Hebreos 10:25 - Nuevo Testamento Toba Sur

²⁵ Sa ishit qome da soqolaxague da lliquiaxac na huo'o da n'onataxac da sa ishit da dataÿapegueu'a da qadaponaxac. Chaqdata da ñi 'oonolec i'añaqchittac ca lÿa, lamaaxa nagui da selaqa'a da mashi sa qaÿapeque ca na'a'q da ñi'iguelaq so qadataxala'.

Nuevo Testamento Toba Sombrero Negro

²⁵ Ena'te jaĝanajoĝoye da'me qadema'a't, qaedi ja jenaqa'ama gaa'me jo'ne joote yaĝadegue, dite da'me 'noota qom onolqa'tape 'yañaqate't gaa'me laqaya'; yataqata jauoqo da'me dojo' qom jauanaĝa da'me male qo'mi nadi'talo ga'me nolo' da'me 'niyelaq joñe'me Qadejaliaĝanec.

La'aqtaqa Ñim Lo'onatac 'Enauacna 2013

²⁵ Saishet qome da saxanaxañi da llaponaqtega't qataq ña'aqtaxanaqtega't da se'enaxataq da lataxac nam saishet da taỹapegueua'a da qaraponaxac. Nachaqrato' da ñi 'oonolec da shenaqta ỹa'añaqchet ca lỹa da yaqto' nquictasheguem da lpi'iỹaxac Ñim Lo'onatac 'Enauacna, lamaaxa nagui da selaqa'a da mashe saqaỹapeque que'eca na'a'q da ñe'eguelaq So Qarataxala' da nmit 'enauac na shiỹaxauapi.

Hebreos 10:25 Referans Kwoze

Hechos 2:42

Qaq 'enauac somayipi ÿataqta queteguelo naua lapaxaguenataxanaxaco se'esoua namaxa'shi, qataq ÿataqta nhuoteeta't, qataq nqouagaxaueetac, qataq da deque'e, qalaq 'enauac ima'a't.

Mateo 18:20

Cha'ayi cam huetra'ague caua dos, huo'otaq tres, da lapootega't souaxat da aÿim i'amaqteetrac, nachi aÿim sootanguilo caamayi.

1 Ts 5:11

Ÿoqo'oyi qantauñiÿa't, qataq ñi 'oonolec i'añaqchit ca lÿa. Qaq de'eda mashi qau'ochiitac, nachida qoquiitot.

Hebreos 3:13

Nachaqdato' da ñi 'oonolec quetot naua na'axa'te da i'añaqchittac ca lÿa, llaxatemallaxa da ñaq huo'o yi qaddaqa' na na'a'q, yaqto' sa ishit da huo'o ca 'oonolec da qoñiita da 'ico' ÿatenachit da ñi'itaxaloxo, nachi da lquiyaqteÿaxac sa ishit da ÿalaq.

Hebreos 10:24

Qataq qomi' no'on da ñi 'oonolec ipacapegue' ca lÿa da ñaq huo'o naq'en da lsoxoyic, qataq da i'ot ca ÿaÿamaqchiguiñi.

1 Corintios 5:4

Qalapoñiÿa't qome da qanataÿigui da l'enaxat so qadataxala' Jesucristo. Qaq aÿim 'eeta'am da qami' ñachattaiguilo, qataq da l'añaxac so qadataxala' Jesús qami' hueta'agueta.

1 Ts 4:18

Ÿoqo'oyi ñi 'oonolec da qoñiita itaunec ca lÿa de'eda n'aqtac.

Hechos 2:1

Qaq co'ollaq ivita so na'a'q, l'enaxat Pentecostés, nachi 'enauac so 'amqajnataxanaxaicpi lapoota'a't yauac ca qanayiuta'a.

Hechos 20:7

Qaq so l'auaxanec na'a'q naua na'axa'te, nachi huo'o so qalaponaxac, da yaqto' sachiguenaq ana pan. Nachi so Pablo ÿapaxagueetac na 'amqajnataxanaxaicpi. Qaq cha'ayi somayi huotaique da jec so lÿa na'a'q, nachi ÿataqta quetot da l'aqtaxanaxac, chochi ivitta'a da laiñi so pe.

1 Corintios 14:3

Qalaxayi ca i'axa't naua l'aqtaqa ñi Dios, camayi da'aqtaxanem ca lÿa da nañaxat naq'en, qataq da i'añaqchit, qataq da ÿanem da lamaiquiaxac.

Romanos 12:8

Qaq cam tateu'a da ÿaÿaten da i'añaqchit ca lÿa, qaq nachiyi huelec da i'ot. Ca da'agaxanaqta, qaq sa ishit qome da huo'o ca chochi naquitta'a. Ca tateu'a da nataxala', qaq ÿataqta ilotelec qome da l'onataxanaxac. Ca tateu'a da itaunec da lhuenaxanaxa ca lÿa, qalaq chaqdata qome da lamaiquiaxac.

