Hebreos 10:21 - Nuevo Testamento Toba Sur

²¹ Qaq so Jesús nachiso so 'oonolec qadtaxaÿaxanaxanec mayi ilotague' cam lauo' ñi Dios.

Nuevo Testamento Toba Sombrero Negro

²¹ Nach'eñe ñe'me Jesús mach'e qadetaĝayaĝanaĝanec jo'ne p'ajaye 'me neteloqo't di'me 'lachaqa' joñe'me Dios.

La'aqtaqa Ñim Lo'onatac 'Enauacna 2013

²¹ Somaye nacheso so ỹataqta 'amaqtaqaic qartaxaỹaxanaxanec qataq nacheso som ilotague' añi no'onaxanaxaqui da piguem.

Hebreos 10:21 Referans Kwoze

Hebreos 2:17

Qaq nachida da huo'o mshi somayi iuen da ÿataqta 'eeta'am qanqoÿin da lataxac na lqaÿañicpi, da yaqto' ishit da ivida'a da npe'et qataq choxonnataxanaxaic lataxala' na ntaxaÿaxanaxanecpi da qaitaxaÿapegue' ñi Dios, qataq da yaqto' ÿapalaxat da lasouaxashit na shiÿaxauapi, ÿachigoxotchigui da nañanguet da nalaataguec.

Hebreos 8:1

Qaq 'eda da ÿoqta ÿacteec da ñanacto'ot da sa'axattac, 'eeta': 'Eda da 'eetec da lataxac som 'oonolec qadtaxaÿaxanaxanec. Qaq nagui somayi nso'oota'ague da aloic ñi Dios mayi neta'ague da piguem.

Hebreos 6:20

som inoxoneu'a co'ollaxa so Jesús, da yaqto' ÿauategue ca qoyic. Qaq 'eda da 'eetec da so Jesús ivida'a da nachiso so 'oonolec qadtaxaÿaxanaxanec da detaxaÿapegue' ñi Dios, 'eeta'am da lataxac so Melquisedec.

Hebreos 7:26

Qaq ÿoqo'oyi so Jesús nachiso so 'oonolec qadtaxaÿaxanaxanec da detaxaÿapegue' ñi Dios mayi seuenaqtac. Cha'ayi somayi ÿataqta qui'itta, sa qauem da lataxac, qataq qaica ca lasouaxashit, qataq sa ishit da nhuoiguet qanqoÿin na 'itaxaloxoicpi, qataq somayi neta'ague qanqoÿin da laÿi na piguem.

Hebreos 3:1

Qaq ÿoqo'oyi qami' ÿaqaÿa't mayi qami' lca'agui'shi ñi Dios qataq qami' iÿaxanalo da qami' lalamqa'te, qami' ÿataqta qauloichigui qome so Cristo Jesús, som qomi' qanamaxalo qataq qadataxala' da detaxaÿapegue' ñi Dios mayi sa'amaqtenaqtac.

1 Timoteo 3:15

yaqto' da aÿim lcopata'aguet, qalaxayi mashi lhuotta da 'auaÿaten ca no'on n'onataxac ca 'oonolec na llalaqpi ñi Dios, mayi qoÿinac, nachina na 'amqajnataxanaxaicpi nam i'amaqten ñi Dios mayi ÿataqta nca'altauec. Namayipi nachina na nllitañi da 'eesa lataxac, qataq 'ico' lcopaqtaxat.

Mateo 16:18

Qaq aÿim 'am shinapega da 'am Pedro mayi 'am coma', qaq da ne'ena coma' aÿim so'oxootelec qome aca i'onaxanaxaqui. Qaq ivida'a qome da l'añaxac da nleuaxa ÿataqta sa ishit da nlaxajñi acamayi.