Gálatas 6:16 - Nuevo Testamento Toba Sur

¹⁶ Qaq 'enauac qome nam quetegue de'eda ñiquiaxac, qataq 'enauac nam lalamaxatpi ñi Dios, namayipi ÿaconguet qome da nlagaxayic qataq da nchoxonnataxanaxa.

Nuevo Testamento Toba Sombrero Negro

¹⁶ 'Noota qom Dios yanema ga'me 'lemaĝac jogaa'me jo'ne naq'aeta da'me uetedaue, nataq'aen yaloĝonalo da'me lichoĝodenataĝanaĝac gaa'me Dios lec'oqo'tolqa.

La'aqtaqa Ñim Lo'onatac 'Enauacna 2013

¹⁶ Qaq Ñim Lo'onatac 'Enauacna ỹami' qome da nlagaxayec nam lataxac de'era, qataq ỹachaxana da lchoxonnataxanaxa nam lalamaxatpi Ñimaye.

Gálatas 6:16 Referans Kwoze

Gálatas 3:29

Cha'ayi da mashi qami' lalamqa'te so Cristo, qaq nataq'en qami' lalamqa'te llalqa so Abraham, qaq nataq'en qauacoñiiguet qome cam ÿachaxanapec co'olloxochiyi ñi Dios.

Filipenses 3:3

Cha'ayi nam qaÿauo'o n'anaxashit na l'oc mayi ÿataqta 'eesa, nachiqomi' mayi chigoqchigui so Espíritu Santo da ñatamnaqtacot ñi Dios, qataq ÿataqta ñitonaqtapigui' souaxat da qomi' lalamqa'te so Cristo Jesús. Qataq sa ishit da chochi sepi'aqtega cam chochi yi'oqchigui.

Romanos 4:12

Qaq 'eesa da so Abraham nachiso so lta'a nam qaÿauo'o ca n'anaxat na l'oc. Qalaxayi sa ishit da nachaqdata damayi. Cha'ayi namayipi nataq'en quetague' da lliquiaxac da lpi'iÿaxac so qadta'a Abraham co'ollaq saxanaxa da qaÿauo'o ca n'anaxat na l'oc.

Juan 1:47

Nachi so Jesús co'ollaq ila'aguet so Natanael da naÿau'a, nachi 'enapega, 'eeta': –'Ena na ÿoqta 'eesa da llalec so Israel, namayi sa ishit da tenataxanaxaic.

Filipenses 3:16

Qaq de'eda shinapec no'on da nachida qome qadhuennataxa, qataq ÿataqta nateeteguet da qadataxac dam mashi sogote da sevidaq.

Gálatas 5:25

Cha'ayi da qanachaalataxac chigoqo'ot so Espíritu, qaq ÿoqo'oyi no'on da sauaxasoqta'a somayi da qomi' ÿaueca'agueta 'enauac na so'otaqpi.

Gálatas 5:16

Da shiitega 'eeta': Ÿataqta qoquiitegue qome ca 'eetapeguec so Espíritu Santo, yaqto' sa ishit da qoquiitague' cam 'eetapeguec da qadapachiyaxaqui.

Juan 16:33

Qaq aÿim qami' sa'axatema 'enauac de'eda, yaqto' huo'o da qadlagaxayiqui da aÿim qan'ayiitau'a. Qami' ana 'alhua mayi qoviitalec huo'o qome da qanque'ejnaxaqui. Qalaxayi qan'añaxachi qome, cha'ayi aÿim mashi sogote da ÿoxonec nam 'onataxac mayi huetalec ana 'alhua.

Juan 14:27

Nagui qami' shica'aisalo, qalaq nda'a't da nlagaxayic. Qaq de'eda ilagaxayic qami' sanema, qalaxayi sa ishit da qami' sanema da huo'otaq shiita'am da 'eetec nam huetalec ana 'alhua da huo'otaq ÿan da l-lagaxayic. Qaq sa ishit qome da huo'o ca tatapigui yi qadvilli, qataq sa ishit da qayi'iitac.

Filipenses 4:7

Qaq yaqto' ñi Dios qami' ÿanema da l-lagaxayic mayi ÿataqta napacalec 'enauac nam laÿajneguesat ca shiÿaxaua. Qataq de'eda nlagaxayic, damayi ntela'a da qadquiyaqteÿaxaqui qataq da qadhuennataxaqui da qan'ayiitau'a so Cristo Jesús.

Gálatas 1:3

Ñishitaique da qauacoñiiguet da nqouagaxanaqtaic qataq da nlagaxayic mayi chigoqo'ot ñi qadta'a Dios qataq so qadataxala' Jesucristo,

Romanos 1:7

Qaq 'enauac qami' mayi qoñiitaña na la ciudad Roma, qami' samaxalo ana ÿide. Qami' mayi qami' lauotaqa'te ñi Dios qataq qami' iÿaxanalo, da yaqto' qami' qanañañiÿot ñimayi. Qaq qauacoñiiguet qome da nqouagaxanaqtaic qataq da nlagaxayic mayi chigoqo'ot ñi qadta'a Dios qataq so qadataxala' Jesucristo.

Efesios 6:23

Qaq ñim qadta'a Dios qataq so qadataxala' Jesucristo, ñiimayi ÿanem qome na qadqaÿañicpi da l-lagaxayic qataq da lsoxoyic da ÿauaxaÿaxanguet da lpi'iÿaxac.

1 Pedro 1:3

Ÿataqta shi'oxodenaq qome ñi qadta'a Dios ñim lta'a so qadataxala' Jesucristo. Cha'ayi ñimayi ÿachigoxotchigui dam lta'adaic lchoxonnataxanaxa da qaltaq qomi' nañaxa't naq'en, ÿachigoxotchigui so Jesucristo co'ollaq nca'aleeguesop naq'en da nleuaxa. Qaq 'eda da chochaq tateec naq'en da qanaquitaxac,

Judas 1:2

Ñishitaique da qami' qauacoñiiguet dam chochaq huañi nchoxonnataxanaxa, nlagaxayic, qataq da nauotaxanaqtaic.