Hebreos 10:36 - Nuevo Testamento Toba Sur

³⁶ Qami' iuen da ÿataqta huo'o ca qadhualaxaviqui, da yaqto' qau'ochi cam 'eetapeguec ñi Dios, qataq da yaqto' qauacoñiiguet cam ÿachaxanapec ñimayi.

Nuevo Testamento Toba Sombrero Negro

³⁶ Qa'a maliaĝa auoviñetaque da'me a'nañaĝachiyeguet da'me adachoĝodequi, qaedi auomachi da'me auauoyi da'me laqataĝac joñe'me Dios, qama'le auacoñiyeguet qomle da'me jo'ne joote ami qo'yaĝatema.

La'aqtaqa Ñim Lo'onatac 'Enauacna 2013

³⁶ Ỹataqta qami' 'añaxaiqa qome saishet da huo'o ca chegoqchigui qanqa'eñi da qaỹa'axañiiuec da qarpi'iỹaxaqui da qoviitaigui da qanque'eenaxaqui, yaqto' qaupaquiitelec da qauo'oche dam 'eetapeguec Ñim Lo'onatac 'Enauacna qataq qauacoñiiguet dam qami' ỹachaxanapecoto Ñimaye.

Hebreos 10:36 Referans Kwoze

Hebreos 12:1

Qaq ÿoqo'oyi qomi', cha'ayi ÿataqta qalota na qomi' datatau'alo shiÿaxauapi mayi ÿataqta ÿachaxaata da lpi'iÿaxac, nachi no'on da ñi'onaxataqchigui 'enauac nam qomi' sa'apiaqtapigui qataq nam ñi'itaxaloxo mayi qomi' nqanaxatta'pe. Nachi ÿataqta sauoqo'o da qadhualaxavic da ñaqalgoxosoq dam aloxoyaxac dam saqta'ague.

1 Corintios 13:7

Qataq n'añaxateguet 'enauac na chochina, cha'ayi huo'o da lpi'iÿaxac, naquitaxac, lhualaxavic.

Lucas 21:19

Qaq cam sa ishit da huo'o ca ÿoqocha'a, qaq nachica ca nauec cam nca'alaxa mayi chochaq tateec.

Hebreos 6:15

Nachi so Abraham ÿataqta qaÿoqtegue da lhualaxavic da iuattaique de'eda, nachi somayi ivida'a da ÿaconguet dam ÿachaxanapecot co'ollaxa ñi Dios.

Romanos 2:7

Nachi ñimayi ÿanem cam achaalataxac chochaq tateec cam quetot da i'ottac cam ÿaÿamaqchiguiñi qataq nmittaique da ñi Dios ÿanem ca lli'oxoyic, ñi'oxonnataguec, qataq cam achaalataxac mayi qaica ca loga't.

Apocalipsis 14:12

Qaq ÿoqo'oyi iuen da ÿataqta ÿauo'o da lhualaxavic nam lalamaxatpi ñi Dios mayi ÿalaxalguete naua lqataxaco ñimayi qataq quetague' so Jesús.

1 Juan 2:17

Qalaxayi ana 'alhua taÿa'a da imeuo, qataq lÿauegue' 'enauac nam qauem nhuennataxacpi mayi huetalec anamayi. Qalaxayi cam i'ot cam 'eetapeguec ñi Dios, nachi camayi nachi 'eetai' da nachaalataxac.

Gálatas 6:9

Qaq ÿoqo'oyi sa ishit qome da ñasamaxañi da so'otaq ca ÿaÿamaqchiguiñi. Cha'ayi qom huo'otaq sa ñasamaxañi, nachi qom ivita ca naloqnec, nachi ñaqataq cam naigui ca so'otaqtac.

Mateo 10:22

Qataq 'enauac qome nam huetalec ana 'alhua ÿataqta qami' nquiÿalo, souaxat da aÿim qoquiitague'. Qalaxayi ca sa ishit da huo'o ca ÿoqocha'a, chochi ivitta'a ca loga't da nachaalataxac, nachica ca qanca'alaxateec.

Colosenses 1:11

Qataq seÿaxanaqtacot ñimayi, da yaqto' ÿachigoxotchigui da l'añaxac mayi qaica ca 'en'am da lli'oxoyic da qami' 'añaxaiqa naq'en, da yaqto' huo'o da qanhualaxaunaxaqui qataq da qantonaxaqui da qanaloÿa'aguet 'enauac na chochaqna,

Romanos 8:25

Cha'ayi cam ñaquitaqtaique, da huo'otaq saxanaxa da yi'oq, nachi ishit da ÿataqta huo'o da qadhualaxavic da seuataqta'a.

