Hebreos 10:38 - Nuevo Testamento Toba Sur

³⁸ Qalaxayi cam aÿim saÿamaxadeeta da nachica ca no'on da lataxac, camayi da lca'alaxa chigoqchigui da lpi'iÿaxac. Qalaxayi camayi da huo'otaq ÿi'iguelaq, qaq sa ishit da saÿamaxadeeta camayi.

Nuevo Testamento Toba Sombrero Negro

³⁸ Qama'le jogaa'me jo'ne chimadichiñe da'me 'loyaĝa'j, 'Uo qomle da'me lec'alaĝa'j jo'ne chiyaqayi da'me lepe'e'. Qalaĝaja jogaa'me jo'ne 'viyelaĝata jena'me lilata', Male ja jiyamaĝade'n jogaa'me.”

La'aqtaqa Ñim Lo'onatac 'Enauacna 2013

³⁸ Qaq nam saishet da Aỹem ỹaxanec, qataq Aỹem pi'iỹa'a, namayepi chochaq tatec da lca'alaxa. Qalaxaye da Aỹem ỹaxanec, nache saishet da saỹamaxaren namayepi.»

Hebreos 10:38 Referans Kwoze

Gálatas 3:11

Qaq ÿoqo'oyi ÿataqtegue da lataxac da sa ishit da chochi huo'o ca ÿaÿamaxadeeta ñi Dios da souaxat da i'ottac cam damaxasoxoolec na nqataxacpi. Cha'ayi naua ñiyigui'shi l'aqtaqa ñi Dios 'eeta': “Cam ÿaÿamaxadeeta ñi Dios, camayi da nachaalataxac ÿachigoxotchigui da lpi'iÿaxac.”

Romanos 1:17

Cha'ayi de'eda no'on qad'axaÿaxac, damayi ishit da qomi' ÿachaxaatalo da lataxac da ñi Dios ishit da qomi' ÿaÿamaxadeete'. Qaq damayi 'eeta': nachicata cam huo'o ca lpi'iÿaxac da da'amqajnataxan. Qaq 'eda da 'enapec naua ñiyigui'shi l'aqtaqa ñi Dios, da 'eeta': “Cam ÿaÿamaxadeeta ñi Dios, ca mayi da nachaalataxac ÿachigoxotchigui da lpi'iÿaxac.”

Mateo 13:21

Qalaxayi souaxat da qaica ca lpa'a'ÿaxac da n'aqtac, nachi sa ishit da 'eetai'. Cha'ayi da huo'o da ñi'iguenataguec, huo'otaq da ncanaguec souaxat da n'aqtac, nachi qoshiuec.

Mateo 12:18

Que'eca nachica ca maichi ilatac, camayi maichi llica'aguishic, qataq ÿataqta ÿauotaxat camayi, ÿataqta ñitootapeguec. Qaq camayi aÿim sananguit qome ñi ñi'Espíritu da yaqto' i'axatem nam ÿotta'a't shiÿaxauapi dam shiitapeguec da i'ot.

1 Ts 2:15

Ne'ena judiopi nachina na ÿalauat co'ollaxa so qadataxala' Jesús, 'eeta'am so hua'au lta'alpi co'ollaq maichi ÿalauat so lalamaxat mayi Dios l'aqtaxanaxanecpi. Qataq nachina na qomi' ÿamaqdauec co'olloxochiyi. Ñi Dios ÿataqta sa ÿaÿamaxaden namayipi. Qataq namayipi taÿa da sa ÿalemaxat 'enauac na shiÿaxauapi.

1 Juan 2:19

Namayipi qomi' ca'aisalo, qalaxayi ÿoqta 'eesa da namayipi sa ishit da ÿoqta qomi' lÿa't. Cha'ayíctaxa da ÿoqta maichi qomi' lÿa't, nachi sa ishíttaxa da qomi' ca'aisalo. Qalaxayi namayipi 'eetec de'eda, yaqto' yi'oqta da sa ishit da 'en'a't da ÿoqta qadaÿipi.

Hebreos 10:39

Qalaxayi qomi' sa ishit qome da nachiqomi' da shi'iguelaxasoq qataq da 'ico' qomi' qanlaxajyiñi. Chaqdato' da qomi' ÿataqta huo'o da qadpi'iÿaxac, yaqto' ishit da qaÿaÿamaxat da qanachaalataxac.

Santiago 5:6

Qami' qauasaqailec ca lasouaxashit ca shiÿaxaua mayi saqca ca ÿasouaxat, qataq qaualauachi. Qalaxayi namayipi sa ishit da nañilengueta qami'.