Hebreos 1:14 - Nuevo Testamento Toba Sur

¹⁴ Qataq 'enauac nam namaxashicpi, namayi saq cha'a, do'onataxaatacot ñi Dios. Namayi qanamaq, da yaqto' itauan nam ÿaconguet qome da nca'alaxa.

Nuevo Testamento Toba Sombrero Negro

¹⁴ Qa'a ena'uaque jogaa'me piyem laje' nach'egaua jo'ne nepaqa'li 'me t'onataĝadeuo'o joñe'me Dios, qa'a joñe'me nach'eñe jo'ne yamaĝalo'te da'me lecochiyalo joga'me jiyaĝadipi jo'ne qonec'alaĝatedegue.

La'aqtaqa Ñim Lo'onatac 'Enauacna 2013

¹⁴ Cha'aye na namaxashecpi piguem le'ecpi, namayepi choche saqcha'a na'añaxacpi maye do'onataxaatacot Ñim Lo'onatac 'Enauacna. Qataq Ñimaye ỹamaxa namayepi da itauan 'enauac nam shiỹaxauapi maye taỹa'a da nca'alaxatec Ñimaye.

Hebreos 1:14 Referans Kwoze

Mateo 18:10

Sa ishit qome da qau'otañi ca 'oonolec nam saqca ca l'amaqchic. Cha'ayi aÿim qami' shinapegalo da na nhuataxauapi mayi lamaxashicpi ñi Dios, namayipi nachi 'eetai' da datato'ot ñi ita'a mayi neta'ague da piguem.

Hechos 27:23

Cha'ayi ne'ena pe aÿim nachaxana so chigaqshiguem lamaxashic ñi Dios mayi sooto'ot qataq so'onataxaatacot.

Hechos 5:19

Qalaxayi so lamaxashic piguem l'ec ñi qadataxala' ÿauatoiguilo soua laso'mi aso ncoñitaxanaxaqui se'eso pe, nachi nqatreec soomayi. Nachi 'enapegalo', 'eeta':

Hechos 12:7

Nachi nque'elaxatta da nachatteuo so piguem l'ec lamaxashic ñi qadataxala', nachi ÿataqta yi'oqchiguiñi na pa'auo aso ncoñitaxanaxaqui. Nachi som namaxashic i'adeu'a na laÿi so Pedro da nqotoxon. Nachi 'enapego', 'eeta': –Qoñishiguem, 'anque'emgue. Nachi soua lque'te naua lhua'q so Pedro ñideec.

Lucas 1:19

Nachi so namaxashic 'enapeco': –Aÿim mayi nachaÿim Gabriel, mayi sooto'ot ñi Dios. Qaq ñimayi aÿim namaq da 'am setaxaÿapegue', qataq da 'am sa'axatem de'eda no'on 'ad'axaÿaxac.

Mateo 1:20

Qaq co'ollaq ñaq tatapigui lauel de'eda, nachi anac so lamaxashic piguem l'ec ñi qadataxala', huaigui naq'en so l'ochaxa da nachaxana somayi. Nachi 'enapega, 'eeta': –José, 'am mayi 'auachigoxoguet so nta'a David, sa ishit qome da 'ayi'i da 'aupaca'aguet añi María da 'adhua. Cha'ayi dam llalec mayi huetagui, damayi chigoqo'ot so Espíritu Santo.

Lucas 16:22

Qaq huo'o so na'a'q nachi se'eso choxodaq ileu. Nachi anac na lamaxashic piguem l'ecpi ñi Dios da ÿaueegue da piguem cam hueta'a so Abraham. Qaq som sallaxanec nataq'en ileu. Ime, nachi qailayiñi.

Hechos 12:23

Lcopata, nachi anac so lamaxashic piguem l'ec ñi qadataxala', nachi dalola naq'en so Herodes, cha'ayi somayi sa ishit da ÿi'oxoden ñi Dios. Nachi anac na qochi'l, chic, chochi ivitta'a da ileu.

