Hebreos 10:31 - Nuevo Testamento Toba Sur

³¹ Qaq ¡ÿataqta lta'adaic da lchiquiaxac da lhuaqÿaxac ñi Dios mayi nachi 'eetai' da nca'altauec, da huo'otaq huo'o ca ÿaconeu'a!

Nuevo Testamento Toba Sombrero Negro

³¹ Qama'le yataqata let'adaic da'me lichic ñe'me Dios jo'ne nach'e eta't da'me nec'aletaye, ta'le ya'uo ga'me lachoĝodec ga'me jiyaĝaua.

La'aqtaqa Ñim Lo'onatac 'Enauacna 2013

³¹ Qaq ¡ỹoqta da ỹataqta ỹactec da lchecỹaxac ca lhuaxanaxanaxac maye ỹan Ñim Lo'onatac 'Enauacna maye nache 'eetai' da nca'altauec!

Hebreos 10:31 Referans Kwoze

Mateo 10:28

Qaq sa ishit qome da qayi'iÿai cam ishit da ÿalauat da n'oquiaxac, qalaxayi sa ishit da ÿalauat som lqui'i. Chaqdato' qome da qayi'iÿai añi Dios mayi ishit da nlaxajñi da n'oquiaxac qataq som lqui'i, da ÿasaxaña cam nhuaxanqa' na 'itaxaloxoicpi.

Lucas 12:5

Qalaxayi qami' sa'axatema cam ÿoqta ishit da qayi'iÿai, 'eeta': qayi'iÿai qome ñi Dios mayi huo'o naq 'enec da ÿamaxaña ca nhuaxanqa' na 'itaxaloxoicpi ca shiÿaxaua qom imat da nqat da nachaalataxac. Qaq 'iñi qome mayi qañi'iÿai.

Hebreos 12:29

cha'ayi ñi qadta'a Dios, ñimayi 'eeta'am ca nodec mayi ishit da davigaqtaxan.

Mateo 16:16

Nachi so Simón Pedro 'enapeco': –Qomyi nachi'am nta'a nca'alaxaqui mayi 'am llalec ñi Dios mayi sa ishit da ileu.

Hebreos 10:27

Chaqdata da qomi' seuataqta'aguet cam qaica ca 'en'am lchiquiaxac qom qanmit 'enauacna, qataq cam qaica ca 'en'am na l'edaxa nodec mayi ÿavigaxat qome na npa'aguenaxauapi ñi Dios.

Lucas 21:11

Qataq huo'o qome ca nacholaxanaxa naua pa'aiguelo naua laÿil ana 'alhua qataq ca nqouaxa. Qataq huo'oi qome naua nalolaxaco naua 'ale'u. Qataq huo'oi qome naua lta'al n'anqa na piguem qataq huo'o ca qaila'a qaica ca 'en'am da lchic.

Hechos 13:11

Qaq nagui ñi qadataxala' 'am iuaxanec qome da yaqto' sa 'anauaañi, nachi ÿataqta huo'oi caua na'axa'te da yaqto' sa 'anauane' añi nala'. Huaña, nachi somayi 'o'm naua l'ai'te. Nachi nmittaique da huo'o ca ÿaueca'aguet somayi, cha'ayi sa ishit da nauaañi.

2 Corintios 5:11

Qaq ÿoqo'oyi qomi' mayi mashi sauattonaqta da lataxac da shi'iÿaxa so qadataxala', qomi' huo'o da qanpogoxoinaxac da yaqto' ña da'amqajnataxan na shiÿaxauapi. Qalaxayi ñi Dios mashi sogote da qomi' ÿauattoote', qaq huo'o nataq'en da ñaquitaxac da qoñiita da qomi' qauauattoñiite'.

Hebreos 3:12

Qami' ÿaqaÿa't, maxatchaxa qome da qoñiita da sa ishit da huo'o ca sa ÿaÿamaxañi da lquiyaqteÿaxac da nshitaique da ca'ai ñi Dios mayi nachi 'eetai' nca'altauec souaxat da sa ishit da i'amaqten ñimayi.