Hebreos 1:8 - Nuevo Testamento Toba Sur

⁸ Qaq da n'aqtaguec so llalec, qalaq ñi Dios 'eeta': Añi 'anso'onaxaqui da 'am nta'a, 'am Dios, añimayi qaica ca loga't; qataq da 'ad'onataxanaxac da 'am nta'a, damayi ÿataqta ÿaÿamaqchiguiñi.

Nuevo Testamento Toba Sombrero Negro

⁸ Qalaĝaja da'me jo'ne 'yaĝatem joñe'me Lec'oĝot eetac: “Nach'e am jo'ne am Dios, qama'le qaya'te loiquiaqa' da'me adejaliaĝa, Nataq'aen da'me am jo'ne yataqatelegue da'me anejaliaĝatelegue ena'uac.

La'aqtaqa Ñim Lo'onatac 'Enauacna 2013

⁸ Qalaxaye da detaxaỹa So Llalec, qalaq 'eeta': «Da 'aro'onataxanaxac chochaq tatec, qaica ca loga't, qataq 'auo'onataxana da 'ara'añaxac da 'aupagaqchiichigui da 'eesa lataxac.

Hebreos 1:8 Referans Kwoze

Juan 10:30

Aÿim qataq ñi ita'a qomi' 'oonolec da qadataxac.

Romanos 9:5

Namayipi maichi llalaqpi som hua'au qadta'alpi. Qaq da yi'oqchigui lapachiyaxac namayipi chigoqtoigui so Cristo som qoÿanagui da qadta'a Dios da ilo'ogue 'enauacna, da yaqto' nachi 'eetai' da qaÿi'oxodeetac. Aja', nachi 'eetec de'eda.

1 Juan 5:20

Nataq'en qomi' saÿajnaq da so llalec ñi Dios, somayi anac da qomi' ÿanema da qadauattonaxanaxac, da yaqto' sauattonaqta ñim ÿoqta 'eesa Dios. Qaq ñi'adaqtau'a som llalec Jesucristo som ÿataqta 'eesa. Qaq 'eso som qadta'a Dios, qataq nachiso som chigoqo'ot da nca'alaxa mayi chochaq tateec.

Mateo 1:23

Aca 'alo saxanaxa da huadon, qalaq hualaxai qome, nachi huo'o ca llalec. Qaq camayi l'enaxat qome da Emanuel. De'eda n'enaxat 'eeta': Ñi Dios qomi' hueta'agueta.

1 Corintios 15:25

Cha'ayi so Cristo ñaq 'eetalec da nta'a, chochi ivitta'a que'eca na'a'q qom ñi Dios ÿapiaxanaxanaxaalec 'enauac na ipa'agueetacpi.

Juan 20:28

Nachi so Tomás 'enapeco': –¡'Am ÿataxala' qataq 'am ita'a Dios!

1 Timoteo 3:16

Qaq sa ishit da qaÿoqolguet de'eda saq cha'a lataxac da qad'amqajnataxanaxac, cha'ayi ÿataqta lta'adaic da lli'oxoyic: Ñi Dios nachaxan, qalaxayi nachida da yi'oqchigui lapachiyaxac na shiÿaxauapi; qaq da n'aqtaguec co'ollaq i'axat so Espíritu ÿataqta 'en da no'on shiÿaxaua, qaq ÿauaachigui somayi 'enauac na chigaqshiguem Dios lamaxashicpi. Qataq qai'axatem 'enauac na ÿotta'a't shiÿaxauapi, ÿoqo'oyi huo'o na i'amaqten na 'enauac ÿallippi nam huetalecna. Ime, qaq qaÿaueegue da piguem.

Juan 10:33

Nachi nam judiopi 'enapeco': –Sa ishit da 'am sasaxasoq na coma' da souaxat cam ÿaÿamaqchiguiñi 'au'ottac. Mayi 'am sasaxasoq, souaxat naua 'ad'aqtaqa ÿataqta npa'agueneto ñi Dios. Qamaq 'am chochi 'am shiÿaxaua, qalaq qonetega da 'am Dios.

2 Pedro 1:11

Qaq yaqto' qami' qoÿanema da qaica ca qami' npaxategueta da qaunoxoñiu'a cam chochaq tateec l'onataxanaxac da ilo'ogue 'enauacna so qadataxala' qataq qadca'alaxaqui Jesucristo.

Lucas 1:75

nataq'en da yaqto' qomi' ÿaÿamaxadeete' da ñañanqot ñimayi da qomi' qui'itte' 'enauaque naua na'axa'te da qanachaalataxac.