Lucas 2:9

Nachi nque'elaxatta da nachaxana so lamaxashic ñi qadataxala'. Nachi da lli'oxoyic ñimayi ÿataqta icoÿadelec somayipi, nachi ÿataqta lta'adaic da lcolanaxa.

Lucas 2:13

Huaña, nachi nque'elaxatta da nachaxan so laÿipi so lamaxashic ñi Dios, ÿataqta qalota somayipi, ÿi'oxodeetac ñi Dios, 'eeta':

Mateo 2:13

Qaq co'ollaq mashi je'c soua ÿajnaxanaxaiqa, nachi so lamaxashic ñi qadataxala' nachaxana so José co'ollaq huaigui so l'ochaxa. Nachi 'enapega, 'eeta': –Qoñishiguem qome, nachi 'auacoosop yi nogotolec, qataq añi late'e, nachi 'ananeltaxangue da Egipto. Nachi qoueta'a qome yimayi, to' qom 'am shinapega. Cha'ayi ñi Herodes anac da nmitaique na nogotolec da ÿalauat.

Tito 3:7

Ÿoqo'oyi nagui ñimayi ishit da qaltaq qomi' ÿaÿamaxadeete' souaxat da lqouagaxanaqtaic, qataq qomi' ÿanema da achaalataxac chochi tateec mayi ñaquitaqta'aguet.

Apocalipsis 5:6

Nachi sela'a so huetangui na laiñi som so'onqa', huetanguilo soua cuatro shiguiÿac qataq so nquedoxonecpi. Somayi 'eeta'am na qagueta llalec. Qaq somayi nachattañi, qaq yi'oqta da 'eetec co'ollaq qaÿalauat. Qaq somayi siete ana lcouepi qataq siete naua l'ai'te. Qaq ne'enaua l'ai'te nachinaua naua siete saq cha'alo mayi namaxalo 'enauac ana 'alhua ñi Dios.

1 Pedro 1:12

Qalaxayi ñi Dios ÿaÿajnaxanaxanec somayipi da de'eda huetapegue' sa ishit da lalamaxat, cha'ayi damayi qaÿauotaique da qomi' talguete. Qaq ÿoqo'oyi nachida da qami' qai'axattapeguema dam qami' i'axatema nam i'añaqchit so Espíritu Santo mayi chigoqo'ot na piguem mayi i'axattac da n'aqtaxanaxac mayi chigaqaigui da nca'alaxa. Qaq damayi nataq'en nachida da nshitaique da ÿaÿateeta co'ollaxa nam chigaqshiguem lamaxashicpi ñi Dios.

Mateo 25:34

Nachi ne'ena nta'a 'enapega qome nam hueta'ague na aloic, 'eeta': “Qauanaqui qome, qami' mayi qami' nqouagueque ñi ita'a. Qaunoxoñiu'a qome da n'onataxanaxac mayi ÿaqataxaatapigui' da qami' ÿanema ñi Dios co'ollaq chita'ague i'ot ana 'alhua.

Judas 1:14

Nataq'en so Henoc som huetoigui da siete nqochin na llalaqpi so Adán, somayi i'axata'a namayipi co'ollaq i'aqtaxanaxan ñi Dios, 'eeta': “Aÿim sauaateguet ñi qadataxala' nnaictague' som chalcata mil nam lalamaxatpi,

1 Pedro 1:4

qataq i'ot da qami' ishit da qauacoñiiguet naq'en cam ÿachaxanapec ñi Dios mayi hueta'ague da piguem, cam sa ishit da qailaxachigui qataq sa ishit da qaishipaxanaqchit qataq sa ishit da daqaqtañi da 'eeta'am aca huoue lauoxo.

Hebreos 6:17

Qaq ÿoqo'oyi ñi Dios ÿan da l'aqtac da ÿataqta ipacchigui cam ÿachaxanapec, cha'ayi ñimayi nshitaique da ÿaÿajnaxanaxaata nam taÿa'a qominchiyi da ÿaconguet dam ÿachaxanapec, da ñimayi ishit da ÿataqta ipacchigui da i'ot cam ÿachaxanapec, qaq sa nadalaxat ca l'aqtac.

