Hebreos 10:28 - Nuevo Testamento Toba Sur

²⁸ Da huo'otaq huo'o ca sa ishit da ÿalaxaguet na lqataxacpi so Moisés, qaq da huo'otaq huo'oi caua dos huo'otaq tres da nateeta't ca l'aqtaxanaxa'c da i'axa't camayi, nachi camayi ÿataqta sa qaichoxonnai' da qaÿalauat.

Nuevo Testamento Toba Sombrero Negro

²⁸ Ca'li 'uo ga'me nale 'yota'n daa'me namaĝajoĝonaĝaco 'me chiyoqodo'ot ñe'me Moisés, da'me uo'oe gaa'me dojolqa uotaĝa tresolqa jo'ne choqotaĝanaĝayaqa da'me yauote da'me 'laqataĝanaĝa'j da'me nauteta joga'me, qama'le nach'ega qodamaĝajoĝolegue qaedi qoyalat, qaya'te ta'le 'uo ga'me lichoĝodenataĝanaĝa'j.

La'aqtaqa Ñim Lo'onatac 'Enauacna 2013

²⁸ Da huo'otaq huo'o ca qanmit shiỹaxaua, qaq da huo'oi caua dos da da'aqtaxa'n da ỹa'axa't da 'eesa da saishet da ỹalaxaguet na namaxasoxonaxacpi maye chegoqo'ot so Moisés, nache cam nmit na nasouaxashet ỹataqta saishet da ichoxonnai' da damaxasoxoolec que'eca shiỹaxaua da qaỹalauat.

Hebreos 10:28 Referans Kwoze

Hebreos 2:2

Cha'ayi dam n'aqtac mayi qoÿan co'ollaxa soua hua'a'u vi'iyi, chigoqchigui qanqoÿin na namaxashic piguem l'ecpi, damayi qaÿachaxan da ÿataqta 'eesa. Qaq ÿoqo'oyi nam huo'o ca ÿasouaxat qataq sa ÿalaq, qalaq ÿataqta 'itchiguiñi da qaÿauo'o ca nhuaxanaguec.

2 Corintios 13:1

Qaq mashi ivi' na tres nagui da shi'iguelaxalec da qami' ñoqo'onalo. Qaq 'enauac qome na nasouaxashitpi iuen da qai'axat da da'aqtaxa'n caua dos huo'otaq tres shiÿaxa'u.

Juan 8:17

Nam nqataxacpi mayi qami' qoÿanema co'ollaxa nanettañi da huo'otaq huo'oi caua dos da huo'otaq huo'o ca i'axa't da nateeta't ca l'aqtaxanaxac, nachi caamayi ishit da qai'amaqte'n.

Mateo 18:16

Qalaxayi camayi da sa ishit da 'am ÿalaxaguet, nachi 'am 'auÿaxana ca 'oonolec, huo'otaq caua lÿa't dos, yaqto' 'enauac nam 'ad'aqtaxanaxac ishit da nateeteguet da l'aqtaxanaxa'c caua dos huo'otaq caua tres mayi 'ad'aqtaxanaxa'u.

Santiago 2:13

Cha'ayi ca sa ishit da ichoxoden ca lÿa, nachi qai'enaxatteguet qom qanmit. Sa ishit da qaichoxonnai'. Ÿoqo'oyi ca huo'o da lchoxonnataxanaxa, ÿataqta saqca ca da qom qanmitna.

Romanos 9:15

Cha'ayi co'ollaq 'eetega so Moisés, qalaq 'eeta': “Sechoxoden cam ñishitaique da sechoxoden, qataq ñoqouaguec cam ñishitaique da ñoqouaguec.”

Hebreos 12:25

Qaq ÿoqo'oyi maxatchaxa qome da qoñiita, sa ishit da huo'o ca sa ÿoqocha'a ñi Dios mayi qomi' detaqtacoto. Cha'ayi ÿataqta sa ishit da huo'o co'ollaxa ca qoÿit som sa ishit da hua'axaÿa ñi Dios co'ollaq huaqattega somayipi ana 'alhua, qaq ¿huá'aguectoxo' da ishit da qomi' qoÿi't da huo'otaq sa ñi'axaÿaxanaxa da lavilÿaxac ñim neto'ot na piguem da qomi' huaqattegalo?