Hebreos 9:15

Qaq ÿoqo'oyi so Jesucristo nachiso som qomi' detaqleguete nagui dam dalaxaic aÿamaxataxac. Qaq de'eda l-leuaxa so Cristo, damayi naigui da yaqto' qaÿapalaxat nam nasouaxashitpi mayi huaigui so hua'auchiguiñi aÿamaxataxac, qataq yaqto' nam iÿaxana ñimayi ishit da ÿaconguet ca ÿachaxanapec mayi chochaq tateec.

Colosenses 3:24

Cha'ayi qami' mashi qauaÿajñi da ñi'iñi qadataxala' qami' ÿanema qome cam ÿaÿamaxattac da ÿauotaique da ÿami' na lalamaxatpi. Cha'ayi qami' qau'onataxañiitacot so Cristo mayi nachiso so ÿoqta qadataxala'ai.

Hebreos 13:21

ñimayi ÿataqta qami' naloqchiichiyiñi qome qataq n'onaxat 'enauac da qadataxaqui, yaqto' ishit da qau'ochi cam 'eetapeguec; qataq yaqto' ñimayi ishit da maichi ÿoiqueetac cam qomi' i'oteque, ÿachigoxotchigui naq'en so Jesucristo. ¡So Cristo ÿataqta nachi 'eetai' qome da ñi'oxonnataguec! Aja', nachi 'eetec.

Hebreos 6:12

Qataq sa saÿamaxadenaq da qami' qavi'iguelaqÿa da qaica ca qadasapachaqai, chaqdato' da qami' qau'enaxachi da lataxac nam chigoqchigui da lpi'iÿaxac qataq dam lhualaxavic, nachi ÿaconguet dam ÿachaxanapec ñi Dios.

Efesios 6:6

Da qau'onataxañiitac, qalaq sa ishit da chaqdata da qami' ilotaguilo namayipi da chochi qauauoitaique da qami' ÿaÿamaxadeete'. Chaqdata da 'eeta'am da qami' l-lataqa so Cristo da ÿataqta imauec da qadquiyaqteÿaxaqui da qau'ochi 'enauac na 'eetapeguecpi ñi Dios.

Romanos 12:2

Qaq sa ishit qome da qoquiitegue da llic na 'onataxacpi mayi lma' ana 'alhua. Chaqdata da qanadalaxachi qome naua qadhuennataxacolli', yaqto' ishit da qanadalaxat 'enauac da qanachaalataxaqui, qataq yaqto' ishit da ÿataqta qauaÿajñiita ca 'eetapeguec ñi Dios: cam ÿaÿamaqchiguiñi qataq cam ÿaÿamaxadeeta ñimayi qataq cam nalochiguiñi.

Mateo 24:13

Qalaxayi ca qaica ca ÿoqocha'a, chochi ividaxatta'a ca loga't da nachaalataxac, qaq nachica ca qanca'alaxateec.

Apocalipsis 13:10

Ca ÿauec ca lÿa da icoñi', qaq camayi nataq'en qaicoñi'. Qataq cam huota'a ca lainec da dalaataxan, qaq camayi nataq'en qaÿauota'a ÿiilonec da qaÿalauat. Qaq ÿoqo'oyi nam lalamaxatpi ñi Dios iuen da ÿauo'o da lhualaxavic qataq da lpi'iÿaxac.

1 Pedro 1:9

Cha'ayi qami' mashi qauacoñiiguet da lca'alaxa da qanachaalataxaqui, cha'ayi nachida da ÿataqta 'eetapeguec da qadpi'iÿaxaqui.

Hebreos 6:17

Qaq ÿoqo'oyi ñi Dios ÿan da l'aqtac da ÿataqta ipacchigui cam ÿachaxanapec, cha'ayi ñimayi nshitaique da ÿaÿajnaxanaxaata nam taÿa'a qominchiyi da ÿaconguet dam ÿachaxanapec, da ñimayi ishit da ÿataqta ipacchigui da i'ot cam ÿachaxanapec, qaq sa nadalaxat ca l'aqtac.