2 Ts 1:7

qataq da qami' nmataxanaxaneeguesopa qome na qanque'ejnaxaqui, nataq'en qomi', que'eca na'a'q qom ñi'iguelaq so qadataxala' Jesús, chigoqo'ot na piguem da nachaxan, nactaigui na 'ico' l'edaxa na nodec qataq na chigaqshiguem Dios lamaxashicpi mayi 'añaxaicpi.

Filipenses 2:25

Qalaxayi nataq'en iuen da hua'auñi da qami' samaxalo ñi qadqaÿa Epafrodito ñim ñitaunaxaua de'eda qad'onataxanaxac qataq da qanloquiaxac, ñim maichi aÿim qanamaqaÿa co'olloxochiyi da yaqto' huapegue' na iuenecpi.

2 Corintios 9:12

Cha'ayi da qomi' sanaxam aca qadtaunaxanaqte ca qadqaÿañicpi, qaq sa ishit da chaqdata da sanaxam cam iueetac. Cha'ayi nataq'en qomi' so'otaq da camayipi ishit da ÿataqta ÿaatacot da lta'adaic n'achiquiaxac ñi Dios.

Romanos 15:27

Qaq damayi quetelec yi lavilÿaxac da i'ot namayipi, cha'ayi nachi 'eetec iuen da i'ot damayi. Cha'ayi nam judiopi mayi 'amqajnataxanaxaicpi ÿachitec co'ollaxa da n'achiquiaxac mayi saq cha'a nam sa ishit da judiopi. Qaq ÿoqo'oyi namayipi iuen da itaunec nam judiopi 'amqajnataxanaxaicpi dam yi'oqchigui lsallaxa.

Romanos 15:16

da aÿim lamaxashic naq'en so Jesucristo, da yaqto' so'onataxanoigui na saq judiopi. Qaq ÿoqo'oyi sa'axatem namayipi da n'aqtac mayi naigui da nca'alaxa mayi ÿan ñi Dios, da yaqto' sanot ñimayi nam saq judiopi, da 'eeta'am ñaq'en acam nachitaqtaxanaqte mayi ÿaÿamaxadeeta ñi Dios, cha'ayi mashi iÿotauga namayipi so Espíritu Santo.

Romanos 13:6

Qaq souaxat nataq'en de'eda, nachi qami' qaushiichiñi qome ca nta'a. Cha'ayi nam nta'alpi, namayipi do'onataxaatacot ñi Dios, qataq ÿataqta nañanguet da i'ottac na l'onataxanaxacpi.

Hechos 13:2

Qaq huo'o so na'a'q co'ollaq somayipi i'ottac so lli'oxonnataxanaxac ñi qadataxala', nachi nqouaqchit da nqouagaxauen. Nachi so Espíritu Santo 'enapego' somayipi, 'eeta': –Qauÿochiÿauga qome ñi Bernabé qataq ñi Saulo, da yaqto' sanaguilo dam sauotaique l'onataxanaxa'c mayi huo'o mshi seÿaxanalo.

Hechos 11:22

Nachi nam 'amqajnataxanaxaicpi mayi netaña yi Jerusalén, co'ollaq l'axaÿaxac de'eda, nachi qaÿamaq so Bernabé da taÿa yi Antioquía.

Lucas 1:23

Qaq co'ollaq mashi inoxoodeec soua na'axa'te mayi l'onataxanaxaqui' so Zacarías da do'onataxanoigui aso n'onaxanaxaqui, nachi queuo da taÿa ca lma'.

Mateo 24:31

Nachi ÿamaq qome na lamaxashicpi piguem l'ecpi, da yaqto' n'axannec na l-lamaxa ana lashiide da dashiidaxan, da yaqto' lapona't 'enauac na lca'aguishicpi mayi neta'aguelo naua cuatro llico na l'at. Qaq 'enauac namayipi ÿachigoxottalo naua loga'te ana 'alhua.

