Hebreos 1:6 - Nuevo Testamento Toba Sur

⁶ Qalaxayi co'ollaq anacot so l'auaxanec llalec da namaxa ana 'alhua, nachi 'enapeco': 'Enauac qome nam lamaxashic piguem l'ecpi ñi Dios, namayipi qome i'adoto naua l-llicte.

Nuevo Testamento Toba Sombrero Negro

⁶ Qalaĝaja qom 'yaĝatetac joñe'me mach'e Lec'oĝot jo'ne nipiloĝot, da'me namaĝa'ña jena'me aleua, qama'le eetac: “Yema jogaa'me mach'e yamaĝa's jo'ne piyem laje'pi, 'Noota qom 'nonaĝachidegue joñe'me.”

La'aqtaqa Ñim Lo'onatac 'Enauacna 2013

⁶ Qaq co'ollaq namaxalec ana 'alhua So Llalec, nache 'enapeco': «'Enauac nam ỹamaxashecpi piguem le'ecpi ỹo'oxoren qome Somaye.»

Hebreos 1:6 Referans Kwoze

Colosenses 1:18

Qataq so Cristo nachiso so lqaic da n'oquiaxac mayi nachina na 'amqajnataxanaxaicpi. Somayi nachiso so ÿanem da lca'alaxa de'eda n'oquiaxac. Somayi l'auaxanec da qanca'alaxateeguesop na leuaxaicpi, da yaqto' somayi nachisota 'oonolec nataxala'.

Colosenses 1:15

Ñim Dios mayi sa ishit da qaila'a, ñimayi nactaigui da yi'oqchigui lataxac so llalec, som l'auaxanec da huo'o co'ollaq saxanaqca 'enauacna.

1 Pedro 3:22

som taigue da piguem, nachi nso'oota'ague da aloic ñi Dios da ÿamaqpec na namaxashicpi piguem l'ecpi qataq na damaxasoxonapecpi qataq na n'añaxacpi.

Juan 1:14

Qaq se'eso l'enaxat l'aqtac ñi Dios, somayi nañigui da lataxac na yi'oqchigui shiÿaxaua. Nachi somayi qomi' hueta'agueta, qalaq ÿataqta nlaqchigui da lauotaxanaqtaic qataq dam 'eesa lataxac. Qaq qomi' sauanaqchigui da lli'oxoyic dam ñi'oxoyic mayi maichi lalamaxat lli'oxoyic som 'oonolec llalec ñim qadta'a Dios.

Apocalipsis 1:5

Qataq chigoqo'ot so Jesucristo som ÿataqta ipacchiguilo naua l'aqtaqa ñi Dios, qataq nachiso so l'auaxanec da qanca'alaxateeguesop na leuaxaicpi, qataq nachiso so lataxala' na nta'alpi mayi huetalec ana 'alhua. Qaq somayi ÿataqta qomi' ÿauoteque, qataq iÿouec na qadasouaxashitpi, deÿoxonalo naua ltago'q,

Romanos 8:29

Cha'ayi nam nal'ena co'ollaxa da ÿauattonpi ñi Dios, qaq nachina nam lca'au'a co'olloxochiyi ñimayi, da yaqto' 'eeta'am naq'en so llalec, yaqto' so llalec 'eeta'am ca ñaxanec da ÿataqta qalota na lqaÿañicpi.

1 Juan 4:9

Qaq ñi Dios qomi' ÿachaxanalo da lauotaxanaqtaic co'ollaq namaxa ana 'alhua so 'oonolec llalec, da yaqto' qomi' sachigoxotaqchigui somayi da qadca'alaxa.

Juan 1:18

Ñi Dios qaica ca ishit da ilogui, qalaxayi so 'oonolec llalec mayi ÿataqta neto'ot ñimayi, somayi nachiso so qomi' ÿauattonaxanaxanque ñi qadta'a.

Hebreos 10:5

Qaq ÿoqo'oyi so Cristo, co'ollaq huotaique da anaÿa ana 'alhua, nachi 'eetega ñi Dios, 'eeta': 'Am sa 'auaconguet na nachitaqtaxanaxatpi, qataq na qoÿaatapegueuo shiguiÿacpi, chaqdata da 'am 'auqataxaatapigui cam i'oquiaxac.

Juan 3:16

Cha'ayi ñi Dios ÿataqta lta'adaic da lauotaxanaqtaic na shiÿaxauapi, ÿoqo'oyi ÿan na 'oonolec llalec, yaqto' 'enauac nam i'amaqten namayi, nachi sa ishit da ileu. Chaqdata da huo'o da lca'alaxa mayi chochaq tateec.

Hebreos 1:5

Cha'ayi ñi Dios sa ishit da huo'otaq iÿaxana ca lamaxashic piguem l'ec da 'eeta': 'Am mayi nachi'am ÿalec; 'Am seco'oic ne'ena na'a'q. Qataq sa ishit da detaxaÿa ca lamaxashic piguem l'ec da 'eeta': Aÿim qome aÿim lta'a somayi, qaq somayi qome ÿalec.

Mateo 24:14

Qaq de'eda no'on n'axaÿaxac mayi i'axat da n'aqtaguec da l'onataxanaxac ñi Dios mayi ilo'ogue 'enauacna, damayi qai'axateec qome 'enauac ana 'alhua, da yaqto' 'enauac nam ÿotta'a't shiÿaxauapi ÿaÿaten damayi. Huaña, nachi ivita ca loga'tna.