Hebreos 11:13 - Nuevo Testamento Toba Sur

¹³ Qaq 'enauac se'eso shiÿaxauapi chochi ivitta'a da ileu da sa ishit da ÿaconguet cam ÿachaxanapecot co'ollaxa ñi Dios. Qalaxayi souaxat da huo'o da lpi'iÿaxac, nachi somayipi 'eeta'am da chochi ilota'a, qataq ÿataqta i'amaqten, qataq huo'o da lqopichi da tatapigui yi lauel. Qaq de'eda 'eetec somayipi 'eeta'am da i'axattac da sa ishit da ÿoqta lma' ana 'alhua.

Nuevo Testamento Toba Sombrero Negro

¹³ Nach'ediaua dia'me jiyaĝa'u yataqata p'iida'a joñe'me Dios chayovida'a da'me yele'u, qalaĝaja ja yacoteguet gaa'me uo'oe jo'ne Dios te'me 'yaĝatema, dite da'me ena'am ta'le yauanalo da'me te'me qaya'alo. Qama'le yataqata made'tapolqa ca'li jodia'me, mate mane'e da'me nechoĝotela'ajalo da'me ena'am ta'le ja 'lachaqa't jena'me aleua joca'li.

La'aqtaqa Ñim Lo'onatac 'Enauacna 2013

¹³ 'Enauac se'eso shiỹaxauapi maye sa'axataqtac somayepi choche ivitta'a da ileu da saishet da ỹaconeguet cam chegoqo'ot Ñim Lo'onatac 'Enauacna maye ỹachaxanapeguem. Qalaxaye somayepi souaxat da huo'o da lpi'iỹaxac Ñim Lo'onatac 'Enauacna, nache ilota'a cam talec somayepi da ñaq qaỹoqta. Qalaxaye nache 'ena'am ỹataqta huo'o da ntonaxac, cha'aye somayepi ỹaỹaten da huetalec ana 'alhua qalaq 'eeta'am da ỹaqa'a ca chegaqa'ague da choche cara'ac da hueta'a anamaye.

Hebreos 11:13 Referans Kwoze

Hebreos 11:27

So Moisés nataq'en souaxat da lpi'iÿaxac, nachi somayi ca'ai yi 'alhua Egipto, sa ishit da ñi'itega da layiloxo so nta'a. Nachi somayi ÿataqta quetelec da lhuennataxac, 'eeta'am da ÿataqta iloto'ot ñi Dios mayi saq cha'a.

Juan 8:56

Som Abraham mayi qadta'ai, somayi co'ollaxa ÿataqta huo'o da ntonaxac da ilogui ca na'a'q mayi ÿaloxoqui. Qaq co'ollaq ilogui, nachi somayi ÿataqta nlaqchigui da ntonaxac.

Hebreos 11:39

Qaq 'enauac se'eso shiÿaxauapi, nai'ctaxa da ÿataqta ÿaÿamaxadeeta ñi Dios souaxat da lpi'iÿaxac, qalaxayi sa ishit da ÿaconguet cam ÿachaxanapec co'ollaxa ñimayi,

Efesios 2:19

Qaq ÿoqo'oyi qami' sa ishit da 'ico' ÿaqa'a ca qauachigoqÿa'ague da qoñiitalec ca 'alhua mayi sa qadalamaxachi. Cha'ayi ÿataqta qami' lmayi'shi 'enauac nam lalamaxatpi ñi Dios, qataq ÿataqta qami' lauo' lashi' na llalaqpi ñimayi.

Romanos 8:24

Cha'ayi nachida de'eda qanaquitaxac da qomi' nca'alaxatreec. Cha'ayi ca 'oonolec da huo'otaq ilota'a cam naquitta'a, nachi damayi sa ishit da aquitaxac. Cha'ayi cam mashi qailota'a, nachi sa ishit da iuen da qanaquitta'a.

1 Pedro 2:11

Qami' ÿaqaÿadolqa, qami' mayi qoñiita'am ñaqshin ca sa ishit da nqajlec ca lañoqo', qami' ñachoxodeetoiguilo da sa ishit qome da qauauo'oi ca ldaqa' ca 'eetapeguec da qadapachiyaxaqui mayi iloquiaxaatac da qanachaalataxaqui.

1 Pedro 1:17

Cha'ayi qami' da qauÿaxañiitega ñi Dios da ÿataqta qadta'ai, ñim sa ishit da lca'atagui na shiÿaxauapi da nmit ñi 'oonolec cam lasouaxashit, nachi ÿataqta qayi'iÿai qone' ñimayi 'enauaque naua na'axa'te nagui da ña qoviitalec ana 'alhua.

Romanos 4:21

cha'ayi ÿataqta ÿaÿateeta da ñimayi huo'o da l'añaxac da ishit da ipacchigui 'enauac cam ÿachaxanapec.

1 Juan 3:19

Qaq 'eda da 'eetec da qomi' saÿajnaq da ÿoqta qomi' 'eesoda qataq da sa ñi'aloxonaqtac da souaqto'ot ñi Dios.

Mateo 13:17

Qaq ÿataqta 'eesa de'eda qami' sa'axatema, da qalota co'ollaxa so l'aqtaxanaxanecpi ñi Dios qataq som no'on da lataxac shiÿaxauapi da nshitaique da ÿauaachigui de'eda mayi qami' qaumijñiitac, qalaxayi sa ishit da ila'a; qataq nshitaique da hua'axaÿa dam qau'aqaitega, qalaxayi namayipi sa ishit da hua'axaÿa.

Juan 12:41

Qaq so Isaías 'enapec co'ollaxa de'eda, cha'ayi souaxat da ÿauaachigui da lli'oxoyic so Jesús. Huaña, nachi i'axattac somayi.

2 Corintios 4:18

Qaq ÿoqo'oyi sa ishit qome da seloqtagui ca yi'oqchigui. Chaqcata ca sa ishit da yi'oq. Cha'ayi cam yi'oqchigui, qalaq sa ishit da 'eetai', qaq cam saq cha'a, qalaxayi sa ishit da huo'o ca loga't.

2 Corintios 5:6

Qaq ÿoqo'oyi nachi 'eetai' qome da huo'o da qadpe'e. Saÿajnaqta da huo'otaq ña ñachaataqtaigui de'eda qad'oquiaxac, qaq 'eeta'am da ña sepa'aqtaueguesop que'eca qadma'. Qaq sa ishit da souaqta'aguet so qadataxala'.

Hebreos 11:14

Cha'ayi nam 'eetec de'eda da ña nmittaique cam ÿoqta lalamaxat lma'.

Hebreos 11:17

So Abraham nataq'en souaxat da lpi'iÿaxac da co'ollaq ñi Dios ÿauo'o da ñi'iguenataguec, nachi somayi ÿauec so Isaac da ÿalauat, nachi ÿavigaxat da ÿanot ñi Dios. Somayi ÿataqta qaica ca ÿiga da ÿaneuo so 'oonolec llalec, nai'ctaxa da nachiso som ÿachaxanapecot co'ollaxa ñi Dios, 'eeta':

1 Pedro 1:1

Aÿim Pedro, aÿim lamaxashic so Jesucristo, shiyiñi ana ÿide da samaxa 'enauac nam nlagaxattacpi mayi sa ishit da nqajleguete naua lañoqo'te, nam neta'alo yiua 'ale'u Ponto, Galacia, Capadocia, Asia, qataq yi Bitinia.