Mateo 13:41

Na shiÿaxaua llalec namaq qome na lamaxashicpi piguem l'ecpi da nqateeguesop da l'onataxanaxac 'enauac nam ÿasouaxateguet ca lasouaxashit ca lÿa, qataq nam i'ottac na qauempi.

1 Pedro 3:7

Qaq nachi 'eetec nataq'en qami' ÿallippi mayi mashi qauadoñi. Ñi 'oonolec ÿataqta naÿajnaxanaqchin da ilo'ogue da lhuaÿaxac, qataq sa ishit da ÿi'inai', cha'ayi ÿaÿaten da acamayi saqalligueme da l'añaxac, qalaxayi nataq'en nhuanau'a da nca'alaxa mayi chigoqchigui da lqouagaxanaqtaic ñi Dios da qami' ÿanema. Qaq 'eda qome da qoñiitec, yaqto' da qanatamnaxaqui saqca ca nqanaxat.

Santiago 2:5

Qami' ÿaqaÿa't, qami' ñauochaxa'u, qan'axaÿaxañiÿa da i'aqtac: Ñi Dios lca'aguishic na shiÿaxauapi mayi choxodaq nam huetalec ana 'alhua, ÿauotaique da chochaq huañi naq'en da lpi'iÿaxac 'ico' lsallaxa, qataq nshitaique da talec da lalamaxat naq'en cam ñaq natauo l'onataxanaxac mayi ÿachaxanapeguem cam ÿataqta ÿauotec ñimayi.

Hebreos 10:11

Qaq 'enauac nam ltaxaÿaxanaxanecpi na judiopi da qaitaxaÿapegue' ñi Dios, namayipi i'ot da l'onataxanaxac na na'axa'tesa'chi qataq queto'ot da ÿi'iguelaxattalec da ÿaatapegueuo nam nachitaqtaxanaxatpi, qaq nai'ctaxa da ne'ena nachitaqtaxanaxatpi sa ishit da nqat na nasouaxashitpi.

Hebreos 8:6

Qaq se'eso 'oonolec qadtaxaÿaxanaxanec, qalaq somayi da l'onataxanaxac da ntaxaÿaxanaxanec ÿataqta ÿacteec da 'onaxaic, qaq saq 'en'am so hua'auchiguiñi. Cha'ayi somayi nachiso so qomi' detaqleguete nagui de'eda dalaxaic aÿamaxataxac mayi ÿataqta 'onaxaic, dam chigoqchigui nam qaÿachaxanapecpi mayi ÿacteec da no'on.

Hebreos 6:12

Qataq sa saÿamaxadenaq da qami' qavi'iguelaqÿa da qaica ca qadasapachaqai, chaqdato' da qami' qau'enaxachi da lataxac nam chigoqchigui da lpi'iÿaxac qataq dam lhualaxavic, nachi ÿaconguet dam ÿachaxanapec ñi Dios.

Hebreos 5:9

Qaq cha'ayi somayi ÿataqta qanaloqchiichiguiñi da lataxac, qaq ÿoqo'oyi ishit da nachiso so chigoqchigui dam chochaq tateec nca'alaxa mayi taÿot 'enauac nam ÿalaxaguet somayi.

Filipenses 2:17

Qaq nai'ctaxa da qaÿaconeu'a da maichi ÿalamaxat ñachaalataxac da huo'otaq qaÿavigaxat, da yaqto' qaÿalecnoigui aca qadachitaqtaxanaqchi mayi qai'añiÿot ñi Dios, souaxat dam qadpi'iÿaxaqui, qalaxayi aÿim samachiguiñi. Qaq de'eda ñitonaxac nachi ñiuaate' 'enauac da qoñiita.

Efesios 3:6

Qaq de'eda lataxac saq cha'a 'eeta': Chigoqchigui qome da n'aqtac mayi chigaqaigui da nca'alaxa da na sa ishit da judiopi ÿaconguet cam ÿachaxanapec ñi Dios da 'eeta'am qanqoÿin na judiopi. Namayipi nataq'en nhuanau'a da l'oquiaxac so Cristo, qataq nataq'en Jesús.

