Gálatas 6:3 - Nuevo Testamento Toba Sur

³ Cha'ayi ca ipi'itaxaatega da 'amaqtaqaic, qamaq qaica ca naigui, qaq camayi 'eeta'am da maichi natenachittapeguela't.

Nuevo Testamento Toba Sombrero Negro

³ Qom 'uo ga'me nepetapela't p'ajaye, qom ja naq'aeta, qama'le ch'e noqovila't.

La'aqtaqa Ñim Lo'onatac 'Enauacna 2013

³ Cha'aye da huo'o ca ipi'itaxaatega da 'amaqtaqaic, qamaq nache qoỹena'am, nache camaye maiche natenachettapeguela't.

Gálatas 6:3 Referans Kwoze

1 Corintios 3:18

Qaica qome ca natenachittapeguela't. Da huo'o ca ipettega da ÿaÿaten da lliquiaxac na naÿajnec mayi lma'na, camayi no'on da nacoola't da qaica ca ÿaÿaten, yaqto' ÿataqta 'eesa da ÿajnaxanaxaic.

1 Corintios 8:2

Da huo'o ca ipi'itaxaatega da huo'o na ÿaÿaten, camayi saxanaxa da huo'o ca ÿaÿaten, cha'ayi saxanaxa da ÿoqta lataxac da lauattonaxanaxac.

Romanos 12:3

Cha'ayi ñi Dios aÿim nqouaguec da aÿim ÿanem de'eda i'onataxanaxac. Ÿoqo'oyi qami' shinapegalo da 'enauac da qoñiita sa ishit qome da huo'o ca ñi'oxonnapec da lhuennataxa da nlotapeguela't. Chaqdata qome da ñi 'oonolec ÿataqta nloteec da deuennataxaatac, qataq iloteguet cam nalotau'a da lpi'iÿaxac mayi ÿanem ñi Dios.

2 Corintios 3:5

Qaq sa ishit da nachiqomi' chigoqchiguilo da maichi qad'añaxac da huo'otaq huo'o ca so'otaq, chaqdata da 'enauac nam ishit da so'otaq chigoqchigui ñi Dios.

1 Corintios 13:2

Qataq aÿim da huo'otaq sa'axattac da l'aqtac ñi Dios, qataq saÿaten 'enauac nam lataxacpi mayi saq cha'a, qataq semata'a't 'enauac na nauattonaxanaxacpi, qataq da ipi'iÿaxac mashi ivi' da seshit da ñoqochinaxat aca qasoxonaxa, qalaxayi da qaica ca isoxoyic, nachi ñaqaiyita qaica ca shinec.

1 Juan 1:8

Qaq da shinaqpec da qaica ca qadasouaxashit, nachi qomi' maichi ñatenachitaqtapeguela't, qataq sa ishit da qomi' 'eesoda.

Romanos 12:16

Qataq sa ishit da huo'o ca ÿoqtapeuga da qoñiita. Qataq sa ishit da qami' ñi'oxonnaxaiqa. Chaqdata da qau'enaxachi cam qaica ca l'amaqchic. Qataq sa ishit da qaupi'itaxañiitega da qami' ÿajnaxanaxaiqa.

Lucas 18:11

Nachi som chigaqaigui nam fariseopi nachattañi co'ollaq nqouagaxaueetac, 'eeta': “'Am ita'a Dios, 'am sanot da ñi'achic, cha'ayi aÿim sa ishit da shin'am ca camachaqca shiÿaxaua, mayi cachaxaic, qauemaic, qataq lauatapiguiñi' aca sa lhua. Qataq sa ishit da shiita'am de'eda ÿacootapeeguet ana nshiitenaqte ca nta'a.

Santiago 1:22

Qalaxayi qau'ochi cam qami' ÿapaxaguenque da n'aqtac. Sa ishit da chochi qan'axaÿaxañiitega. Cha'ayi da nachi qoñiita'ac de'eda, qaq 'en'am da chochi qanatenachiitapeguela't.

Santiago 1:26

Da huo'o ca ipi'itaxaatega da ÿataqta 'amqajnataxanaxaic, qalaxayi sa ishit da icoñidai' ñi lachaxat, camayi maichi natenachittapeguela't. Qaq da l'amqajnataxanaxac ÿataqta saqca ca naigui.

2 Timoteo 3:13

Qalaxayi na qauemaicpi qataq na tenataxanaxaicpi taÿañicda, nquicta'aguet 'enauac na sa ÿaÿamaxañisat. Namayipi datenataxaatac, qalaxayi nachi 'en'am natenatac.

2 Corintios 12:11

Aÿim 'ico' huo'o da ñi'onataxac souaxat da maichi ñi'amaqten, qalaxayi qami' mayi qauayiñiÿa'a aÿim. Qamaq qamí'ctaxa mayi qavi'oxoyiñiitac aÿim, cha'ayi sela'a da sa ishit da aÿim napacalec nam qoquiitague'pi mayi 'eetega da nataÿaña nam Jesús lamaxashicpi, nai'ctaxa da aÿim qaica ca shinec.

Gálatas 2:6

Qaq sa ishit da huo'o ca aÿim ÿanem dalaxaic lapaxaguenataxanaxac soua qoÿiitegalo nachi 'eetai'salo nataxala'te; nai'ctaxa da aÿim sa ishit da ÿoqta selotapigui ca 'eetec ca lataxa'c soomayi, cha'ayi ñi Dios sa ishit da ilotapigui ca yi'oqchigui nataxac.

Hechos 5:36

Cha'ayi qami' qauennachii da huo'o so na'a'q co'ollaxa da nachajñi so Teudas, nachi 'enapec da huo'o naq 'enec, nachi ivi' cuatrocientos so shiÿaxauapi mayi quegue somayi. Qalaxayi somayi co'ollaxa qaÿalauat, nachi 'enauac som quetague'pi somayi nlagaxattac. Huaña, nachi imeuo da l'onataxanaxac.

Gálatas 2:9

Qaq ÿoqo'oyi so Santiago, Pedro, qataq so Juan mayi l'auaxanqa da nataxala'te, soomayi ÿauattoote' da nachiñi ñi Dios ñi aÿim ÿanem de'eda i'onataxanaxac. Qaq ÿoqo'oyi soomayi nachi aÿim nashileto qataq so Bernabé. Qaq de'eda qanashilaxac naigui da maichi qomi' nÿa't, qataq da qaÿaÿamaxadeeta da qomi' so'onataxanaxaigui nam saq judiopi, qaq soomayi qalaxayi do'onataxaadoigui nam judiopi.