Hebreos 10:39 - Nuevo Testamento Toba Sur

³⁹ Qalaxayi qomi' sa ishit qome da nachiqomi' da shi'iguelaxasoq qataq da 'ico' qomi' qanlaxajyiñi. Chaqdato' da qomi' ÿataqta huo'o da qadpi'iÿaxac, yaqto' ishit da qaÿaÿamaxat da qanachaalataxac.

Nuevo Testamento Toba Sombrero Negro

³⁹ Da'me qo'mi qamqa'me ja ji'iyelaĝajoĝogue ga'me joote jachiyoĝojoĝoguet qama'le ja jajoqo'taguet ga'me ua'a da'me male qo'mi qoyala't, dite da'me 'uo da'me mach'e qadepe'e qama'le yataqata jovidaqa'a da'me nec'alaĝa.

La'aqtaqa Ñim Lo'onatac 'Enauacna 2013

³⁹ Sanqot da qana'achec Ñim Lo'onatac 'Enauacna, cha'aye qomi' saishet da shenaqta'am nam ỹaxanec Ñimaye, nache ivira'a da qaỹauo'o ca nhuaxanaguec. Nachaqrata da nacheqomi' maye saconaxaguet da nca'alaxa souaxat da huo'o da qarpi'iỹaxac Ñim Lo'onatac 'Enauacna.

Hebreos 10:39 Referans Kwoze

1 Juan 5:5

Qaq ÿoqo'oyi cam huo'o da lpi'iÿaxac so Jesús da nachiso so llalec ñi Dios, mayi nachicata ishit da loxonec na 'onataxacpi.

1 Pedro 1:5

Qataq souaxat da qami' huo'o da qadpi'iÿaxaqui ñi Dios, nachi ñimayi qami' npaxattalguete naq'en da l'añaxac, da yaqto' qaviyiÿa'aguet ca nca'alaxa mayi ÿaqataxaatapigui' ñimayi da qami' ÿauattonaxanaxanque caua pa'atreec na'axa'te.

Marcos 16:16

Qaq ca da'amqajnataxan, nachi qanachilaxan, qaq nachica qome ca qanca'alaxateec; qaq cam sa ishit da da'amqajnataxan, nachi camayi nachi 'eetai' qome da netagui da lasouaxashit.

1 Juan 5:16

Qaq da huo'otaq huo'o ca ÿauaachigui ca l'amqajnataxanaxaua da huo'o ca isoma'aguet lasouaxashit, da huo'otaq sa ishit da taÿa'a naq'en da nleuaxa, qaq no'on da nqouagaxaueelec camayi. Nachi ñi Dios ÿami' camayi da lca'alaxa, da huo'otaq que'eca lasouaxashit sa ishit da taÿa'a naq'en da nleuaxa. Cha'ayi huo'o ca nasouaxashit mayi taÿa'a naq'en da nleuaxa ca shiÿaxaua. Qaq sa ishit da shiitega da qanqouagaxaueelec que'eca nasouaxashit.

2 Pedro 3:7

Qaq nachida qome de'eda l'aqtac ñi Dios da chigoqchigui da na piguem qataq ana 'alhua mayi ñaq huo'oi nagui da naamayi taÿa'alo naq'en ca nodec. Que'eca nodec nachica ca davigaqtaxan qom ivita da qanmit 'enauacna, qom ivita da qailaxachigui 'enauac nam qauemaicpi.

Hebreos 11:1

Da huo'o da qadpi'iÿaxac, qaq nachida da ÿoqta 'eesa naq'en da saconaxaguet cam seuataqtaique, qataq nachida da ÿoqta 'itchiguiñi naq'en da yi'oq cam sa ishit da cha'a.

1 Ts 5:9

Cha'ayi ñi Dios sa ishit da qomi' lca'agui'shi da ÿauo'o ca qanhuaxanaguec ca pa'ateec na'a'q. Chaqdato' da saconaxaguet da nca'alaxa mayi chigoqo'ot so qadataxala' Jesucristo.

Juan 17:12

Co'ollaq soota'aguet namayipi ana 'alhua, qalaq aÿim so'ogoxona da 'ad'añaxac da ñitela'a qataq da ñipaxattalec nam aÿim 'ai'anempi. Qaq sa ishit da huo'o ca daqat namayipi, chaqsota som nal'ena da taÿa'a da daqat, yaqto' ÿataqta ipacchigui dam 'enapec naua nanettrañi n'aqtaqa.

