Hebreos 10:24 - Nuevo Testamento Toba Sur

²⁴ Qataq qomi' no'on da ñi 'oonolec ipacapegue' ca lÿa da ñaq huo'o naq'en da lsoxoyic, qataq da i'ot ca ÿaÿamaqchiguiñi.

Nuevo Testamento Toba Sombrero Negro

²⁴ Qama'le onolqa'tape da'me qo'mi, 'noota qom jelaqaque ga'me lajoĝoc da'me ñecochaĝapega't, qaedi nichiguegue da'me qadoqopich'i, chayovida'a da'me nach'e eta't jauoqo da'me jo'ne 'noota.

La'aqtaqa Ñim Lo'onatac 'Enauacna 2013

²⁴ Qataq ñepogoxoinaqapegue' da ñetaunaxa't, qataq ñauotaxa't qataq so'otaq ca ỹaỹamaqchiguiñi.

Hebreos 10:24 Referans Kwoze

1 Ts 5:11

Ÿoqo'oyi qantauñiÿa't, qataq ñi 'oonolec i'añaqchit ca lÿa. Qaq de'eda mashi qau'ochiitac, nachida qoquiitot.

1 Juan 3:18

Qami' ÿalqolqa, de'eda qadsoxoyic sa ishito' qome da chochi ndotreec naua qad'aqtaqa, chaqdato' qome da ÿataqta 'eesa da qadsoxoyic, yaqto' ÿataqta qaila'a da huo'o ca so'otaq.

Hebreos 13:1

Sa ishit qome da ÿaxaneec ñi 'oonolec da qoñiita da ÿauotec ca lÿa, 'eeta'am naq'en da lauotaxanaqtaic ca maichi lqaÿa.

Gálatas 5:13

Cha'ayi qami' ÿaqaÿa't, qami' qaiÿaxanalo da yaqto' qami' huesochiyiñi. Qalaxayi chaqdato' qome da sa ishit da qau'ashaxañiÿai' de'eda qansoxoqui da yaqto' qau'ochi cam 'eetapeguec dam qadapachiyaxaqui. Chaqdato' da ñi 'oonolec da qoñiita huapegue' ca lÿa, souaxat dam qadsoxoyiqui.

Colosenses 3:16

Qataq da lapaxaguenataxanaxac so Cristo ÿataqta nlaqchiguilo qome naq'en naua qadquiyaqchilli'. Qataq ÿataqta qanaÿajnaxanaqchiñi da qauapaxaguiñi qataq da qau'añaqchichi ca qadÿai. Qataq da qau'onaxañi, qalaq qau'oñi na ÿotta'a't n'onecpi mayi chigoqo'ot so Espíritu Santo. Qataq ÿataqta imauec da qadquiyaqteÿaxaqui da qai'añiitacot da qan'achiquiaxaqui ñi Dios.

Tito 3:8

Qaq de'eda shiitega ÿataqta 'eesa. Qaq ÿoqo'oyi ñishitaique da ÿataqta 'au'axat, yaqto' 'enauac na i'amaqten ñi Dios ÿataqta npogoxoinapegue' da i'ot ca ÿaÿamaqchiguiñi. De'eda shiitega ÿataqta 'onaxaic, qataq huo'o naq naigui.

1 Timoteo 6:18

Qonapega nataq'en da i'ot ca no'on, yaqto' 'ico' lsallaxa da l'onataxanaxac ÿaÿamaqchiguiñi. Qataq qaica ca ÿictega da huo'o ca ÿan da detaunaxanot.

Hebreos 13:3

Qataq qauennachiÿa'a qome na ncoñitaguishicpi, 'eeta'am qanqashiñi da huo'otaq qancoñitaxauaipi namayipi, qataq nam sa ishit da qaÿauo'o ca nyacnataguec, cha'ayi qami' nataq'en qauaÿajñi da ishit da huo'o da nque'etaxanaxac da qad'oquiaxaqui.

Gálatas 6:1

Qami' ÿaqaÿa't, da huo'o ca 'oonolec da qoñiita huo'o ca ilamaxata'aguet lasouaxashit, nachi qami' mayi qami' netanguita so Espíritu ishit da qautauañi camayi, da yaqto' ishit da ñishiguem. Qalaxayi ÿataqta huesottac da qadquiyaqteÿaxaqui. Qataq ñi 'oonolec ÿataqta ntelañi. Ten, sa iuena'a camayi da nataq'en qaÿauo'o ca ñi'iguenataguec.