Colosenses 4:12

Nataq'en qami' ÿamaxalo da lquinaxanaxac ñi Epafras. Ñimayi nataq'en lamaxashic so Jesucristo, qaq ñimayi maichi qami' chigoqtoiguilo co'ollaxa. Qaq ñimayi nachi 'eetai' naxa da qami' nqouagaxaueetalguete, da yaqto' qaica ca da da qadhuennataxaqui, qataq da yaqto' ÿataqta qanañañiÿot da qau'ochi ca 'eetapeguec ñi Dios.

Hechos 13:22

Qaq co'ollaq ime, nachi ñi Dios nqat somayi da yaqto' sa nta'a, nachi ÿanem namayipi da lta'a naq'en so David. Cha'ayi ñimayi 'enapeco': “Nagui sanata ñi David ñim Isaí llalec, ñimayi ÿataqta saÿamaxadeeta, cha'ayi ÿataqta i'ot qome 'enauac nam shiitapeguecpi.”

Juan 7:17

Da huo'o ca qaica ca i'apigui da i'ot cam 'eetapeguec ñi Dios, nachi camayi ishit da ÿaÿateeta da naua ÿapaxaguenataxanaxaco ÿataqta chigoqtoto ñi Dios, huo'otaq da chochi maichi aÿim chigoqtoto.

Lucas 8:15

Qaq asom nanguishi mayi tajlec som no'on 'alhua, qalaq naigui ca shiÿaxaua mayi no'on da lquiyaqteÿaxac, qataq lhuotta da n'axaÿaxan, qataq ÿalaxaguet da n'aqtac, qataq quetelec. Sa ishit da qoshiuec, qataq ÿataqta huo'o da alaÿaxac.

Mateo 21:31

Qaq ¿chaq négue't se'esoua dos ñalqa cam i'ot da 'eetapeguec so lta'a? Nachi somayipi 'enapeco': –Qomyi som hua'auchiguiñi. Nachi so Jesús 'enapeco': –Ÿoqta 'eesa de'eda qami' sa'axatema da nam ÿacootapeeguet ana nshiitenaqte ca nta'a qataq anam quishiguetaxaipi, namayipi l'auaxanec da inoxoneu'a da l'onataxanaxac ñi Dios da ilo'ogue 'enauacna.

Mateo 12:50

Cha'ayi camachaqcague't shiÿaxaua, da huo'otaq i'ot cam 'eetapeguec ñi ita'a mayi neta'ague da piguem, qaq nachica cam ÿaqaÿa, qataq aca ÿaqaÿa, qataq aca ÿate'e.

Mateo 7:21

Na shiÿaxauapi mayi aÿim iÿaxaatega, 'eeta': “'Am qadataxala',” namayipi sa ishit da 'enauac da inoxoneu'a cam ñaq natai' l'onataxanaxac ñi Dios mayi neta'ague da piguem. Nachaqcata cam i'ot ca 'eetapeguec ñi ita'a.

1 Ts 1:3

Qaq ñim qadta'a Dios mayi souaqto'ot, ñimayi mayi ÿaÿateeta da qadhuennataxa da tachigui qadhuel da l'onataxanaxac da qadpi'iÿaxaqui, qataq da qadsoxoyiqui da qoviitague' na qadqaÿañicpii, qataq da qoquiito'ot qanaquitaxaqui ñi qadataxala' Jesucristo.

Hechos 13:36

Qaq 'eesa da so David ÿataqta huapegue' co'ollaxa so lauo' da i'o't naua ÿamaxalguete ñi Dios. Qalaxayi co'ollaq ime, nachi somayi ileu, nachi qailadoigui som hua'au lta'alpi, nachi da l'oquiaxac nlaguiñi.

Marcos 3:35

Cha'ayi ca i'ot ca 'eetapeguec ñi Dios, qaq nachica ca 'eeta'am ca ÿaqaÿa, qataq aca ÿate'e.

Romanos 12:12

Qataq ÿataqta qauamaichiguiñi souaxat dam qanaquitaxaqui. Qataq ÿataqta qauauo'oi da qanhualaxaunaxaqui da huo'o ca qanque'ejnaxaqui. Qataq sa ishit da qai'axañiiñi da qanatamnaxaqui.

Hebreos 11:39

Qaq 'enauac se'eso shiÿaxauapi, nai'ctaxa da ÿataqta ÿaÿamaxadeeta ñi Dios souaxat da lpi'iÿaxac, qalaxayi sa ishit da ÿaconguet cam ÿachaxanapec co'ollaxa ñimayi,