Juan 6:40

Da 'eetapeguec ñim aÿim namaq, nshitaique da 'enauac nam ÿamato'ot na llalec ñi Dios qataq i'amaqten namayi, nachi huo'o da lca'alaxa chochaq tateec, qataq da ñica'alaxateec qom iviteuga ca pa'ateec na'a'q.

Lucas 11:26

Ime, nachi ÿi'iguelaqteec, nachi ÿi'iguena'alo soua lÿa't siete mayi napactelguete somayi, nachi 'enauaque soomayi taiguilo se'eso shiÿaxaua. Huaña, nachi se'eso shiÿaxaua ÿapacteec da aloic saq 'en'am so hua'auchiguiñi.

2 Ts 2:3

Qalaxayi sa ishit qome da huo'o ca qami' ÿatenachi't. Cha'ayi qom yaqta'a da ivita que'eca na'a'q, nachi hua'auñi da nachajñi ca shiÿaxauapi, ÿataqta npa'aguene' ñi Dios, nachi yi'oq que'eca shiÿaxaua 'itaxaloxoic cam taÿa'a da ÿataqta imeuo qanqoÿin.

Juan 20:31

Qalaxayi de'eda qoÿiyiñi, damayi qoÿiyiñi, yaqto' qami' ishit da qau'amaqchiñi da so Jesús nachiso som nta'a mayi qadca'alaxaqui, som llalec ñi Dios, qataq yaqto' qami' ishit da huo'o da qadca'alaqai da qau'amaqchiñi somayi.

Apocalipsis 17:11

Qaq se'eso shiguiÿac mayi nca'altauec co'ollaxa, qalaxayi mashi saqca somayi, nachiso som pa'ateec qominchiyi nam nta'alpi. Qalaxayi somayi nachiso som maichi 'oonolec nam siete nta'al. Qaq qom ime, nachi somayi ivita ca ÿataqta loga't.

Hebreos 10:26

Cha'ayi da nachi qadhuennataxa da soqolaqto'ot da so'otaq ca qadasouaxashit, da huo'otaq mashi sauattonaq dam 'eesa lataxac, nachi sa ishit qome da qaltaq huo'o ca qoÿan da qaÿalauat, da yaqto' qaÿapalaxat ca nasouaxashit.

1 Timoteo 6:9

Qalaxayi na nshitaique da sallaxanec, sa ishit da nalo'oguet ca ñi'iguenaguec, ivitta'a da 'ico' lpachigui na saqalota lqopitaxanaqtaicpi mayi qaica ca naigui. Namayipi ishit da n'aqchit ca shiÿaxaua, qataq 'ico' iyiiñi naq'en, qataq ividaxatta'a da nlaxajñi.

Juan 5:24

Qaq ÿataqta 'eesa de'eda qami' sa'axatema, da ca n'axaÿaxana de'eda sa'axattac, qataq i'amaqten ñim aÿim namaq, nachi camayi huo'o da lca'alaxa chochaq tateec. Nachi sa ishit da qaÿauo'o qome ca nhuaxanaguec, cha'ayi mashi sogote da ca'ai da nleuaxa da inoxoneu'a da nca'alaxa.

Apocalipsis 17:8

Yi'iyi shiguiÿac mayi 'auauaachigui, yimayi co'ollaxa nca'altauec, qalaxayi nagui mashi saqca. Qalaxayi yimayi qaltaq nnoxooshiguem qome da chigaqaña cam laponqa' na leuaxaicpi, qom mashi yaqta'a da ivita ca ÿoqta loga't. Huaña qome, nachi nam huetalec ana 'alhua nam sa ishit da qoÿittau'a acam lmalate nam qanca'alaxateecpi co'ollaq saxanaqaca ana 'alhua, nachi namayipi ÿataqta huo'o da l'aalaxa qom ÿauaachigui se'eso shiguiÿac mayi nca'altauec co'ollaxa, qalaxayi mashi saqca, qalaxayi qaltaq ÿi'iguelaxalec qome da nca'aleec.

Hebreos 10:38

Qalaxayi cam aÿim saÿamaxadeeta da nachica ca no'on da lataxac, camayi da lca'alaxa chigoqchigui da lpi'iÿaxac. Qalaxayi camayi da huo'otaq ÿi'iguelaq, qaq sa ishit da saÿamaxadeeta camayi.