Hebreos 10:12 - Nuevo Testamento Toba Sur

¹² Qalaxayi so Jesucristo nañan da qaÿalauat souaxat na nasouaxashitpi, nachi sa lÿa da qaltaq nañan. Ime, nachi nso'ongue da aloic ñi Dios.

Nuevo Testamento Toba Sombrero Negro

¹² Qalaĝaja ñe'me Jesucristo mach'eñe da'me 'naĝatela't, qa'a onolec da'me leleuaĝa qaedi nach'e eta't da'me nep'aĝanegueta naa'me qadoeco, qama'le yem da'me jo'ne qo'yetec male na'ña jena'me yayaten joñe'me Dios.

La'aqtaqa Ñim Lo'onatac 'Enauacna 2013

¹² Qalaxaye So Jesucristo nañanot Ñim Lo'onatac 'Enauacna da, 'eeta'am naqa'en aca nachetaqtaxanaqte maye qaỹavigaxatta, nache sa lỹa da qaltaq nañan. Qaq huaña, nache qaỹapalaxat na qarasouaxashetpi. Ime, nache Somaye nso'ooñi netaua'a na aloic añi nso'onaxaqui Ñim Lo'onatac 'Enauacna,

Hebreos 10:12 Referans Kwoze

Hebreos 1:3

Qaq somayi nachiso som lli'oxoyic da l'edaxa ñi Dios, qataq somayi nachiso som lqui'iÿaxac ñimayi, qataq somayi nachiso som nllitañi 'enauacna, nam l'aqtaqa mayi qaica ca ÿaqalana'pe. Qaq somayi co'ollaq imat da iÿouec 'enauac nam qadasouaxashitpi, nachi somayi nso'ongue da aloic ñi Dios mayi nso'ootangui aca nso'onaxaqui da nta'a mayi neta'ague da piguem.

Colosenses 3:1

Qaq ÿoqo'oyi da qami' sogote da qadÿaitchiguem so Cristo co'ollaq qami' qanca'alaxatreec, nachi qanmichiÿaique cam hueta'ague da piguem dam neta'ague so Cristo da nso'ootau'a na aloic ñi Dios.

Romanos 8:34

Qataq ¿négue't ca ishit da ÿauo'o ca lasouaxashit ca shiÿaxaua? ¡Qaica! Cha'ayi so Cristo nachiso so ileu, qaltaq jec da nca'aleeguesop qanqoÿin da nleuaxa. Ime, qaq nso'oota'ague da aloic ñi Dios, nachi nachoxodeetapeguelec da shinaqta.

Hebreos 9:12

Qaq so Cristo mashi inoxoneu'a cam ndaqa' mayi sa qaishitapec, qalaxayi sa ishit da ÿaadeuo caua ltago'q ca quetaq huo'otaq ca huaca llalec, cha'ayi nachinaua naua maichi ltago'q naua ÿaadeuo. Qaq 'eda da 'eetec da somayi 'oonolec da ÿi'iguelaxalec da pa'aigui se'eso ndaqa'. Huaña, nachi ÿauo'o da chochaq tateec qadca'alaxa.

Hebreos 8:1

Qaq 'eda da ÿoqta ÿacteec da ñanacto'ot da sa'axattac, 'eeta': 'Eda da 'eetec da lataxac som 'oonolec qadtaxaÿaxanaxanec. Qaq nagui somayi nso'oota'ague da aloic ñi Dios mayi neta'ague da piguem.

Marcos 16:19

Qaq co'ollaq imat da da'aqtaxaatapeguema soomayi, nachi so qadataxala' Jesús naÿoxotchiguem qanqoÿin da taigue da piguem, nachi nso'ongue da aloic ñi Dios.

Efesios 5:2

Qataq ÿataqta qami' soxodaiqa, yaqto' qoñiita'am so Cristo da ÿataqta qomi' ÿauoteque, qataq qomi' nañaalguete da qomi' ileualguete, 'eeta'am ca qagueta llalec da qaÿalauat, qataq qaÿavigaxat da qoÿanot ñi Dios. Qaq da alaitaÿaxac ÿataqta ÿaÿamaxadeeta ñimayi.

Hebreos 5:1

Cha'ayi ñi 'oonolec nam lataxala'pi na ntaxaÿaxanaxanecpi qaÿachigoxottoigui nam shiÿaxauapi, nachi qoÿideuo, da yaqto' ltaxaÿaxanaxanec qanqoÿin na shiÿaxauapi da detaxaÿapegue' ñi Dios, qataq da ÿaneuo ana nachitaqtaxanaqte, qataq da qaÿavigaxat na nachitaqtaxanaxat, da yaqto' qaÿapalaxat na nasouaxashit.

Hebreos 5:3

Qaq souaxat de'eda maichi lqalhuaxa, nachi namayipi iuen da maichi ÿaneuo aca lachitaqtaxanaqte da ÿavigaxat souaxat naua maichi lasouaxashi'te, qataq nachi 'en'am nam lasouaxashitpi na shiÿaxauapi.

Hebreos 7:27

Qaq sa ishit da 'eeta'am na laÿipi lataxala' na ntaxaÿaxanaxanecpi da namayipi iuen da i'auaxaañi da ÿavigaxat aca lachitaqtaxanaqte 'enauaque naua na'axa'te, da yaqto' qaÿapalaxat na maichi lasouaxashitpi, ime, qataq jec na lasouaxashitpi na shiÿaxauapi. Qaq so Jesús, qalaxayi 'oonolec da ÿi'iguelaxalec da ÿauo'o aso lachitaqtaxanaqte da ÿaneuo co'ollaq maichi ÿan da nachaalataxac.

Hebreos 9:14

Qaq da nachi 'eetec de'eda, qaq ¡huá'ago' da saq ÿacteec da l'añaxac soua ltago'q so Cristo! Cha'ayi chigoqchigui da l'añaxac som Espíritu mayi chochaq tateec da so Cristo maichi nañanot ñi Dios, 'eeta'am aca nachitaqtaxanaqte mayi ÿataqta qui'itta. Nachi naua ltago'q somayi ishit da iÿoueguesop da qadvilÿaxac na qadasouaxashitpi mayi taÿa'a da nleuaxa, da yaqto' ishit da so'onataxanqot ñim Dios mayi nachi 'eetai' da nca'altauec.

Hebreos 10:10

Qaq ñi Dios mashi sogote da qomi' iqui'itaxatte', cha'ayi so Jesucristo i'ot co'ollaxa da 'eetapeguec ñi Dios co'ollaq ÿan da maichi l'oquiaxac da 'oonolec da qaÿi'iguelaxalec da qaÿalauat.

Hebreos 10:14

Cha'ayi ÿachigoxotchigui aso 'oonole lachitaqtaxanaqte da somayi chochaq tateec naq'en da nalochiguiñi da lataxac nam mashi iqui'itaxatta.