Hebreos 10:8 - Nuevo Testamento Toba Sur

⁸ Qaq somayi hua'auchiguiñi da 'eetega ñi Dios da sa ishit da ÿaconguet qataq sa ÿaÿamaxaden na nachitaqtaxanaxatpi, qataq nam qoÿaatapegueuo shiguiÿacpi, qataq na qoÿaneuo mayi naigui da yaqto' qanqat na nasouaxashitpi, qaq nai'ctaxa da nachina nam damaxasoxoolecpi na nqataxacpi.

Nuevo Testamento Toba Sombrero Negro

⁸ Qama'le da'me dojo' 'laqatac joñe'me Cristo 'yaĝatetac ñe'me Dios da'me ja 'yamaqaten gaa'me najaqajel jo'ne qoyigouelo nale, uotaĝa gaa'me nachetaqataĝanaqatel uotaĝa gaa'me necataqa, qama'le ja yaconegueta, da'me qaedi yapalaĝa't gaa'me loeco jogaa'me jiyaĝa'u, mate mane'e nach'egaua gaa'me najaqajel jo'ne qodamaĝajoĝolo'te ta'le qoyauo'oe.

La'aqtaqa Ñim Lo'onatac 'Enauacna 2013

⁸ Qaq da hua'auchiguiñi 'eeta': Ñim Lo'onatac 'Enauacna saishet da ỹaỹamaxaren na nachetaqtaxanaxatpi, qataq nam qoỹaatapegueuo shiguiỹacpi da yaqto' qaỹavigaxat, qataq na qoỹaneuo maye naigui da yaqto' qaỹapalaxat na nasouaxashetpi, qaq na'aictaxa da nachena nam damaxasoxoolecpi na nqataxacpi.

Hebreos 10:8 Referans Kwoze

Hebreos 10:5

Qaq ÿoqo'oyi so Cristo, co'ollaq huotaique da anaÿa ana 'alhua, nachi 'eetega ñi Dios, 'eeta': 'Am sa 'auaconguet na nachitaqtaxanaxatpi, qataq na qoÿaatapegueuo shiguiÿacpi, chaqdata da 'am 'auqataxaatapigui cam i'oquiaxac.

Marcos 12:33

Qataq da ÿataqta qaÿauotec ñi qadataxala' Dios, imauec qanqoÿin da nquiyaqteÿaxac, qataq da nhuennataxa, qataq da achaalataxac, qataq 'enauac da n'añaxac, qataq qaÿauotec ca nÿa, 'eeta'am da 'eetec da maichi nauojla't ca shiÿaxaua. Nachi damayi ÿataqta napacalec 'enauac na nachitaqtaxanaxat mayi qoÿanot ñi Dios, qataq ana nachitaqtaxanaqte mayi qaÿachalec aca nca'atoxonaxalate da qaÿavigaxat.

Romanos 8:3

Cha'ayi ñi Dios i'ot co'ollaxa dam sa ishit da ÿañoxot da i'ot nam nqataxacpi mayi chigoqo'ot so Moisés. Cha'ayi na nqataxacpi qaica ca l'añaxac souaxat da lapachiyaxac na shiÿaxauapi. Nachi ñi Dios namaq so lalamaxat llalec da 'eeta'am naq'en ca shiÿaxaua, da yaqto' ishit da qaÿalauat da ishiiten da ñi'itaxaloxo. Qaq 'eda da 'eetec da huo'o mshi ñimayi namaq so llalec da 'eeta'am naq'en ca 'itaxaloxoic shiÿaxaua. Huaña, nachi ÿachigoxotchigui de'eda lapachiyaxac somayi da nlaxajñi da l'añaxac da ñi'itaxaloxo.