1 Corintios 10:33

Qaq aÿim ÿataqta ñipogoxoueetague' da 'enauac qaÿaÿamaxadeeta ca so'ot. Qaq sa ishit da maichi ñimittaique ca ÿaÿamaxa. Chaqdata da ñishitaique da saÿamaxajñi ca iÿa, yaqto' ishit da qanca'alaxateec.

Gálatas 5:6

Qataq da mashi sogote da ñi'adaqtau'a so Cristo Jesús, nachi ÿataqta qaica ca naigui da qaÿauo'o ca n'anaxat na l'oc ca shiÿaxaua, huo'otaq jegatai'. Cha'ayi dam ÿataqta huo'o ca naigui, nachida dam qadpi'iÿaxac. Qaq de'eda qadpi'iÿaxac, nachida da qomi' nachaatoiguilo naq'en da nsoxoyic.

2 Corintios 8:8

Qaq de'eda shinapec sa ishit da ÿamaxasoxonaxac. Chaqdata da ñishitaique da qami' qauaÿajñi da n'añaxataxac cam qadÿai, yaqto' ishit da qaila'a de'eda qadsoxoyiqui qom ÿoqta 'eesa da 'en.

Hechos 11:29

Nachi nam 'amqajnataxanaxaicpi mayi netaña yi Antioquía detaxaÿapigui da ÿauo'o aca ltaunaxanaqte da ÿamaxa so 'amqajnataxanaxaicpi mayi netaña yi Judea. Qalaxayi ñi 'oonolec ÿan cam nalota'ai' da ÿan.

2 Ts 3:9

Nai'ctaxa da qomi' huo'o da qad'amaqchic da huo'otaq qami' seÿaxanaxaiguilo da qomi' qautauañi', qalaxayi qomi' ñaconaxala't da so'onataxanaqtac, cha'ayi sauoqtaique da qami' qoquiitelec da qadataxac.

Gálatas 5:22

Qaq dam alaÿaxac ca netanguit so Espíritu Santo, qalaq 'eeta': Huo'o da lsoxoyic, ntonaxac, l-lagaxayic, lhualaxavic, lauotaxanaqtaic, i'ot ca ÿaÿamaqchiguiñi, qataq npe'et,

2 Corintios 9:2

Cha'ayi aÿim mashi ime da sauattoota da qami' sa ishit da huo'o ca qai'iquiitega. Qaq ÿoqo'oyi aÿim naxa ÿataqta huo'o da ÿi'oxonnataxanaxac da qoñiita ne'ena soota'a Macedonia, da qami' mayi qoviita'a na Acaya da nal'ena so lÿa vi'i da qauauoitaique aca qadtaunaxanaqchi. Qaq ÿoqo'oyi qalota nam lma' na Macedonia na huo'o da l'añaxac souaxat da qoñiita.

Romanos 12:15

Qataq qauamaitapegue' cam matapec, qataq qannoinaxauai cam noÿiitapec.

Tito 2:4

yaqto' na 'alpi mayi saxanaxa da ÿi'axaina'pi ishit da ÿauotec ca lhua qataq na llalaqpi,

1 Corintios 9:22

Qataq naxa da sootaigui na saxanaxa da da'añi da lpi'iÿaxac, nachi se'enaxat da 'ico' qaica ca l'añaxac da ipi'iÿaxac, yaqto' ishit nataq'en da ñauec namayipi. Qaq ÿataqta ñacoola't da se'enaxatchigui da lliquiaxac ñi 'oonolec na ÿotta'a't shiÿaxauapi, yaqto' ishit da huo'o ca ÿigueuo da huo'o ca ñica'alaxateec namayipi.

1 Ts 1:3

Qaq ñim qadta'a Dios mayi souaqto'ot, ñimayi mayi ÿaÿateeta da qadhuennataxa da tachigui qadhuel da l'onataxanaxac da qadpi'iÿaxaqui, qataq da qadsoxoyiqui da qoviitague' na qadqaÿañicpii, qataq da qoquiito'ot qanaquitaxaqui ñi qadataxala' Jesucristo.

Romanos 11:4

Qalaxayi ñi Dios 'enapeco': “Aÿim seÿotauga yi siete mil shiÿaxauapi yim sa ishit da i'adoto naua l-llicte da natamnot ñim nqolac l'enaxat Baal.”

Hebreos 3:13

Nachaqdato' da ñi 'oonolec quetot naua na'axa'te da i'añaqchittac ca lÿa, llaxatemallaxa da ñaq huo'o yi qaddaqa' na na'a'q, yaqto' sa ishit da huo'o ca 'oonolec da qoñiita da 'ico' ÿatenachit da ñi'itaxaloxo, nachi da lquiyaqteÿaxac sa ishit da ÿalaq.