Filipenses 4:5

Qaq 'enauac qome na shiÿaxauapi ÿataqta qami' ÿauattoote' da qami' huotaxanaqtaqaiqa. Cha'ayi so qadataxala' mashi sa qaÿapeque da nvi'.

2 Pedro 3:9

Qataq ñi qadataxala' sa ishit da qaÿaloqteguet da huo'otaq sa ipaguelec ca ÿachaxanapec, cha'ayi huo'o na 'eetega da ñimayi qaÿaloqteguet. Chaqdata da ñimayi huo'o da lhualaxavic da qomi' iuatta'alo. Cha'ayi ñimayi sa ishit da ÿaÿamaxaden da huo'o ca daqat, chaqdata da iuatta'a da 'enauac na shiÿaxauapi ca'aisalo naua n'onataxaco.

Santiago 5:8

Nataq'en qami' qauauo'oi da qanhualaxaunaxaqui. Sa ishit da leutapigui qadvilli, cha'ayi ca lli'iguelaxasoxoc so qadataxala' mashi sa qaÿapeque.

1 Corintios 14:23

Qaq ÿoqo'oyi da 'enauac na 'amqajnataxanaxaicpi da huo'otaq lapoota'a't, qaq da 'enauac detaxaiguilo naua n'aqtaqa mayi sa qaÿauangalo, qaq da huo'otaq nnoxoneuo ca saqca ca ÿaÿajnapec, huo'otaq saxanaxa da da'amqajnataxan, qaq ¡yi'oqta da 'eetega da qami' huo'o da qan'onataxaqui!

Judas 1:19

Qaq 'ena nam i'ot da iÿodacachi naq'en na shiÿaxauapi, cha'ayi ÿalaxaguet cam 'eetapeguec da lapachiyaxac. Qataq namayipi sa ishit da netanguit so n'Espíritu ñi Dios.

2 Pedro 3:14

Qaq ÿoqo'oyi qami' ÿaqaÿadolqa, nagui da ña qauachiita'aguet 'enauac de'eda, qaq no'on qome da qanpogoxoiñiÿapegue' da qaulaquiichiguiñi qom qami' nvitalo ñi Dios, qataq qami' qui'itte', qataq qaica ca qadasouaxashichi.

1 Pedro 4:7

Qaq mashi nayiita'a yi loga't 'enauacna. Qaq ÿoqo'oyi ÿataqta qanloiteec qome, qataq ÿataqta sa qauasaguiyii da qanqouagaxauñiitac.

2 Pedro 3:11

Qaq nagui da saÿajnaq da qanlaxajñi 'enauacna, qaq ¿táloxochiyictoxo' da sa qui'itta qanqashiñi da qanachaalataxaqui da qoquiitague' ñi Dios?

1 Corintios 11:20

Cha'ayi souaxat da qami' qaucolaqaitagui, nachi naxa da ivita da qau'ochi da nqui'axac mayi naigui da qaiuennate so qadataxala', nachi de'eda qadqui'axaqui sa ishit da nachiso somayi da qauennachi.

1 Corintios 3:13

Ca l'onatac ñi 'oonolec yi'oq qom ivita ca pa'ateec na'a'q. Cha'ayi que'eca na'a'q anac ca nodec, qaq que'eca nodec ÿavigaxat na ÿotta'a't n'onatacpi. Huaña, qanachi yi'oq ca yi'oqta no'on l'onatac ñi 'oonolec.

Hechos 16:16

Qaq can qomi' qaltaq ñoqo'onaxauga som qouagaxaunaqa', nachi ñatenaqa'aguet aso qa'añole nlata mayi huo'o so l'ec leguemaxaic mayi ishit da ilaviigui ca lÿa. Qaq asomayi ÿataqta qalota naq'en añi laueque so n'aco'pi, chochi qaÿauegaxaatapigui da ilaviigui ca lÿa.

Mateo 10:15

Qaq ÿataqta 'eesa de'eda shinapec da qom ivita que'eca na'a'q mayi huetoigui da ñi Dios nmit 'enauacna, nachi ca nhuaxanaguec que'eca pueblo ÿataqta napacalec qome da nhuaxanaguec som shiÿaxauapi mayi netaña co'ollaxa yi Sodoma qataq yi Gomorra.

Juan 12:48

Qaq ca aÿim i'otan, qataq sa ishit da i'o't naua i'aqtaqa, camayi sogote da huo'o qome ñim i'ot ca nhuaxanaguec camayi. Cha'ayi naua i'aqtaqa mayi ñanoldeec, nachinaua qome naua i'o't ca nhuaxanaguec na shiÿaxauapi ca pa'ateec na'a'q.

Hebreos 10:37

Cha'ayi naua ñiyigui'shi l'aqtaqa ñi Dios 'eeta': Ÿataqta saqaÿaloq da anac qome cam naÿa'cna, qataq sa naÿaloxon da anac.

Hebreos 13:22

Qami' ÿaqaÿa't, qami' ñachoxodeetoiguilo da ÿataqta qan'añaxachiiguet da ÿaqataxac da qoñiita, cha'ayi saq 'amaqtaq da shiyiñi i'aqtac mayi qami' samaxalo.