Hebreos 10:32 - Nuevo Testamento Toba Sur

³² Qalaxayi qami' qauennachi qome da 'eetec soua hua'a'u vi'iyi co'ollaq qami' chita'ague da qami' qaicoÿadelguete. Huaña, nachi ÿataqta huo'o da qadhualaxaviqui da qan'añaxachiiguet da qanque'ejnaxaqui souaxat da qanloquiaxaqui.

Nuevo Testamento Toba Sombrero Negro

³² Qalaĝaja da'me ami auenache'talo jaa'me noloqo'ote jo'ne yenoĝodegue joca'li da'me yemta auacoñiyeguet da'me yoqochiñe. Ua'a ca'li yataqata 'uo da'me adeloiquiaĝaqui let'adaic, qalaĝaja ja aĝañiñi da'me adepi'i, dite da'me 'uo da'me at'añaĝaqui da'me anapogaĝadeñiyeguet da'me adachoĝodequi.

La'aqtaqa Ñim Lo'onatac 'Enauacna 2013

³² Qauennachiỹa'a 'enauac na lqalaicpi qataq na qanque'eenaxaqui maye qami' taleguete co'ollaq cheta'ague da qauacoñiiguet da no'on na'axaỹaxac. Qaq na'aictoxo' co'ollaxa de'era, qalaq saishet da qaỹa'axañiiuec da qarpi'iỹaxaqui.

Hebreos 10:32 Referans Kwoze

Hebreos 6:4

Cha'ayi nam mashi sogote co'ollaxa da qaicoÿadelec da lauattonaxanaxac, qataq mashi sogote da ÿaÿateeta cam ÿan ñi Dios, qataq sogote da tanguit so Espíritu Santo,

Hebreos 12:4

Cha'ayi da qoñiita saxanaxa da huo'o ca ivita da qaÿalauat, souaxat da datata'aguet da ñi'itaxaloxo.

2 Juan 1:8

Qaq maxatchaxa qome da qoñiita, yaqto' sa ishit da daqat cam naigui da qad'onataxanaxaqui. Chaqdata da qauacoñiiguet cam ÿataqta nalochiguiñi qanshiitenaguiiqui.

Filipenses 3:16

Qaq de'eda shinapec no'on da nachida qome qadhuennataxa, qataq ÿataqta nateeteguet da qadataxac dam mashi sogote da sevidaq.

Apocalipsis 3:3

Qaq 'auennate qome da napaxaguenataxanaxac mayi 'auaconguet co'ollaxa. Qaq nachida qoquegue, qataq qoca'aisalo naua 'an'onataxaco. Qaq da sa ishit da 'auatom, nachi 'am ñoqo'ona qome, qalaxayi se'enaxatteguem ca cachaxaic mayi sa ishit da qaÿaÿaten ca laloqo' da nvi'.

Colosenses 2:1

Qaq aÿim ñishitaique da qami' qauaÿajñiita da ÿataqta lta'adaic da ñiloquiaxac souaxat da qoñiita, qataq nam netaña yi la ciudad Laodicea, qataq 'enauac nam saxanaxa da aÿim ÿauatton.

Apocalipsis 2:5

Qaq ÿoqo'oyi 'auennate qome cam huaña da 'am 'auanajñi. Ime, qaq 'anadalaxat ca 'adataxac, nachi 'au'ot som hua'auchiguiñi co'ollaxa da 'au'ottac. Ten, qom saqaÿaloq da 'am ñoqo'ona, nachi seuotaxanec añi 'adcoÿadaxanaxaqui. Qalaxayi qom 'anadalaxat da 'adataxac, qaq sa ishit da seuotaxanec.

2 Corintios 4:6

Cha'ayi ñim Dios mayi maichi namaq asom lcoÿadaxanaqte, da yaqto' icoÿadelec nam napalaxa, qaq nachiñi ñimayi icoÿadoiguilo naua qadquiyaqte, chigoqchigui naq'en asa'aso lcoÿadaxanaqte, da yaqto' ishit da sauattonaq da lli'oxoyic ñimayi mayi 'edoigui naq'en da lashiguiaxac so Jesucristo.

Hechos 26:18

Aÿim 'am samaxa namayipi, da yaqto' ishit da nauaañi 'anqa'en, yaqto' sa ishit da 'ico' quetaigui na napalaxa, chaqdata da quetaigui na yi'oqchiguiñi; qataq yaqto' namayipi sa ishit da hueto'ot da l'añaxac so Satanás, chaqdata da quegue ñi Dios; qataq yaqto' aÿim i'amaqten, nachi ishit da qaÿapalaxat na lasouaxashitpi, qataq yaqto' qaÿalecneu'a da qoÿanem qome cam ÿachaxanapec ñi Dios da ÿami' nam lalamaxatpi ñimayi.”

Romanos 12:12

Qataq ÿataqta qauamaichiguiñi souaxat dam qanaquitaxaqui. Qataq ÿataqta qauauo'oi da qanhualaxaunaxaqui da huo'o ca qanque'ejnaxaqui. Qataq sa ishit da qai'axañiiñi da qanatamnaxaqui.

Hebreos 5:12

Cha'ayi nagui da mashi qaÿoqteguelo naua vi'iyi, nachi qami' ishíttaxa da mashi qauapaxaguenataxañiitac. Qalaxayi nagui qami' ñaq 'eetalec da qaviñiitac da qami' qaÿapaxaguenque ca llic naua huesoteguelo lapaxaguenataxanaxaco ñi Dios. Cha'ayi qami' qavi'iguelaqÿa da qaica ca qad'añaxaqui, ÿoqo'oyi iuen da qami' qaiqui'axanque ca nchi', qaq sa ishit da nachica ca nallic mayi sa nsatta.

Hebreos 6:10

Cha'ayi ñi Dios sa ishit da huo'otaq sa ipaguelec ca l'aqtac. Qataq ñimayi sa ishit da icoua'ai da qad'onataxanaxaqui qataq da qadauotaxanaqtaiqui nam qadqaÿanquiipi mayi qad'amqajnataxanaxauaipi, dam ña qoquiito'ot nagui da qau'ochiitac.