27 So Moisés nataq'en souaxat da lpi'iÿaxac, nachi somayi ca'ai yi 'alhua Egipto, sa ishit da ñi'itega da layiloxo so nta'a. Nachi somayi ÿataqta quetelec da lhuennataxac, 'eeta'am da ÿataqta iloto'ot ñi Dios mayi saq cha'a.
27 So Moisés huo'o da lpi'iỹaxac Ñim Lo'onatac 'Enauacna, ỹoqo'oye ca'ai ye 'alhua Egipto, saishet da ñe'etega so lta'a nam netaña yemaye. Qataq saishet da nañan, qataq somaye 'eeta'am da iloto'ot Ñim Lo'onatac 'Enauacna maye saqcha'a co'ollaq ỹo'ot de'era.
Qaq 'enauac se'eso shiÿaxauapi chochi ivitta'a da ileu da sa ishit da ÿaconguet cam ÿachaxanapecot co'ollaxa ñi Dios. Qalaxayi souaxat da huo'o da lpi'iÿaxac, nachi somayipi 'eeta'am da chochi ilota'a, qataq ÿataqta i'amaqten, qataq huo'o da lqopichi da tatapigui yi lauel. Qaq de'eda 'eetec somayipi 'eeta'am da i'axattac da sa ishit da ÿoqta lma' ana 'alhua.
Qaq ÿoqo'oyi sa ishit qome da seloqtagui ca yi'oqchigui. Chaqcata ca sa ishit da yi'oq. Cha'ayi cam yi'oqchigui, qalaq sa ishit da 'eetai', qaq cam saq cha'a, qalaxayi sa ishit da huo'o ca loga't.
Da huo'o da qadpi'iÿaxac, qaq nachida da ÿoqta 'eesa naq'en da saconaxaguet cam seuataqtaique, qataq nachida da ÿoqta 'itchiguiñi naq'en da yi'oq cam sa ishit da cha'a.
Cha'ayi qomi' saÿajnaqta da ÿataqta machiguiñi ca inoxonaqchitteec na nque'ejnaxaguesat. Qami' mashi qau'aqaitega da lhualaxavic so Job, qataq mashi qauaÿajñiita da 'eetec ñi Dios somayi co'ollaq ividaxateec da nque'ejnaxac. Cha'ayi ñimayi ÿataqta soxodaic qataq choxonnataxanaxaic.
Cha'ayi qami' ÿataqta qauauochiic so Jesucristo, nai'ctaxa da sa qauauañiigui; qataq da qau'amaqchiñi nagui, nai'ctaxa da saxanaxa da qauloÿo'ot, qataq ÿataqta huo'o da lli'oxoyic da lta'adaic qadamaxayiqui. Qaq damayi sa ishit da qaivi' da qai'axategue.
Qalaxayi qami' qauennachi qome da 'eetec soua hua'a'u vi'iyi co'ollaq qami' chita'ague da qami' qaicoÿadelguete. Huaña, nachi ÿataqta huo'o da qadhualaxaviqui da qan'añaxachiiguet da qanque'ejnaxaqui souaxat da qanloquiaxaqui.
Qataq 'enauac qome nam huetalec ana 'alhua ÿataqta qami' nquiÿalo, souaxat da aÿim qoquiitague'. Qalaxayi ca sa ishit da huo'o ca ÿoqocha'a, chochi ivitta'a ca loga't da nachaalataxac, nachica ca qanca'alaxateec.
Ñimayi mayi chochi tateec, qataq huetaigui na n'edaxa mayi sa ishit da qanhuogou'a. Qaica ca shiÿaxaua ishit da ila'a. Ñimayi mayi hueto'ot da lli'oxoyic qataq da l'añaxac chochi tateec. Aja', nachi 'eetec de'eda.
Cha'ayi so nta'a David nataq'en i'axata'a co'ollaxa so Jesús, 'eeta': Aÿim nachi 'eetai' da ñauaatapegue' ñi qadataxala'; ñimayi hueta'ague da aÿoic, da yaqto' qaica ca ishit da aÿim ÿayigot.
Qaq 'enauac qome na shiÿaxauapi ÿataqta qami' nquiÿalo, souaxat da aÿim qoquiitague'. Qalaxayi cam qaica ca ÿoqocha'a, chochi ivitta'a ca loga't da nachaalataxac, qaq nachica ca qanca'alaxateec.
Qalaxayi sa qaÿangui na lpa'a'q, nachi sa ishit da 'eetai'. Cha'ayi da ivita da anac da ñi'iguenataguec, huo'otaq da ncanaguec souaxat da n'aqtac, nachi camayi qoshiuec.