Gálatas 3:29

Cha'ayi da mashi qami' lalamqa'te so Cristo, qaq nataq'en qami' lalamqa'te llalqa so Abraham, qaq nataq'en qauacoñiiguet qome cam ÿachaxanapec co'olloxochiyi ñi Dios.

Gálatas 3:9

Qaq ÿoqo'oyi cam da'amqajnataxan nachi huo'o da nqouagaxa 'eeta'am so Abraham mayi 'amqajnataxanaxaic.

Gálatas 3:7

Qaq ÿoqo'oyi qami' ishit da qauaÿajñiita da na ÿataqta 'eesa da llalaqpi so Abraham, nachina na huo'o da lpi'iÿaxac.

Romanos 8:17

Qaq nagui da mashi qomi' llalqa ñi Dios, nachi nataq'en ishit da saconaxaguet cam qomi' ÿachaxanapeguema ñimayi. Qalaxayi ÿataqta ñiuanaqte' so Cristo, qaq lamaaxa nagui da ÿataqta qanque'ejnaxaua somayi, da yaqto' ishit qome da ñiuanaqhua'a cam lli'oxoyic somayi.

Hechos 16:26

Nachi nque'elaxatta da huo'o so nacholaxanaxa, nachi ÿataqta ÿacholaxanapec aso ncoñitaxanaxaqui, ivida'a naq'en na pa'aguiñi. Huaña, nachi maichi nauatoiguilo naua laso'mi, qataq maichi huesodeec naua lque'te na ncoñitaguishicpi.

Mateo 4:11

Nachi so shiÿaxaua lma'na, somayi ca'ai so Jesús, nachi anac so namaxashicpi piguem l'ecpi da qaitauan somayi.

Marcos 10:17

Nachi so Jesús qaltaq jec, nachi anac so shiÿaxaua nqalgoqta'ague. Nachi i'adoto naua l-llicte, nachi inattac somayi, 'eeta': –'Am soxodaic mayi 'auapaxaguenataxaatac, ¿huá'ago' ca shiitec, da yaqto' senoxoneu'a da nca'alaxa mayi qaica ca loga't?

Romanos 11:14

Cha'ayi ñishitaique da yaqto' na maichi ÿalamaxat iuo' l'ecpi ishit da huo'o ca lyaxa da qami' datalguete, yaqto' namayipi ishit da qanca'alaxateec.

1 Corintios 1:21

Qaq ñi Dios mayi ÿaÿateetalec cam i'ot, ñimayi sa ÿashinem nam huetalecna da huo'otaq ÿachigoxotchigui da maichi lauattonaxanaxac da ÿauatton ñimayi. Chaqdata da ÿauotaique da nca'alaxateec na i'amaqten ñimayi, chigoqchigui naq'en de'eda n'aqtaxanaxac mayi 'ico' 'oopashic naq'en na laÿipi.

Hebreos 2:3

Qaq ¿táloxochiyictoxo' da qomi' ÿi't ca qanhuaxanaguec da huo'otaq sa ishit da seloxogue ca llic dam lta'adaic nca'alaxa? Cha'ayi nachiso so qadataxala' so l'auaxanec da i'axat de'eda nca'alaxa, ime, qataq jec nam n'axaÿaxaatega somayi, nachi ÿataqta 'itchiguiñi naq'en de'eda n'aqtaxanaxac. Ime, nachi qomi' da'aqtaxanema.

Hebreos 9:28

qaq nachida da 'eetec nataq'en so Cristo da 'oonolec da qaÿi'iguelaxalec da qoÿaneuo da yaqto' nqat nam qalota nasouaxashitpi. Qaq da ime, nachi qaltaq ÿi'iguelaxalec da nachaxan, qalaxayi sa ishit da anaga da nqat na nasouaxashitpi, chaqdata da somayi anaga da nca'alaxateec nam iuattaique somayi.