha'ayi mashi qaltaq qanca'alaxateec, nachi namayipi ÿataqta llalaqpi ñi Dios.