Hebreos 10:27 - Nuevo Testamento Toba Sur

²⁷ Chaqdata da qomi' seuataqta'aguet cam qaica ca 'en'am lchiquiaxac qom qanmit 'enauacna, qataq cam qaica ca 'en'am na l'edaxa nodec mayi ÿavigaxat qome na npa'aguenaxauapi ñi Dios.

Nuevo Testamento Toba Sombrero Negro

²⁷ Ta'le naq'aeta qama'le nach'edata da'me jeuataqataque ga'me nec'atenaĝanaĝac jo'ne qo'mi na'talo 'me qaya'te ena'am da'me lichic, nach'ega ga'me dole' jo'ne yataqata let'adaic 'me yigouelo qomle ga'me laute'upi joñe'me Dios.

La'aqtaqa Ñim Lo'onatac 'Enauacna 2013

²⁷ Nachaqrata da qomi' seuataqta'aguet cam qaica ca 'ena'am lchecỹaxac maye nmitaguec 'enauacna, que'eca na'a'q da Ñim Lo'onatac 'Enauacna nmit na ipa'agueetac Ñimaye qataq ỹavigaxat ỹasaxangui ca norec.

Hebreos 10:27 Referans Kwoze

Hebreos 2:3

Qaq ¿táloxochiyictoxo' da qomi' ÿi't ca qanhuaxanaguec da huo'otaq sa ishit da seloxogue ca llic dam lta'adaic nca'alaxa? Cha'ayi nachiso so qadataxala' so l'auaxanec da i'axat de'eda nca'alaxa, ime, qataq jec nam n'axaÿaxaatega somayi, nachi ÿataqta 'itchiguiñi naq'en de'eda n'aqtaxanaxac. Ime, nachi qomi' da'aqtaxanema.

Apocalipsis 20:15

Nachi somayi qaÿasaxangui nam sa ishit da qoÿittau'a aso nanedaxalate nam qanca'alaxateecpi.

Hebreos 12:25

Qaq ÿoqo'oyi maxatchaxa qome da qoñiita, sa ishit da huo'o ca sa ÿoqocha'a ñi Dios mayi qomi' detaqtacoto. Cha'ayi ÿataqta sa ishit da huo'o co'ollaxa ca qoÿit som sa ishit da hua'axaÿa ñi Dios co'ollaq huaqattega somayipi ana 'alhua, qaq ¿huá'aguectoxo' da ishit da qomi' qoÿi't da huo'otaq sa ñi'axaÿaxanaxa da lavilÿaxac ñim neto'ot na piguem da qomi' huaqattegalo?

Hebreos 9:27

Qaq de'eda 'eetec da 'enauac na shiÿaxauapi da 'oonolec da ÿi'iguelaxalec da ileu, ime, nachi qataq iuata'aguet ca na'a'q qom qanmit 'enauacna,

Mateo 13:50

Nachi na qauemaicpi ÿasaxangui aca laÿi' na nodec. Huaña, nachi noÿiitac qataq ÿataqta inaga't naua lhue, souaxat da nqui'ic.

Mateo 8:29

Nachi soomayi i'alaqtai'salo, 'eeta': –¿Tá'ainco' yi qomi' 'atapegueu'alo, 'am Jesús mayi 'am llalec ñi Dios? ¿'Am 'auanaicna'a peta'a da 'auauo'o da qanque'ejnaxac, qamaq saxanaxa da sevitaxa ca qadaloqo'?

Santiago 5:3

Ana qodomi oro qataq ana plata mashi ÿataqta decochi. Qaq ne'ena lcochaxa nachina na i'axat qome da qadasouaxashichi, qataq nachina na nlaxajñi da qadapachiyaxaqui, 'en'am ca nodec. Qami' qalapoñiitashiguem da qadsallaqai naua pa'atreec na'axa'te mayi souaqtaiguilo.

Hebreos 12:29

cha'ayi ñi qadta'a Dios, ñimayi 'eeta'am ca nodec mayi ishit da davigaqtaxan.

Mateo 25:41

Nachi ne'ena nta'a 'enapega qome nam hueta'ague na n'emaq, 'eeta': “Aÿim qoquiÿa'ai qome, qami' mayi qaÿauo'o da qanhuaxanaguiiqui. Qaÿingui yim chochaq tateec nodec mayi qaÿaqataxaatai' da yaqto' qaÿasaxangui so shiÿaxaua lma'na qataq nam lamaxashicpi.

Mateo 13:42

Ime, nachi namayipi ÿasaxangui qome aca laÿi' na nodec. Huaña, nachi noÿiitac qataq ÿataqta inaga't naua lhue da nqui'ic.

Mateo 3:12

Qaq camayi lasoqta'a ca lchigoxosoxonaxat, da yaqto' ichigoq na trigo da nqat na lvi. Ime, qaq ÿoxotoigui ca laÿi'. Qaq na lvi, qalaq ÿavigaxat, ÿasaxangui ca nodec mayi sa ishit da 'om.

Mateo 3:10

Aca qachipe mashi sogote imetai' da iquesoxoñot ana qo'ipaqpi. Qaq 'enauac anam qo'ipaqpi mayi sa ishit da no'on ana ala, nachi anamayi qaiquesoqot. Ime, qaq qaÿasaxangui ca nodec.

Lucas 23:30

Huaña, nachi na shiÿaxauapi 'enapega ana qasoxonaxapi, 'eeta': “Ña qomi' 'aupataxayiñi qome.” Qataq qoÿinapega ana comadelecpi, qoÿiita': “Ña qomi' 'ai'oxooyiñi qome.”

Lucas 21:26

Nachi na shiÿaxauapi ÿataqta decopchitac qome, souaxat da tatapigui lauel cam nachaxan ana 'alhua, qaq ivida'a qome ana huaqajñipi mayi hueto'ot na piguem ÿataqta cholaxan.

Lucas 19:27

Qaq nam aÿim ipa'agueetacpi mayi sa ÿaÿamaxaden da aÿim lta'a, qalaq qanaviquiu'a aÿim. Ime, qaq qaualauachi.”

Lucas 16:24

Nachi i'alaq, 'eeta': “'Am ita'a Abraham, aÿim 'auchoxoden qome. Ña 'anamaq na Lázaro, da yaqto' ipet na llaxaata lshiinec ca 'etaxat da ipet na ÿachaxat, ten ÿapacteec da ñique'ejnaxac da sootangui ne'ena nodec.”

Juan 5:29

nachi chigoqchiguinguilo naua huachiqui da ñishiguem. Nachi nam i'ottac ca ÿaÿamaqchiguiñi qaltaq nca'aleec, da yaqto' huo'o da lca'alaxa; qaq nam i'ottac ca sa ÿaÿamaxañi, qalaq nca'aleec, da yaqto' qaÿauo'o ca nhuaxanaguec.