Hebreos 11:3 - Nuevo Testamento Toba Sur

³ Qaq chigoqchigui da qadpi'iÿaxac da qomi' saÿajnaq da ñi Dios l'onata ana 'alhua, huota'ai naq'en naua l'aqtaqa. Qaq ÿoqo'oyi nam seloqtaigui nagui, namayi chigoqchigui cam saq cha'a co'ollaxa.

Nuevo Testamento Toba Sombrero Negro

³ Da'me yajouaĝat da'me 'uo da'me qadepe'e, male jayatenaq da'me eeta da'me qoye'et joca'li jena'me aleua. Qa'a ñe'me Dios ya'uo ga'me 'laqatac joca'li, qama'le yemta uo'oe gaa'me jo'ne qoyauanalo, da'me qoye'n chiyoqodayi joga'me ja qoyauana.

La'aqtaqa Ñim Lo'onatac 'Enauacna 2013

³ Qaq qomi' sa'amaqtenaq da Ñim Lo'onatac 'Enauacna da ỹo'ot 'enauacna chegoqchigui so 'oonolec la'aqtac. Qaq ỹoqo'oye nam seloqta'a nagui, namayepi chegoqchigui som saqcha'a co'ollaxa.

Hebreos 11:3 Referans Kwoze

2 Pedro 3:5

Cha'ayi namayipi sa ishit da taÿapigui lauel da soua hua'a'u vi'iyi nachi 'eetai' da huo'o na piguem, qataq ana 'alhua chigoqchigui da l'aqtac ñi Dios co'ollaq nyiishiguem naq'en da chigoqchigui naq'en na 'etaxat.

Juan 1:3

Qaq ñi Dios co'ollaq i'ottacna, nachi ÿachigoxotchigui somayi 'enauac nam i'otpi. Qaq 'enauac nam huo'o qaica ca saq chigoqchigui somayi.

Romanos 4:17

qaq damayi chigoqchigui ñi Dios ñim i'amaqten nataq'en somayi. Qaq ipacchigui dam 'enapec naua ñiyigui'shi l'aqtaqa ñi Dios, mayi 'eeta': “'Am sanagui da 'am lta'a na saqalota ÿotta'a't shiÿaxauapi.” Cha'ayi ñi Dios ishit da qaltaq nca'aleec naq'en nam leuaxaicpi, qataq ishit da yi'oq naq'en cam saq cha'a.

Hechos 17:24

Ñim Dios mayi l'onata ana 'alhua qataq 'enauac nam huetalec, ñimayi nachiñi ñi lalamaxat na piguem qataq ana 'alhua. Ñimayi sa ishit da netaigui ca atamnaxaqui mayi chochi l'onatac cam chochi shiÿaxaua.

Apocalipsis 4:11

'Am qadataxala' Dios, 'itchiguiñi da 'am qoÿanot da 'ayi'oxoyic, 'ad'amaqchic, qataq da 'ad'añaxac; cha'ayi 'am 'ad'onatac 'enauacna, maichi 'am chigoqchigui, qaq ÿoqo'oyi yi'oq 'enauac namayipi.

Hebreos 1:2

Qaq ne'enaua pa'atreec na'axa'te, qalaq ñimayi ÿachigoxotchigui so llalec da qomi' da'aqtaxanema. Ñi Dios ÿachigoxotchigui co'ollaxa se'eso llalec da i'ot 'enauacna, qataq nachiso so ipataxalec da ilo'ogue 'enauac namayipi.

Hechos 14:15

–¡Qami' ÿallippi! ¿Tá'ainco' yi nachi qoñiitec de'eda? Qomi' nachi qami' shinaqta'ama, chochi qomi' shiÿaxa'u. Qalaxayi nachida da huo'o mshi ñanaguenaq da qami' shinaqpegalo da qai'axañiiuec na chochina qaica ca naigui, nachi qoquiigue ñi Dios mayi nca'altauec, ñim l'onatac na piguem, 'alhua, auaxai qataq 'enauac na huetalecna.

1 Corintios 2:7

De'eda naÿajnec mayi sa'axataqtac, damayi naÿajnec saq cha'a mayi chigoqo'ot ñi Dios. Damayi nachida da maichi 'eetapeguec ñimayi co'ollaq saxanaqaca ana 'alhua da ÿauotaique qadca'alaxa chochaq tateec.

1 Timoteo 4:5

Cha'ayi naua l'aqtaqa ñi Dios da qouagaxaunaxac ishit naq'en da iqui'itaxatta na qanallic.

Hebreos 6:5

qataq da mashi ÿaÿateeta da l'aqtac ñi Dios, qataq dam n'añaxac mayi hueta'a cam 'alhua mayi ñaq naÿa'cna,