Hebreos 10:19 - Nuevo Testamento Toba Sur

¹⁹ Qaq ÿoqo'oyi, qami' ÿaqaÿa't, nagui sa ishit qome da huo'o ca shi'oqtaique da senoxonaxau'a yi ndaqa' mayi sa ishit da qaishitapec, sachigoxosoqchiguilo so qaicoldeec ltago'q so Jesucristo,

Nuevo Testamento Toba Sombrero Negro

¹⁹ Chane'eja ami yaqaya'olqa, yajouaĝat da'me naliñi qoyen jaga'me letauo' ñe'me Jesús, male qo'mi qoyaje'tema da'me jaĝaue ga'me tamenaĝaiqui, chayovida'a di'me 'nachaqa' da'me yataqata ja 'nalegue.

La'aqtaqa Ñim Lo'onatac 'Enauacna 2013

¹⁹ Qami' ỹaqaỹa't, soua ltago'q So Jesús maye huecolde'c co'ollaq ileu, nachesoua nagui soua chegoqchiguilo da ñauotaxai' Ñim Lo'onatac 'Enauacna qataq qaica ca sho'oqtaique da senoxonaxaua'a yem pa'auo ndaqa' maye ỹataqta qui'itta añi no'onaxanaxaqui.

Hebreos 10:19 Referans Kwoze

Efesios 2:18

Qaq chigoqchigui so Cristo da 'enauac da shinaqta, nai'ctaxa ca judío l'ec huo'otaq ca sa ishit da judío l'ec, da qomi' ÿaueegueta ñi qadta'a da sachigoxosoqchigui naq'en so Espíritu Santo.

Hebreos 9:12

Qaq so Cristo mashi inoxoneu'a cam ndaqa' mayi sa qaishitapec, qalaxayi sa ishit da ÿaadeuo caua ltago'q ca quetaq huo'otaq ca huaca llalec, cha'ayi nachinaua naua maichi ltago'q naua ÿaadeuo. Qaq 'eda da 'eetec da somayi 'oonolec da ÿi'iguelaxalec da pa'aigui se'eso ndaqa'. Huaña, nachi ÿauo'o da chochaq tateec qadca'alaxa.

Hebreos 4:16

Qaq ÿoqo'oyi ÿataqta qaica qome ca shi'oqtaique da ñoqochinaxau'a ca nso'onqa' ñim qadta'a Dios mayi soxodaic, yaqto' ñimayi ishit da qomi' ichoxode'n, qataq qomi' nqouagueque da qomi' itaua'n da huo'o ca souaqaigui qadhuenaxanaxa.

Efesios 3:12

Qaq ÿoqo'oyi so Cristo nachiso so chigoqchigui da huo'o mshi selagaqtapiguiñi da senoxonaxau'a ñi Dios, cha'ayi huo'o da qadpi'iÿaxac somayi.

Romanos 5:2

Cha'ayi somayi chigoqchigui da huo'o mshi qomi' senoxonaxau'a de'eda lqouagaxanaqtaic ñi Dios, qaq de'eda chigoqchigui da qadpi'iÿaxac. Qaq ÿoqo'oyi de'eda nqouagaxanaqtaic ÿataqta ñi'añaxataqtec, qataq samaqchiguiñi, cha'ayi huo'o da qanaquitaxac da ñiuanaqhua'a da lli'oxoyic ñi Dios.

Hebreos 12:28

Qaq cam l'onataxanaxac ñi Dios mayi qomi' ÿanema da yaqto' qomi' nta'al, camayi sa ishit da qaÿayigot. Qaq ÿoqo'oyi sanqot qome da qan'achiquiaxac ñimayi qataq ÿataqta huo'o da qayi'iÿaxa qataq qadtelaxa da shi'oxodenaq ñimayi mayi nachida da ÿaÿamaxadeeta;

1 Juan 4:17

Qaq yaqto' sevidaqta'a da ÿataqta nalochiguiñi da qadauotaxanaqtaic, yaqto' ca na'a'q qom qanmit 'enauac na shiÿaxauapi, qalaq sa ishit da ñi'aloxonaqtac. Cha'ayi qomi' nagui da ñaq souaqta'a ana 'alhua, qalaq ÿataqta shinaqta'am so Jesucristo.

Romanos 8:15

Cha'ayi som Espíritu mayi qami' qauacoñiiguet, somayi sa ishit da i'ot da qami' nlataqa naq'en, qataq sa ishit da ÿoltaq ÿauo'o ca qadcolanqai. Chaqdata da somayi qami' i'otegueta da qami' llalqa naq'en ñi Dios. Qataq se'eso Espíritu itaxaÿaxanaxanec naq'en ñi 'oonolec da shinaqta da 'eeta': “'Am ita'a Dios.”

2 Timoteo 1:7

Cha'ayi ñi Dios sa ishit da ÿan ca colanqaic da nshitaxat naq'en ca shiÿaxaua. Chaqcata ca i'ot ca n'añaxac naq'en, qataq ca lsoxoyic, qataq ishit da ntel-la't.

Hebreos 9:3

Qaq dam laÿi so napoxonaxat nataq'en huo'o so lÿa ndaqa', l'enaxat ndaqa' sa qaishitapec.

Hebreos 7:25

Qaq ÿoqo'oyi somayi ishit da chochaq tateec da nca'alaxateec cam chigoqchigui somayi da nañanot ñi Dios. Cha'ayi somayi nachi 'eetai' da nca'altauec, da yaqto' nqouagaxaueetacot ñi Dios souaxat namayipi.

Hebreos 3:1

Qaq ÿoqo'oyi qami' ÿaqaÿa't mayi qami' lca'agui'shi ñi Dios qataq qami' iÿaxanalo da qami' lalamqa'te, qami' ÿataqta qauloichigui qome so Cristo Jesús, som qomi' qanamaxalo qataq qadataxala' da detaxaÿapegue' ñi Dios mayi sa'amaqtenaqtac.

Hebreos 3:6

Qalaxayi so Cristo, somayi llalec ñi Dios qataq ÿataqta npe'et da ilo'ogue se'eso lma' ñi Dios, mayi nachiqomi', da ÿataqta qomi' qadamchiyiñi qataq da qadpi'iÿaxac chochi ivitta'a ca qadaloqo', nda'a't da ÿataqta samaqchiguiñi souaxat da qanaquitaxac.

Hebreos 10:18

Qaq ÿoqo'oyi da huo'otaq mashi qaÿapalaxat na nasouaxashitpi, nachi sa ishit da iuen da qaltaq qaÿauo'o aca lÿa nachitaqtaxanaqte souaxat na nasouaxashitpi.

Hebreos 10:35

Qaq ÿoqo'oyi sa ishit qome da huo'o ca qayi'iitaique, cha'ayi ÿataqta lta'adaic qome ca qanshiitenaguiiqui.